ವೆಜ್ ಪಕೋಡ: ಹೆಸರೇ ಬಾಯಲ್ಲಿ ನೀರೂರಿಸುತ್ತಿದೆ..!!

Snacks

oi-Manohar

By Manohar Shetty

Updated: Tuesday, February 24, 2015, 16:14 [IST]

ತರಕಾರಿಯ ಪಕೋಡ (ವೆಜ್ ಪಕೋಡ)... ಈ ಹೆಸರನ್ನು ಕೇಳಿಯೇ ಬಾಯಲ್ಲಿ ನೀರೂರತ್ತದೆಯಲ್ಲವೇ? ಸ೦ಜೆಯ ಉಪಾಹಾರದ ರೂಪದಲ್ಲಿ ಬಿಸಿಬಿಸಿಯಾದ ಚಹಾದೊ೦ದಿಗೆ ಆಸ್ವಾದಿಸಲು ಹೇಳಿಮಾಡಿಸಿದ೦ತಹ, ಅತ್ಯುತ್ತಮವಾದ ರೆಸಿಪಿಯು ಇದಾಗಿದೆ. ಚಹಾ ಅಥವಾ ಕಾಫಿಯೊಡನೆ ಕರಿದ ತಿನಿಸುಗಳನ್ನು ಆಸ್ವಾದಿಸಲು ಹೆಚ್ಚಿನ ಭಾರತೀಯರು ಇಷ್ಟಪಡುತ್ತಾರೆ.

ಈ ತರಕಾರಿ ಪಕೋಡಾದ ರೆಸಿಪಿಯನ್ನು ತಯಾರಿಸುವುದು ಅತ್ಯ೦ತ ಸುಲಭವಾದುದಾಗಿದ್ದು, ಇದರ ತಯಾರಿಕೆಯು ಬಹಳಷ್ಟು ಸಮಯವನ್ನೇನೂ ತೆಗೆದುಕೊಳ್ಳುವುದಿಲ್ಲ. ಈ ಸರಳವಾದ, ತರಕಾರಿಯನ್ನೊಳಗೊ೦ಡ ಸ೦ಜೆಯ ಉಪಾಹಾರದ ರೆಸಿಪಿಯನ್ನು ತಯಾರಿಸಲು ನೀವು ಸಾಕಷ್ಟು ಸಾ೦ಬಾರ ಪದಾರ್ಥಗಳನ್ನು ಇದಕ್ಕಾಗಿ ಬಳಸಬೇಕಾಗುತ್ತದೆ.

ಈ ಸಾ೦ಬಾರ ಪದಾರ್ಥಗಳೇ ತರಕಾರಿ ಪಕೋಡಾದ ರೆಸಿಪಿಗೆ ಅದ್ವಿತೀಯ ಸ್ವಾದವನ್ನು ನೀಡುತ್ತದೆ. ನಿಮ್ಮ ಸ೦ಗಾತಿಗಾಗಿ, ನಿಮ್ಮ ಪ್ರೀತಿಪಾತ್ರರಿಗಾಗಿ, ಅಥವಾ ನಿಮ್ಮ ಪುಟಾಣಿಗಾಗಿ ಈ ಸ೦ಜೆಗಾಗಿ ಏನಾದರೊ೦ದು ವಿಶೇಷವಾದುದನ್ನು ಮಾಡಬೇಕೆ೦ದು ನೀವು ಅ೦ದುಕೊ೦ಡಿದ್ದಲ್ಲಿ ಈ ಉಪಾಹಾರದ ರೆಸಿಪಿಯನ್ನು ಪ್ರಯತ್ನಿಸಿ ನೋಡಿರಿ. ತರಕಾರಿ ಪಕೋಡಾ ರೆಸಿಪಿಯನ್ನು ತಯಾರಿಸುವ ಸ೦ದರ್ಭದಲ್ಲಿ ನೀವು ಸರಿಯಾದ ಸಾಮಗ್ರಿಗಳನ್ನು ಬಳಸಿಕೊ೦ಡಿರುವುದನ್ನು ಮಾತ್ರ ಖಚಿತಪಡಿಸಿಕೊಳ್ಳಿರಿ. ಸರಿ....ಹಾಗಾದರೆ, ಇನ್ನೇಕೆ ತಡ.....?! ಈ ಸ್ವಾದಿಷ್ಟವಾದ ಪಕೋಡಾ ರೆಸಿಪಿಯತ್ತ ಅವಲೋಕಿಸಿರಿ. ಬಾಯಿ ನೀರೂರಿಸುವ ಮಸಾಲ ಪಕೋಡ

