ಕಾಜು ಕ್ಯಾರೆಟ್ ಡಿಲೈಟ್

* ಲಕ್ಷ್ಮಿ ನಾಡಿಗ್

ಬೇಕಾಗಿರುವ ಸಾಮಾನುಗಳು

1 ಕ್ಯಾರೆಟ್
50 ಗ್ರಾಂ ಗೋಡಂಬಿ (ಸ್ವಲ್ಪಹೊತ್ತು ಹಾಲಿನಲ್ಲಿ ನೆನೆಸಿ, ರುಬ್ಬಿಕೊಳ್ಳಬೇಕು)
2 ಬಟ್ಟಲು ಹಾಲು
50 ಗ್ರಾಂ ಸಕ್ಕರೆ (ಸಿಹಿ ಜಾಸ್ತಿ ಬೇಕು ಅಂದ್ರೆ 100 ಗ್ರಾಂ ಸಕ್ಕರೆ ಹಾಕಿಕೊಳ್ಳಬಹುದು)
ತುಪ್ಪ 1 ಚಮಚ

ಮಾಡುವ ವಿಧಾನ:

ಮೊದಲು ಒಂದು ಬಾಣಲೆಯಲ್ಲಿ ತುಪ್ಪ ಹಾಕಿ ಕ್ಯಾರೆಟ್ನ ಹಸಿ ವಾಸನೆ ಹೋಗೋವರೆಗೂ ಹುರಿದುಕೊಳ್ಳಿ. ಒಂದು ದಪ್ಪ ತಳದ ಪಾತ್ರೆಯಲ್ಲಿ ಹಾಲನ್ನು ಕಾಯಿಸಿ (2 ಕಪ್ ಹಾಲು 1 ಕಪ್ ಆಗೋತನಕ ಕಾಯಿಸಬೇಕು). ಹಾಲು ಕಾದ ನಂತರ ಅದಕ್ಕೆ ಸಕ್ಕರೆಯನ್ನು ಹಾಕಿ ಕೈಯಾಡಿಸಿ ಕರಗಿಸಿ. ಸಕ್ಕರೆ ಕರಗಿದ ನಂತರ ರುಬ್ಬಿಕೊಂಡ ಗೋಡಂಬಿ ಮತ್ತು ಹುರಿದಿಟ್ಟ ಕ್ಯಾರೆಟ್ ಹಾಕಿ 3ರಿಂದ 4 ನಿಮಿಷ ಸಣ್ಣ ಉರಿಯಲ್ಲಿ ಕುದಿಸಬೇಕು. ನೆನಪಿರಲಿ ಇದು ತಳ ಹೊತ್ತುವ ಸಾಧ್ಯತೆಗಳು ಜಾಸ್ತಿ ಇರುವುದರಿಂದ ಕೈಯಾಡುತ್ತಿರಲೇ ಇರಬೇಕು. ಕುದಿಸಿದ್ದು ಸಾಕು ಅನಿಸಿದ ನಂತರ ಇದನ್ನು ಒಲೆಯ ಮೇಲಿನಿಂದ ಕೆಳಗಿಳಿಸಿ, ಸ್ವಲ್ಪ ಹೊತ್ತು ಆರಲು ಬಿಡಿ.

ತಣ್ಣಗೆ ತಿನ್ನಲು ಇಷ್ಟಪಡುವವರು, ಇದನ್ನು ಸ್ವಲ್ಪ ಹೊತ್ತು fridgeನಲ್ಲಿ ಇಟ್ಟು ತಂಪು ಮಾಡಿಕೊಂಡು ತಿನ್ನಬಹುದು. ನಿಮ್ಮ ಪ್ರೀತಿ ಪಾತ್ರರ ಜೊತೆ ಹಂಚಿಕೊಂಡು ತಿಂದರೆ ಇನ್ನೂ ಒಳ್ಳೆ ರುಚಿ ಸಿಗುತ್ತದೆ.