ನಾಗರ ಪಂಚಮಿಗೆ ಶೇಂಗಾ ಉಂಡೆ ರೆಸಿಪಿ

Sweets

oi-Reena

By Hema S

Updated: Monday, July 23, 2012, 11:57 [IST]

ಶ್ರಾವಣ ಮಾಸ ಬಂತು ಅಂದರೆ ಹಬ್ಬಗಳ ಸಂಭ್ರಮ ಪ್ರಾರಂಭವಾಗುತ್ತದೆ, ಒಂದರ ನಂತರ ಒಂದು ಹಬ್ಬಗಳು ಬರಲಾರಂಭಿಸುತ್ತದೆ. ಪ್ರತಿಯೊಂದು ಹಬ್ಬದಲ್ಲೂ ಕೆಲವೊಂದು ಅಡುಗೆಗಳು ವಿಶೇಷವಾಗಿರುತ್ತದೆ.ಗಣೇಶನ ಹಬ್ಬಕ್ಕೆ ಕಡುಬು ಪ್ರಮುಖವಾದರೆ ನಾಗರ ಪಂಚಮಿ ಹಬ್ಬದ ಸಂಭ್ರಮದಲ್ಲಿ ಕಡುಬು, ಶೇಂಗಾ ಉಂಡೆ, ತಂಬಿಟ್ಟು ಹೀಗೆ ಬರೀ ಸಾತ್ವಿಕ ಅಡುಗೆಗಳನ್ನೇ ತಯಾರಿಸಲಾಗುವುದು.

ಅದರಲ್ಲೂ ಶೇಂಗಾ ಉಂಡೆಯನ್ನು ಹೆಚ್ಚಿನವರ ಮನೆಯಲ್ಲಿ ತಯಾರಿಸಲಾಗುವುದು. ಈ ಶೇಂಗಾ ಉಂಡೆ ತಯಾರಿಸಲು ಸುಲಭವಾಗಿದ್ದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಈ ಪಂಚಮಿಗೆ ನೀವು ಕೂಡ ಶೇಂಗಾ ಉಂಡೆ ಮಾಡಲು ಬಯಸುವುದಾದರೆ ಇಲ್ಲಿದೆ.

ಬೇಕಾಗುವ ಸಾಮಗ್ರಿಗಳು
ಹುರಿದ ಶೇಂಗಾ ( ತರಿ ತರಿಯಾಗಿ ಪುಡಿ ಮಾಡಿರಬೇಕು)- 2 ಕಪ್
ಓಲೆ ಬೆಲ್ಲದ ಪುಡಿ 1 ಕಪ್
ಹುರಿಗಡಲೆ ಹಿಟ್ಟು 1/2 ಕಪ್
ಒಣ ಕೊಬ್ಬರಿ
3 ಚಮಚ ತುಪ್ಪ
ಏಲಕ್ಕಿ ಪುಡಿ.

ಮಾಡುವ ವಿಧಾನ:

1. ಬೆಲ್ಲದ ಪುಡಿಯನ್ನು ನೀರಿನಲ್ಲಿ ಹಾಕಿ ಕುದಿಸಿ ಬೆಲ್ಲದ ಪಾನಕ ಮಾಡಬೇಕು. ಪಾನಕ ಸ್ವಲ್ಪ ಗಟ್ಟಿಯಾಗಿರಲಿ.

2. ಈಗ ಕುದಿಯುತ್ತಿರುವ ಬೆಲ್ಲದ ಪಾನಕಕ್ಕೆ ಶೇಂಗಾ ಪುಡಿ ಹಾಗೂ ಹುರಿಗಡಲೆ ಹಿಟ್ಟು, ತುರಿದ ಒಣ ಕೊಬ್ಬರಿ ಮತ್ತು ಏಲಕ್ಕಿ ಪುಡಿಗಳನ್ನು ಸೇರಿಸಿ ಮಿಶ್ರಮಾಡಬೇಕು. ನಂತರ ತುಪ್ಪವನ್ನು ಹಾಕಿ ಕಲೆಸಬೇಕು.

3. ಈ ಮಿಶ್ರಣ ಬಿಸಿಯಾಗಿದ್ದಾಗಲೇ ಉಂಡೆಗಳನ್ನು ಕಟ್ಟಬೇಕು.