ಕುರುಕಲು ತಿಂಡಿಗಿಂತ ಲೇಸು ಈ ಆರೋಗ್ಯಕರ ವಡೆ

Snacks

oi-Reena

By Hema S

Updated: Thursday, July 5, 2012, 12:18 [IST]

ಈರುಳ್ಳಿ ಪಕೋಡ, ಈರುಳ್ಳಿ ಚಕ್ರ ಹೀಗೆ ಈರುಳ್ಳಿಯಿಂದ ರುಚಿಕರವಾದ ತಿಂಡಿಗಳನ್ನು ತಯಾರಿಸಲು ತಿಳಿದಿರಬಹುದು. ಇವತ್ತು ಈರುಳ್ಳಿ ವಡೆ ಮಾಡುವ ವಿಧಾನ ತಿಳಿಯೋಣ. ಕುರುಕಲು ತಿಂಡಿ ಇಷ್ಟ ಪಡುವವರು ಈ ತಿಂಡಿ ಮಾಡಿ ತಿಂದರೆ ರುಚಿಯ ಜೊತೆ ಆರೋಗ್ಯಕ್ಕೂ ಒಳ್ಳೆಯದು.

ಬೇಕಾಗುವ ಸಾಮಾಗ್ರಿಗಳು:
* ಕತ್ತರಿಸಿದ ಈರುಳ್ಳಿ 4-5
* 2 ಕಪ್ ಮೈದಾ
* 1/4 ಕಪ್ ನೀರು
* 4 ಚಮಚ ಎಳ್ಳು
* ಎಣ್ಣೆ
* 1 ಚಮಚ ಅಡುಗೆ ಸೋಡಾ
* 3 ಕತ್ತರಿಸಿದ ಹಸಿ ಮೆಣಸಿನ ಕಾಯಿ
* ಒಂದು ಹಿಡಿಯಷ್ಟು ಕತ್ತರಿಸಿದ ಕೊತ್ತಂಬರಿ ಸೊಪ್ಪು
* 2 ಚಮಚ ಸಕ್ಕರೆ
* 1 ಚಮಚ ಉಪ್ಪು

ಸಲಹೆಗಳು:

1. ಹಿಟ್ಟನ್ನು ಕಲೆಸುವಾದ ಸ್ವಲ್ಪ ನೀರು ಮಾತ್ರ ಹಾಕಬೇಕು. ಹಿಟ್ಟನ್ನು ಕಲಿಸಿ ಮಸ್ಲೀನ್ ಬಟ್ಟೆಯಿಂದ ಮುಚ್ಚಿಡಬೇಕು.

2. ನಂತರ ಹಿಟ್ಟನ್ನು ಸ್ವಲ್ಪ-ಸ್ವಲ್ಪ ತೆಗೆದು ತೆಳುವಾಗಿ ವಡೆಯಷ್ಟು ಅಗಲದಲ್ಲಿ ತಟ್ಟಬೇಕು. ಈ ರೀತಿ ತಟ್ಟಿ ಫೋರ್ಕ್ ನಿಂದ ಅದರ ಮೇಲೆ ಗೀರಲು (ಚುಚ್ಚಲು) ಮರೆಯಬಾರದು.

3. ತುಂಬಾ ಬೇಯಿಸಬಾರದು. ಕಂದು ಬಣ್ಣ ಬರುವವಾಗ ಓವನ್ ನಿಂದ ತೆಗದು ಬಿಡಬೇಕು. ಏಕೆಂದರೆ ತುಂಬಾ ಬೆಂದರೆ ತಿಂಡಿ ಗಟ್ಟಿ ಮತ್ತು ಕಹಿಯಾಗುವುದು. ತಯಾರಿಸಿದ ತಿಂಡಿಯನ್ನು ಗಾಳಿ ಸೇರದ ಡಬ್ಬಿಯಲ್ಲಿ ಮುಚ್ಚಿಟ್ಟರೆ ಸ್ವಲ್ಪ ದಿನಗಳವರೆಗೆ ಬಳಸಬಹುದು.

ತಯಾರಿಸುವ ವಿಧಾನ:

1. ಒಂದು ಬಟ್ಟಲು ತೆಗೆದು ಅದರಲ್ಲಿ ಮೈದಾ, ಎಳ್ಳು, ಕತ್ತರಿಸಿದ ಈರುಳ್ಳಿ, ಅಡುಗೆ ಸೋಡಾ, ಸಕ್ಕರೆ, ಉಪ್ಪು, ಕೊತ್ತಂಬರಿ ಸೊಪ್ಪು, ಹಸಿ ಮೆಣಸಿನ ಕಾಯಿ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು. ನಂತರ ಸ್ವಲ್ಪ ಬಿಸಿ ಎಣ್ಣೆ ಹಾಕಿ ಮಿಶ್ರ ಮಾಡಬೇಕು.

2. ಈಗ ಬಿಸಿ ನೀರನ್ನು ಸ್ವಲ್ಪ ಹಾಕಿ ಮಿಶ್ರಣದಿಂದ ಹಿಟ್ಟನ್ನು ಕಲೆಸಿಕೊಳ್ಳಬೇಕು. ಈರುಳ್ಳಿ ಜಾಸ್ತಿಯಾಯಿತು ಎಂದು ಬೇಸರ ಪಡಬೇಡಿ. ಜಾಸ್ತಿ ಈರುಳ್ಳಿ ಇದ್ದಷ್ಟು ತಿಂಡಿಯ ರುಚಿ ಹೆಚ್ಚುವುದು.

3. ನಂತರ ಹಿಟ್ಟನ್ನು ಮಸ್ಲೀನ್ ಬಟ್ಟೆಯಲ್ಲಿ ಮುಚ್ಚಿ 30 ನಿಮಿಷ ಇಡಬೇಕು.

4. ಈಗ ಅವನ್ ಅನ್ನು ಮುಂಚಿತವಾಗಿ 325 Fಗೆ ಬಿಸಿ ಮಾಡಬೇಕು.

5. ನಂತರ ಕಲೆಸಿದ ಹಿಟ್ಟಿನಿಂದ ತೆಳುವಾದ ವಡೆಗಳನ್ನು ತಟ್ಟಬೇಕು.

6. ನಂತರ ವೃತ್ತಾಕಾರವಾದ ವಡೆಯನ್ನು ಎಣ್ಣೆ ಸವರಿದ ಬೇಯಿಸುವ ಶೀಟ್ ನಲ್ಲಿಟ್ಟು, ವಡೆಯನ್ನು ಫೋರ್ಕ್ ನಿಂದ ಚುಚ್ಚಿ ತೂತ ಮಾಡಬೇಕು.

7. ನಂತರ 25-30 ನಿಮಿಷ ಬೇಯಿಸಬೇಕು. ಮೊದಲೇ ಹೇಳಿದಂತೆ ತುಂಬಾ ಬೇಯಿಸಬೇಡಿ. ಕಂದು ಬಣ್ಣ ಬರುವಾಗ ತೆಗೆದರೆ ರುಚಿಕರವಾದ ಈರುಳ್ಳಿ ವಡೆ ರೆಡಿ.