ಅಂತಿಂಥ ರಸಂ ಅಲ್ಲವಿದು ಇದು ಮಾವಿನ ರಸಂ!

ಮಾವಿನ ಹುಳಿಯನ್ನು ನೆನೆಸಿಕೊಂಡರೇ ಬಾಯಲ್ಲಿ ನೀರೂರುತ್ತದೆ. ಇನ್ನು ಈ ರಸಂ ಕುಡಿದರಂತೂ... ಇನ್ನೇಕೆ ತಡ ಒಂದು ಕೈ ನೋಡೇಬಿಡಿ

• ಉಮಾರಾವ್‌

ಮಾವಿನ ರಸಂಗೆ ಬೇಕಾಗುವ ಪದಾರ್ಥಗಳು :

1ಬಟ್ಟಲು ಬಲಿತ ಮಾವಿನ ಹೋಳುಗಳು
2 ಚಮಚ ರಸಂ ಪುಡಿ
1-2 ಉಂಡೆ ಬೆಲ್ಲ
ಮೂರು ಎಸಳು ಕರಿಬೇವು
3-4 ಒಣಮೆಣಸಿನಕಾಯಿ
ಸ್ವಲ್ಪ ಈರುಳ್ಳಿ ಚೂರು
ಸ್ವಲ್ಪ ಬೆಳ್ಳುಳ್ಳಿ ಚೂರು
ಅರ್ಧ ಚಮಚ ಸಾಸಿವೆ
ಉಪ್ಪು (ರುಚಿಗೆ ತಕ್ಕಷ್ಟು)

ಮಾಡುವ ವಿಧಾನ : ಮೊದಲು ಮಾವಿನ ಸಿಪ್ಪೆಯನ್ನು ನೀಟಾಗಿ ತೆಗೆಯಿರಿ. ಆಮೇಲೆ ಅದನ್ನು ಚಿಕ್ಕಚಿಕ್ಕ ಹೋಳುಗಳನ್ನಾಗಿ ಕತ್ತರಿಸಿ.

ಮೂರು ಬಟ್ಟಲು ನೀರಿನಲ್ಲಿ ಮಾವಿನ ಹೋಳುಗಳನ್ನು ಚೆನ್ನಾಗಿ ಬೇಯಿಸಿ. ಮಾವಿನ ಕಾಯಿಯ ಹೋಳುಗಳ ಬೆಂದ ಮೇಲೆ ಹೊರತೆಗೆಯಿರಿ. ಬಿಸಿ ಕಡಿಮೆಯಾದ ಮೇಲೆ ಮಾವಿನ ಹೋಳುಗಳನ್ನು ಮಿಕ್ಸಿಗೆ ಹಾಕಿ ರಸ ತೆಗೆದು ಒಂದು ಪಕ್ಕಕ್ಕೆ ಎತ್ತಿಡಿ.

ಪಾತ್ರೆಯಲ್ಲಿ ಎಣ್ಣೆ ಕಾಯಿಸಿ, ಒಗ್ಗರಣೆಯ ಸಾಮಗ್ರಿಗಳನ್ನು ಹಾಕಿ ಬಾಡಿಸಿ, ಅದಕ್ಕೆ ಮಾವಿನ ರಸ, ರಸಂ ಪುಡಿ, ಬೆಲ್ಲ, ಈರುಳ್ಳಿ, ಉಪ್ಪು ಎಲ್ಲವನ್ನೂ ಸೇರಿಸಿ ಮತ್ತೊಮ್ಮೆ ಬಾಡಿಸಿ. ಚೆನ್ನಾಗಿ ಕುದ್ದ ಮೇಲೆ ಮಾವಿನ ರಸಂನ ರುಚಿ ನೋಡಿ. ಮಾವಿನ ರಸಂಯಿದ್ದರೇ ಇನ್ನೊಂದು ತುತ್ತು ಜಾಸ್ತಿ ಊಟ ಮಾಡಬಹುದು!