ಅಡುಗೆಯಲ್ಲಿ ಉಪ್ಪು ಜಾಸ್ತಿಯಾದರೆ ಹೀಗೆ ಮಾಡಿ

Published: Friday, February 24, 2012, 12:47 [IST]

ಉಪ್ಪಿಲ್ಲದ ಊಟ ರುಚಿಸುವುದಿಲ್ಲ. ಆದರೆ ಉಪ್ಪು ಅಧಿಕವಿರುವ ಊಟ ಗಂಟಲಿನಿಂದ ಇಳಿಯುವುದಿಲ್ಲ. ರುಚಿಕರವಾದ ಸಾರು ಮಾಡಿ ಉಪ್ಪು ಸ್ವಲ್ಪ ಜಾಸ್ತಿಯಾದರೂ ತಿನ್ನುವುದು ಕಷ್ಟ. ಕಷ್ಟಪಟ್ಟು ಮಾಡಿದ ಅಡುಗೆ ವ್ಯರ್ಥವಾಗುವುದು. ಆದ್ದರಿಂದ ಇವತ್ತು ನಾವು ಅಡುಗೆಯಲ್ಲಿ ಉಪ್ಪು ಜಾಸ್ತಿಯಾದರೆ ಅದನ್ನು ಕಡಿಮೆ ಮಾಡುವ ವಿಧಾನದ ಬಗ್ಗೆ ತಿಳಿಯೋಣ.

ಉಪ್ಪು ಜಾಸ್ತಿಯಾದರೆ ಹೀಗೆ ಮಾಡಿ:

ಅಡುಗೆ ಮಾಡುವಾಗ ಸ್ವಲ್ಪ ಉಪ್ಪನ್ನು ಬಳಸಿ, ಉಪ್ಪು ಸಾಲಲಿಲ್ಲ ಅಂದರೆ ಮತ್ತೆ ಸೇರಿಸಬಹುದು. ಈ ರೀತಿ ಮಾಡಿದರೆ ಅಡುಗೆಯಲ್ಲಿ ಉಪ್ಪು ಹೆಚ್ಚಾಗಿ ಹಾಳಾಗುವುದನ್ನು ತಡೆಯಬಹುದು. ಕೆಲವೊಮ್ಮೆ ಅಳತೆ ಮೀರಿ ಉಪ್ಪು ಜಾಸ್ತಿಯಾದರೆ ಹೀಗೆ ಮಾಡಿ.

1.ಒಂದು ವೇಳೆ ಸಾರಿನಲ್ಲಿ ಉಪ್ಪು ಸ್ವಲ್ಪ ಹೆಚ್ಚಾದರೆ ಸ್ವಲ್ಪ ನೀರು ಸೇರಿಸಿ ಕುದಿಸಬೇಕು.

2. ಪಲ್ಯದಂತಹ ಅಡುಗೆಗೆ ಸ್ವಲ್ಪ ಆಲೂಗೆಡ್ಡೆ ಕತ್ತರಿಸಿ ಹಾಕಿ 5 ನಿಮಿಷ ಬೇಯಿಸಿ ನಂತರ ಆಲೂಗೆಡ್ಡೆ ತೆಗೆಯಬೇಕು.

3. ಗೋಧಿ ಹಿಟ್ಟನ್ನು ಕಲೆಸಿ ಉಂಡೆ ರೀತಿ ಮಾಡಿ ಉಪ್ಪು ಹೆಚ್ಚಾಗಿರುವ ಖಾದ್ಯಕ್ಕೆ ಸೇರಿಸಿದರೆ ಗೋಧಿ ಹಿಟ್ಟು ಅಧಿಕವಾಗಿರುವ ಉಪ್ಪಿನಂಶವನ್ನು ಹೀರಿಕೊಳ್ಳುತ್ತದೆ.

4. ಗ್ರೇವಿಯಲ್ಲಿ ಉಪ್ಪು ಜಾಸ್ತಿಯಾದರೆ 1 ಚಮಚ ಅಕ್ಕಿ ಹಿಟ್ಟನ್ನು ಸೇರಿಸಿ 5-6 ನಿಮಿಷ ಕುದಿಸಬೇಕು. ಆಗ ಹಿಟ್ಟು ಅಧಿಕ ಉಪ್ಪನ್ನು ಹೀರಿಕೊಂಡು ಗ್ರೇವಿಯ ಮೇಲ್ಭಾಗದಲ್ಲಿ ತೇಲುತ್ತಿರುತ್ತದೆ. ನಂತರ ಚಮಚದಿಂದ ಆ ಹಿಟ್ಟನ್ನು ತೆಗೆಯಬೇಕು.

5. ಗ್ರೇವಿಯಲ್ಲಿ ಆಲೂಗೆಡ್ಡೆಯನ್ನು ಕತ್ತರಿಸಿ ಹಾಕಿ 6-7 ನಿಮಿಷ ಬೇಯಿಸಿದರೆ ಅಧಿಕ ಉಪ್ಪನ್ನು ಆಲೂಗೆಡ್ಡೆ ಹೀರಿಕೊಳ್ಳುತ್ತದೆ. ನಂತರ ಆ ಆಲೂಗೆಡ್ಡೆ ತುಂಡುಗಳನ್ನು ಗ್ರೇವಿಯಿಂದ ತೆಗೆಯಬೇಕು.

6. ಸಾರಿನಲ್ಲಿ ಸ್ವಲ್ಪ ಉಪ್ಪು ಜಾಸ್ತಿಯಾದರೆ ಸ್ವಲ್ಪ ಹುಣಸೆ ಹಣ್ಣಿನ ರಸ ಅಥವಾ ವಿನಿಗರ್ ಸೇರಿಸಿದರೆ ಸಾಕು.