ವಡಾ ಪಾವ್ ಅಲ್ಲ, ಇದು ಬಾಯಿ ನೀರೂರಿಸುವ ದಾಬೆಲಿ

Snacks

oi-Reena

By Hema S

Updated: Tuesday, January 1, 2013, 16:13 [IST]

ಪಾವ್ ಬಾಜಿ ರೀತಿ ದಾಬೆಲಿ ಕೂಡ ಪ್ರಸಿದ್ಧವಾದ ಭಾರತೀಯ ತಿಂಡಿಯಾಗಿದೆ. ಇದು ಖಾರ ಮತ್ತು ಸಿಹಿ ಸಮ್ಮಿಶ್ರವಾಗಿದ್ದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ.

ಬಾಯಿಯಲ್ಲಿ ನೀರೂರಿಸುವಂತಹ ಈ ತಿಂಡಿಯನ್ನು ಸುಲಭವಾಗಿ ಮಾಡಬಹುದಾಗಿದ್ದು ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
1 ಕೆಂಪು ಮೆಣಸು
1 ಚಮಚ ಕೊತ್ತಂಬರಿ
1/2 ಇಂಚಿನಷ್ಟು ಚಕ್ಕೆ
2 ಲವಂಗ
1/4 ಚಮಚ ಜೀರಿಗೆ

ಇತರ ಸಾಮಾಗ್ರಿಗಳು:
1 ಕಪ್ ಆಲೂಗೆಡ್ಡೆ (ಬೇಯಿಸಿ ಹಿಸುಕಿದ್ದು)
ಅರ್ಧ ಚಮಚ ಜೀರಿಗೆ
ಚಿಟಿಕೆಯಷ್ಟು ಇಂಗು
ಈರುಳ್ಳಿ (ಕತ್ತರಿಸಿದ್ದು)
ಖರ್ಜೂರದ ಅಥವಾ ಹುಣಸೆ ಹಣ್ಣಿನ ಚಟ್ನಿ
2 ಚಮಚ ಎಣ್ಣೆ
ರುಚಿಗೆ ತಕ್ಕ ಉಪ್ಪು
ಬನ್ಸ್
1 ಚಮಚ ಬೆಲ್ಲದ ಪಾಕ

ಅಲಂಕಾರಕ್ಕೆ
1 ಈರುಳ್ಳಿ
ಸ್ವಲ್ಪ ನೆಲೆಗಡಲೆ (ರೋಸ್ಟ್ ಮಾಡಿದ್ದು)
ಅರ್ಧ ಕಪ್ ಸೇವ್

ತಯಾರಿಸುವ ವಿಧಾನ:

* ಮೇಲೆ ಹೇಳಿದ ಸಾಮಾಗ್ರಿಗಳನ್ನು 2-3 ನಿಮಿಷ ಹುರಿಯಬೇಕು. ನಂತರ ಅವುಗಳನ್ನು ನುಣ್ಣಗೆ ಪುಡಿ ಮಾಡಬೇಕು. (ಇದೇ ದಾಬೆಲಿ ಮಸಾಲ)

* ಈಗ ತವಾವನ್ನು ಬಿಸಿ ಮಾಡಿ ಅದಕ್ಕೆ ಜೀರಿಗೆ, ದಾಬೆಲಿ ಮಸಾಲ, ಆಲೂಗೆಡ್ಡೆ, ರುಚಿಗೆ ತಕ್ಕ ಉಪ್ಪು, ಸ್ವಲ್ಪ ನೀರು ಹಾಕಿ ಮಿಶ್ರಣ ಮಾಡಬೇಕು. ನಂತರ ಉರಿಯಿಂದ ತೆಗೆಯಬೇಕು.

* ನಂತರ ಈ ಮಿಶ್ರಣಕ್ಕೆ 1 ಚಮಚ ಖರ್ಜೂರ ಚಟ್ನಿ ಅಥವಾ ಹುಣಸೆ ಹಣ್ಣಿನ ಚಟ್ನಿ ಹಾಕಬೇಕು.

* ಈಗ ಬರ್ಗರ್ ಬನ್ಸ್ ಕಟ್ ಮಾಡಿ ಅದಕ್ಕೆ ಸ್ವಲ್ಪ ಎಣ್ಣೆ ಅಥವಾ ಬೆಣ್ಣೆ ಹಾಕಿ ಬಿಸಿ ಮಾಡಿ.

* ಈಗ ಬನ್ ಒಳಗೆ ಆಲೂಗೆಡ್ಡೆ ಮಿಶ್ರಣ, ಸೇವ್, ಕತ್ತರಿಸಿದ ಈರುಳ್ಳಿ, ಹುರಿದ ನೆಲಗಡಲೆ, ಮೇಲೆ ಸ್ವಲ್ಪ ಬೆಲ್ಲದ ಪಾಕ (ಬೆಲ್ಲದ ಪಾಕ ನಿಮ್ಮ ಆಯ್ಕೆಗೆ ಬಿಟ್ಟದ್ದು) ಹಾಕಿದರೆ ದಾಬೆಲಿ ರೆಡಿ.