ಸಂಬಂಧ ಗಟ್ಟಿಯಾಗಲು ಈ ಸವಾಲುಗಳನ್ನು ಎದುರಿಸಿ

Relationship

oi-Reena

By Hema S

Published: Tuesday, April 17, 2012, 16:12 [IST]

ಗಂಡ-ಹೆಂಡತಿ ಅನ್ನುವ ಸಂಬಂಧ ನಿಂತಿರುವುದೆ ನಂಬಿಕೆಗಳ ಮೇಲೆ. ಆದರೆ ಈ ನಂಬಿಕೆ ಅನ್ನುವುದು ಬರುವುದಕ್ಕೆ ಮೊದಲು ಅನೇಕ ಸವಾಲುಗಳನ್ನು ಎದುರಿಸಬೇಕಾಗುವುದು. ಸವಾಲುಗಳನ್ನು ಧೈರ್ಯದಿಂದ ಎದುರಿಸಬೇಕು. ಆದರೆ ಮಾತ್ರ ಸಂಬಂಧಗಳು ಮತ್ತಷ್ಟು ಗಟ್ಟಿಯಾಗುವುದು.

ಸಂಬಂಧ ಗಟ್ಟಿಯಾಗಿರಲು ಜೀವನದಲ್ಲಿ ಕೆಲವೊಂದು ಅಂಶಗಳನ್ನುಅಳವಡಿಸಿಕೊಳ್ಳಬೇಕು. ಮೊದಲಿಗೆ ಅವುಗಳು ಸವಾಲುಗಳಂತೆ ಅನಿಸಿದರೂ ಅವುಗಳನ್ನು ಪಾಲಿಸಿದರೆ ಅವುಗಳು ಸಂಬಂಧಗಳನ್ನು ಗಟ್ಟಿಗೊಳಿಸುವ ಅಂಶಗಳೆನ್ನುವುದು ನಿಮಗೇ ಅರ್ಥವಾಗುತ್ತದೆ. ಆ ಅಂಶಗಳು ಯಾವುದೆಂದು ತಿಳಿಯಲು ಮುಂದೆ ಓದಿ:

1.ಗಮನಿಸುವುದು: ಒಬ್ಬ ವ್ಯಕ್ತಿಯನ್ನು ನಿಮ್ಮ ಬಾಳಸಂಗಾತಿ ಎಂದು ನಿರ್ಧರಿಸಿದ ಕ್ಷಣದಿಂದಲೆ ಅವರನ್ನು ಸರಿಯಾಗಿ ಗಮನಿಸಬೇಕು. ಗಮನಿಸುವುದರಿಂದ ಅವರ ಗುಣಗಳ ಬಗ್ಗೆ ಸಾಕಷ್ಟು ವಿಷಯಗಳನ್ನು ತಿಳಿದುಕೊಳ್ಳಬಹುದು. ಅವರು ಏನಾದರೂ ಮಾತನಾಡುವಾಗ ಅವರ ಭಾವನೆಗಳನ್ನು ಅರ್ಥೈಸಿಕೊಳ್ಳಲು ಪ್ರಯತ್ನಿಸಬೇಕು. ಆಗ ಅವರು ಏನು ಹೇಳುತ್ತಿದ್ದಾರೆ ಅನ್ನುವುದು ಸ್ಪಷ್ಟವಾಗಿ ಅರ್ಥವಾಗುತ್ತದೆ.

2. ಅಭಿಪ್ರಾಯ: ಪ್ರತಿಯೊಬ್ಬರಿಗೆ ಅವರದ್ದೆ ಆದ ಅಭಿಪ್ರಾಯವಿರುತ್ತದೆ. ಆದ್ದರಿಂದ ನಿಮ್ಮ ಬಾಳ ಸಂಗಾತಿಯ ಅಭಿಪ್ರಾಯಕ್ಕೆ ಕೂಡ ಮಾನ್ಯತೆ ಕೊಡಬೇಕು.

3. ಪ್ರಾಮಾಣಿಕತೆ: ದಾಂಪತ್ಯದಲ್ಲಿ ಪ್ರಾಮಾಣಿಕತೆ ಅನ್ನುವ ಅಂಶವಿರಲೇಬೇಕು. ಅಭಿಪ್ರಾಯ, ಆಸೆ, ಆಕಾಂಕ್ಷೆಗಳನ್ನು ಧೈರ್ಯವಾಗಿ ಹೇಳಬೇಕು. ತಪ್ಪು-ಸರಿಗಳನ್ನು ಪ್ರಾಮಾಣಿಕತೆಯಿಂದ ಒಪ್ಪಿಕೊಳ್ಳಬೇಕು. ಅಗ ಬಾಂಧವ್ಯ ಗಟ್ಟಿಯಾಗುವುದು.

4. ಕ್ಷಮೆ: ಮನುಷ್ಯ ಅಂದ ಮೇಲೆ ತಪ್ಪುಗಳು ಆಗುವುದು ಸಹಜ. ಬಾಳಸಂಗಾತಿಯಿಂದ ಸಣ್ಣಪುಟ್ಟ ತಪ್ಪುಗಳಾದರೆ ಕ್ಷಮಿಸಬೇಕು. ಚುಚ್ಚು ಮಾತುಗಳಿಂದ ಸಂಬಂಧ ನುಚ್ಚು ನೂರಾಗುವುದು. ತಪ್ಪುಗಳನ್ನು ಕ್ಷಮಿಸಿದರೆ ಮಾತ್ರ ಅರೆತುಕೊಂಡು ಬಾಳಲು ಸಾಧ್ಯ.

5. ಹೊಗಳುವುದು: ಒಳ್ಳೆಯ ಗುಣಗಳನ್ನು, ಒಳ್ಳೆಯ ಅಂಶಗಳನ್ನು ಕಂಡಾಗ ಹೊಗಳಬೇಕು. ಈ ರೀತಿ ಮಾಡಿದರೆ ಅವರನ್ನು ಪ್ರೋತ್ಸಾಯಿಸಿದಂತೆ ಅಗುವುದು. ಪರಸ್ಪರ ಒಬ್ಬರಿಗೊಬ್ಬರು ಪ್ರೋತ್ಸಾಯಿಸಿದರೆ ಜೀವನದಲ್ಲಿ ಬರುವ ಚಿಕ್ಕ ಸವಾಲುಗಳನ್ನು ಧೈರ್ಯವಾಗಿ ನಿಭಾಯಿಸುವಂತಾಗುವುದು.

6. ತೃಪ್ತಿ: ಅಹಂ ಅನ್ನುವುದು ಬಿಡಬೇಕು. ಇರುವ ಜೀವನವನ್ನು ತೃಪ್ತಿಯಿರಬೇಕು. ಪರಸ್ಪರ ಗೌರವಿಸಬೇಕು. ಈ ಎಲ್ಲಾ ಗುಣಗಳಿದ್ದರೆ ಜೀವನ ಸುಖಮಯವಾಗುವುದು.