ಗೃಹಪ್ರವೇಶಕ್ಕೆ ಪತ್ನಿಯ ಪುತ್ಥಳಿ: ಅಮರ ಪ್ರೇಮಕ್ಕೆ ಸಾಕ್ಷಿಯಾಯ್ತು ಕೊಪ್ಪಳದ ಈ ಮನೆ

ನೂತನ ಮನೆಯಲ್ಲಿ ಪತ್ನಿಯ ಪುತ್ಥಳಿ ನಿರ್ಮಿಸಿದ ಉದ್ಯಮಿ

Image Courtesy

ತಮ್ಮ ನೂತನ ಮನೆಯಲ್ಲಿ ಪತ್ನಿ ಕೆವಿಎನ್ ಮಾಧವಿ ಇರಬೇಕೆಂದು ಆಕೆಯಂತೆಯೇ ಕಾಣುವ ಸಿಲಿಕಾನ್ ಪ್ರತಿಮೆ ನಿರ್ಮಿಸಿದ್ದಾರೆ. ಇದನ್ನು ನಿರ್ಮಾಣ ಮಾಡಲು ಸಲಹೆ ಕೊಟ್ಟವರು ಆರ್ಕಿಟೆಕ್ಟ್ ರಂಘಣ್ಣನವರ್. ಬೆಂಗಳೂರಿನ ಬೊಂಬೆ ಮನೆ ಈ ಪುತ್ಥಳಿ ನಿರ್ಮಿಸಿದೆ. ಆಗಸ್ಟ್ 8ಕ್ಕೆ ಈ ಮನೆಯ ಗೃಹಪ್ರವೇಶವಾಗಿದ್ದು ಇದೀಗ ಈ ಮನೆ ಎಲ್ಲರ ಗಮನ ಸೆಳೆದಿದೆ. ಉದ್ಯಮಿ ಗುಪ್ತಾರವರು ಪತ್ನಿ ಮೇಲಿಟ್ಟ ಪ್ರೇಮವನ್ನು ನೋಡಿ, ನಿಜವಾದ ಪ್ರೀತಿಯೆಂದರೆ ಹೀಗಿರಬೇಕು ಎಂದು ಹೇಳುತ್ತಿದ್ದಾರೆ.

ಮಾಧವಿಯವರ ಕನಸ್ಸಿನ ಮನೆ

Image Courtesy

ಮಾಧವಿಯವರಿಗೆ ಒಂದು ಭವ್ಯವಾದ ಮನೆಯನ್ನು ಕಟ್ಟಬೇಕೆಂಬ ಕನಸ್ಸಿತ್ತು. ಹಾಗಾಗಿ ಮನೆ ಕಟ್ಟಲು ಸಿದ್ಧತೆ ಕೂಡ ನಡೆಸಿದ್ದರು. ಆದರೆ ವಿಧಿಯಾಟವೇ ಬೇರೆ ಇತ್ತು. 2017 ಜುಲೈ 5ರಂದು ತಿರುಪತಿಗೆ ಹೋಗುವಾಗ ಕೋಲಾರದ ಬಳಿ ಸಂಭವಿಸಿದ ಅಪಘಾತದಲ್ಲಿ ಸಾವನ್ನಪ್ಪಿದರು. ಪತ್ನಿಯ ಅಗಲಿಕೆಯಿಂದ ದುಃಖಿತರಾದ ಶ್ರೀನಿವಾಸ್ ಮನೆ ನಿರ್ಮಾಣವನ್ನು ನಿಲ್ಲಿಸಿದ್ದರು. ಆದರೆ ಪುತ್ರಿಯರು ಹಾಗೂ ಹಿತೈಷಿಗಳು ಸಮಧಾನ ಹೇಳಿ ಮನೆ ಪೂರ್ಣ ಮಾಡುವಂತೆ ಸಲಹೆ ನೀಡಿದರು. ಆಗ ಪತ್ನಿ ಮನೆಯಲ್ಲಿಯೇ ನಮ್ಮ ಜೊತೆ ಇರಬೇಕೆಂದು ಬಯಸಿದ ಶ್ರೀನಿವಾಸ್ ಪತ್ನಿಯ ಪುತ್ಥಳಿ ನಿರ್ಮಿಸಿದ್ದಾರೆ.

ಥೇಟ್‌ ಮಾಧವಿಯವರಂತೆ ಕಾಣುವ ಪುತ್ಥಳಿ

Image Courtesy

ಥೇಟ್‌ ಮಾಧವಿಯವರಂತೆ ಕಾಣುವ ಪುತ್ಥಳಿಗೆ ಮಾಧವಿಯವರ ಸೀರೆಯನ್ನು ಉಡಿಸಲಾಗಿದೆ. ಅವರು ತೊಡುತ್ತಿದ್ದ ಬಂಗಾರದ ಆಭರಣಗಳನ್ನು ತೊಡಿಸಿದ್ದಾರೆ. ಅವರಂತೆಯೇ ತೋರುವ ರೀತಿಯಲ್ಲಿ ಹೇರ್‌ಸ್ಟೈಲ್ ಹಾಗೂ ಅಲಂಕಾರ ಮಾಡಾಗಿದೆ. ಈ ಪುತ್ಥಳಿಯ ಭಾಗಗಳು ಫ್ಲೆಕ್ಸಿಬಲ್ ಆಗಿದ್ದು ಎಲ್ಲಿಗೂ ಬೇಕಾದರೂ ಕೊಂಡೊಯ್ಯಬಹುದಾಗಿದೆ.

ತಾಯಿ ನಮ್ಮೊಂದಿಗೆ ಇದ್ದಾರೆ ಎಂಬ ಖುಷಿಯಲ್ಲಿ ಪುತ್ರಿಯರು

Image Courtesy

ಶ್ರೀನಿವಾಸ್ ಅವರ ಪುತ್ರಿಯರಿಗೂ ಕೂಡ ಮನೆಯಲ್ಲಿ ತಾಯಿ ಇರುವುದು ತುಂಬಾ ಖುಷಿಯ ವಿಚಾರವಾಗಿದೆ. ದೈಹಿಕವಾಗಿ ಅಮ್ಮ ಇಲ್ಲದಿದ್ದರೂ ಈ ರೂಪದಲ್ಲಾದರೂ ಹೊಸ ಮನೆಯಲ್ಲಿ ನಮ್ಮ ಜೊತೆ ಇದ್ದಾರಲ್ಲಾ ಎಂಬ ಸಮಧಾನ, ಖುಷಿ ಇದೆ. ಗೃಹ ಪ್ರವೇಶ ದಿನ ತಾಯಿ ಪ್ರತಿಮೆ ಜೊತೆ ಈ ಕುಟುಂಬ ಫ್ಯಾಮಲಿ ಫೋಟೋ ತೆಗೆಸಿಕೊಂಡಿದ್ದಾರೆ.

ಇದೀಗ ಈ ಪುತ್ಥಳಿ ವಿಚಾರ ಕರ್ನಾಟಕದಲ್ಲಿ ಮಾತ್ರವಲ್ಲ ದೇಶದಲ್ಲಿಯೇ ಸುದ್ದಿಯಾಗಿದ್ದು ಎಲ್ಲರು ಶ್ರೀನಿವಾಸ್‌ ಅವರು ಪತ್ನಿಯ ಮೇಲಿಟ್ಟಿರುವ ಪ್ರೀತಿ ಕಂಡು ಆದರ್ಶ ಪ್ರೇಮವೆಂದರೆ ಹೀಗಿರಬೇಕು ಎಂದು ಹೊಗಳುತ್ತಿದ್ದಾರೆ.