ಕೈ ಹಿಡಿಯುವ 'ನಲ್ಲನ' ಬಗ್ಗೆ ಆಕೆಯಲ್ಲಿರುವ ತಳಮಳ...

ನನ್ನ ಪುರುಷ ತನ್ನ ಮಾತುಗಳನ್ನು ಕೇಳುವವನಾಗಿರಬೇಕು!

ಹಾಸ್ಯ ಮಾತುಗಾರ ಪ್ರಾಣೇಶ್ ತನ್ನ ಎಲ್ಲಾ ಭಾಷಣದಲ್ಲಿ ಮಹಿಳೆಯರನ್ನು ಮಾತೆಯರೇ ಎಂದೇ ಸಂಬೋಧಿಸುತ್ತಾರೆ. ಏಕೆಂದರೆ ಮಹಿಳೆಯರು ಅಂದರೆ ಬರೇ ಮಾತೇ ಎಂದು ಹಾಸ್ಯಚಟಾಕಿ ಹಾರಿಸುತ್ತಾರೆ. ವಾಸ್ತವವಾಗಿ ಮಹಿಳೆಯರಿಗೆ ಮಾತಾಡುವುದು ಒಂದು ಗೀಳೇ ಆಗಿದ್ದು ತಮ್ಮ ಮಾತುಗಳನ್ನು ಇತರರು ಕೇಳದಿದ್ದರೂ ಸರಿ, ತಮ್ಮ ಪುರುಷ ಮಾತ್ರ ಪೂರ್ಣವಾಗಿ ಗಮನವಿಟ್ಟು ಕೇಳಬೇಕೆಂದು ಬಯಸುತ್ತಾಳೆ.

ನನ್ನ ಪುರುಷ ತನ್ನ ಮಾತುಗಳನ್ನು ಕೇಳುವವನಾಗಿರಬೇಕು!

ಅಂದರೆ ಪುರುಷನಿಗೆ ಆಕೆ ಮಾತನಾಡುವ ವಿಷಯಗಳ ಬಗ್ಗೆ ಇಷ್ಟವಿದ್ದರೂ, ಇಲ್ಲದಿದ್ದರೂ, ಆಸಕ್ತಿ ಇದ್ದರೂ ಇಲ್ಲದಿದ್ದರೂ ಆತ ಸುಮ್ಮನೇ ಕೇಳುತ್ತಿರಬೇಕು ಅಷ್ಟೇ.

ಆತನ ಸಾನಿಧ್ಯದಲ್ಲಿ ಆಕೆ ಸುರಕ್ಷತೆ ಅನುಭವಿಸಬೇಕು

ಯಾವುದೇ ಮಹಿಳೆ ತನ್ನ ಪುರುಷನ ತೆಕ್ಕೆಯಲ್ಲಿ ಸುರಕ್ಷತೆಯನ್ನು ಅನುಭವಿಸಲು ಇಚ್ಛಿಸುತ್ತಾಳೆ. ಅಂದರೆ ತನ್ನ ಪುರುಷ ಸದಾ ತನ್ನ ರಕ್ಷಣೆ ಮಾಡುತ್ತಾನೆ, ತನ್ನ ಬೆಂಬಲಕ್ಕೆ ಸದಾ ಇರುತ್ತಾನೆ ಎಂಬ ಭಾವನೆ ಆಕೆಗೆ ನೂರ್ಮಡಿ ಬಲ ನೀಡುತ್ತದೆ.

ಕನಸಿನ ರಾಜಕುಮಾರನೇ ಆಗಿರಬೇಕು..!

ವಾಸ್ತವವಾಗಿ ಕನಸಿನ ರಾಜಕುಮಾರನ ಗುಣಗಳನ್ನು ಹೊಂದಿರುವ ವ್ಯಕ್ತಿ ಈ ಜಗತ್ತಿನಲ್ಲಿ ಸಿಗಲಾರ. ಎಲ್ಲಾ ಗುಣಗಳು ಇರಲೇಬೇಕು ಎಂದು ಘೋರ ತಪಸ್ಸು ಮಾಡಿದ ದ್ರೌಪದಿಗೆ ಎಲ್ಲಾ ಗುಣಗಳನ್ನು ಒಂದೇ ವ್ಯಕ್ತಿಯಲ್ಲಿ ನೀಡಲಾರದೇ ಸೋತ ಭಗವಂತ ಕಡೆಗೆ ಐದು ಪತಿಯರ ಮೂಲಕ ಆ ಎಲ್ಲಾ ಗುಣಗಳನ್ನು ದ್ರೌಪದಿಗೆ ನೀಡಬೇಕಾಗಿ ಬಂದಿರುವಾಗ ಹುಲುಮನುಷ್ಯರಾದ ನಮ್ಮಲ್ಲಿ ಆ ಎಲ್ಲಾ ಗುಣಗಳು ಸಿಗುವುದು ಅಸಾಧ್ಯ. ಆದರೂ, ಪ್ರತಿ ಯುವತಿಯ ಮನದಲ್ಲಿಯೂ ಓರ್ವ ಕನಸಿನ ರಾಜಕುಮಾರನಿರುತ್ತಾನೆ. ಈತ ಸಕಲ ಸದ್ಗುಣ ಸಂಪನ್ನನಾಗಿದ್ದು ಕೇವಲ ಈಕೆಯನ್ನು ಮಾತ್ರ ಮೋಹಿಸಬೇಕು.

ತನ್ನ ಪುರುಷ ರಸಿಕನಾಗಿರಬೇಕು

ತನ್ನ ಪುರುಷ ರಸಿಕನಾಗಿರಬೇಕು ಎಂದು ಪ್ರತಿ ಯುವತಿಯೂ ಬಯಸುತ್ತಾಳೆ. ವಾಸ್ತವವಾಗಿ ರಸಿಕತೆಯನ್ನು ಪುರುಷರು ಹೆಚ್ಚು ಪ್ರಕಟಿಸಿದರೂ ಏಕಾಂತದಲ್ಲಿ ಮಹಿಳೆಯರೇ ಪುರುಷರಿಗಿಂತ ಹೆಚ್ಚು ರಸಿಕರಾಗಿರುವುದು ಕಂಡುಬಂದಿದೆ.

ತನ್ನ ಪುರುಷ ರಸಿಕನಾಗಿರಬೇಕು

ಆದರೆ ಈ ರಸಿಕತೆ ತನಗೆ ಮಾತ್ರವೇ ಮೀಸಲಾಗಿರಬೇಕೇ ಹೊರತು ತನ್ನ ದೃಷ್ಟಿಯನ್ನು ಇತರ ಮಹಿಳೆಯರ ಕಡೆಗೆ ಆತ ಹೊರಳಿಸಿದರೆ ಮಾತ್ರ ಯಾವುದೇ ಮಹಿಳೆ ಸಹಿಸಲಾರಳು.