ವೈವಾಹಿಕ ಸಂಬಂಧದಲ್ಲಿ ಇಂಥಾ ಲಕ್ಷಣಗಳಿದ್ದರೆ ಕೂಡಲೇ ದಾಂಪತ್ಯ ತಜ್ಞರನ್ನು ಭೇಟಿ ಮಾಡಿ

ಮೌನ ಬಂಗಾರವಾಗದಿದ್ದಾಗ

ಸಂವಹನವು ಯಾವುದೇ ಸಂಬಂಧದ ಮೂಲಾಧಾರವಾಗಿದೆ. ಇದು ಸಂಬಂಧ ಗಟ್ಟಿಯಾಗಲು, ಸಂಬಂಧದಲ್ಲಿ ಮದುರತೆ ಬರಲು ಇರುವ ಏಕೈಕ ಅಸ್ತ್ರವಾಗಿದೆ. ಅದರೆ ಹೆಚ್ಚಿನ ವೈವಾಹಿಕ ಅಪಶ್ರುತಿಗಳು ಸಂವಹನದಲ್ಲಿನ ಸ್ಥಗಿತದಿಂದ ಉಂಟಾಗುತ್ತದೆ. ಮೌನ ಮಲ್ಲಿಗೆ ಸತ್ಯ, ಆದರೆ ಅತಿಯಾದ ಮೌನ ಸಹ ಅಪಾಯಕಾರಿ. ಇಂಥಾ ದಂಪತಿಗಳಿಗೆ ಖಂಡಿತವಾಗಿ ವಿವಾಹ ಸಲಹೆಗಾರರ ಅಗತ್ಯವಿದೆ ಎಂದರ್ಥ.

ಮಾತುಕತೆ ನಕಾರಾತ್ಮಕವಾಗಿದ್ದರೆ

ಮಿತಿ ಮೀರಿದ ಪದಗಳು ಸಂಬಂಧದಲ್ಲಿ ಬಹಳಷ್ಟು ಹಾನಿ ಮಾಡಿಬಿಡುತ್ತದೆ. ದಾಂಪತ್ಯದಲ್ಲಿ ಟೀಕೆ, ತಿರಸ್ಕಾರ, ನಿತ್ಯವೂ ಉದ್ವೆಗದ ಮಾತುಗಳೇ ಇದ್ದರೆ ಇದು ಉತ್ತಮ ಸಂಬಂಧದ ಮುನ್ಸೂಚನೆಯಲ್ಲ, ಇವರಿಗೆ ವಿವಾಹ ಸಲಹೆಗಾರರ ಅಗತ್ಯವಿದೆ. ಮತ್ತೊಂದು ವಿಚಾರದಲ್ಲಿ ಹೇಳುವುದಾದರೆ, ನೀವು ಏನು ಹೇಳುತ್ತೀರಿ ಎಂಬುದು ಮಾತ್ರವಲ್ಲ, ನೀವು ಅದನ್ನು ಹೇಗೆ ಹೇಳುತ್ತೀರಿ ಎಂಬುದು ಮುಖ್ಯವಾಗುತ್ತದೆ ಎಂಬುದು ಮುಖ್ಯ ಎನ್ನುತ್ತಾರೆ ಸಂಬಂಧ ಸಲಹೆಗಾರರು.

ಒಂದೇ ಮನೆಯಲ್ಲಿ ಪ್ರತ್ಯೇಕ ಜೀವನ ನಡೆಸುತ್ತಿದ್ದರೆ

ದಂಪತಿಗಳಿಬ್ಬರು ಒಂದೇ ಮನೆಯೊಳಗೆ ಜೀವನ ನಡೆಸುತ್ತಿದ್ದರೂ, ಮದುವೆಯು ಅನ್ಯೋನ್ಯತೆ ಮತ್ತು ಮದುರ ಮಾತು, ಸಂಪರ್ಕದ ಲಕ್ಷಣಗಳನ್ನು ಕಳೆದುಕೊಂಡಿದ್ದರೆ ಅವರಿಗೆ ವಿವಾಹ ಸಲಹೆಗಾರರ ಅಗತ್ಯವಿದೆ ಎಂದರ್ಥ. ಕೆಲವು ದಂಪತಿಗಳು ಹೀಗೆಯೇ ಉತ್ತಮವಾಗಿದೆ ಎಂದುಕೊಂಡಿದ್ದರೂ, ಇದು ಮುಂದಿನ ಬದುಕು, ಮಕ್ಕಳ ಭವಿಷ್ಯದ ಮೇಲೆ ಬಹಳ ನಕಾರಾತ್ಮಕ ಪರಿಣಾಮ ಬೀರಲಿದೆ.

ರಹಸ್ಯಗಳನ್ನು ಇಟ್ಟುಕೊಳ್ಳಬಾರದು

ಪ್ರತಿಯೊಬ್ಬರಿಗೂ ಖಾಸಗಿತನದ ಹಕ್ಕಿದೆ, ಸಂಬಂಧದಲ್ಲಿ ದೊಡ್ಡ ಸಮಸ್ಯೆಗಳನ್ನು ಪರಸ್ಪರ ಮರೆಮಾಡುವುದು ಆರೋಗ್ಯಕರವಲ್ಲ. ನಿಮ್ಮ ಸಂಗಾತಿಯ ಮೇಲೆ ಪರಿಣಾಮ ಬೀರಬಹುದಾದ ಹಣದ ವಿಷಯಗಳು, ಪೋಷಕರ ನಿರ್ಧಾರಗಳು ಅಥವಾ ಕೆಲಸದ ಬದ್ಧತೆಗಳನ್ನು ಮುಚ್ಚಿಡಬಾರದು ಬಹಿರಂಗವಾಗಿ ಚರ್ಚಿಸಬೇಕು. ಸಂಬಂಧದಲ್ಲಿ ಇಂಥಾ ವಿಚಾರಗಳು ಅನುಮಾನಕ್ಕೆ ಕಾರಣವಾಗುತ್ತದೆ.