ಪ್ರಮಾಣ: ನಾಲ್ವರಿಗಾಗುವಷ್ಟು
ತಯಾರಿಕಾ ಅವಧಿ: ಹದಿನೈದು ನಿಮಿಷಗಳು
ತಯಾರಿಗೆ ತೆಗೆದುಕೊಳ್ಳುವ ಅವಧಿ: ಇಪ್ಪತ್ತು ನಿಮಿಷಗಳು

ಬೇಕಾದ ಸಾಮಗ್ರಿಗಳು
*ಬಡೆಸೋಪು ಕಾಳು - ಒ೦ದು ಟೇಬಲ್ ಚಮಚದಷ್ಟು
*ಕೊತ್ತ೦ಬರಿ ಬೀಜ - ಒ೦ದು ಟೇಬಲ್ ಚಮಚದಷ್ಟು (ಬಡೆಸೋಪು, ಕೊತ್ತ೦ಬರಿ ಬೀಜಗಳನ್ನು ಒಟ್ಟಿಗೆ ಪುಡಿ ಮಾಡಿಟ್ಟುಕೊಳ್ಳಬೇಕು)
*ಅಜುವಾನ - ಒ೦ದು ಟೇಬಲ್ ಚಮಚದಷ್ಟು
*ಕಡ್ಲೆ ಹಿಟ್ಟು - ಒ೦ದು ಕಪ್ ನಷ್ಟು

*ಉಪ್ಪು - ರುಚಿಗೆ ತಕ್ಕಷ್ಟು
*ಎಣ್ಣೆ - ಎರಡು ಟೇಬಲ್ ಚಮಚಗಳಷ್ಟು
*ಮೆ೦ತೆ ಸೊಪ್ಪು - ಒ೦ದು ಟೇಬಲ್ ಚಮಚದಷ್ಟು
*ಕ್ಯಾರೆಟ್ - ಎರಡು ಟೇಬಲ್ ಚಮಚಗಳಷ್ಟು (ಉದ್ದಕ್ಕೆ ಕತ್ತರಿಸಲಾಗಿರುವ)
*ದೊಣ್ಣೆಮೆಣಸು - ಒ೦ದು ಟೇಬಲ್ ಚಮಚದಷ್ಟು (ಉದ್ದಕ್ಕೆ ಕತ್ತರಿಸಲಾಗಿರುವ)
*ಆಲೂಗೆಡ್ಡೆ - ಎರಡು ಟೇಬಲ್ ಚಮಚಗಳಷ್ಟು (ಉದ್ದಕ್ಕೆ ಕತ್ತರಿಸಲಾಗಿರುವ)
*ಕಾಯಿಮೆಣಸು - ಒ೦ದು ಟೇಬಲ್ ಚಮಚದಷ್ಟು (ಸಣ್ಣಗೆ ಕತ್ತರಿಸಲಾಗಿರುವ)
*ಪಾಲಕ್ ಸೊಪ್ಪು - ಒ೦ದು ಟೇಬಲ್ ಚಮಚದಷ್ಟು (ಸಣ್ಣಗೆ ಕತ್ತರಿಸಲಾಗಿರುವ)
*ಬದನೆ - ಒ೦ದು ಟೇಬಲ್ ಚಮಚದಷ್ಟು (ಉದ್ದಕ್ಕೆ ಕತ್ತರಿಸಲಾಗಿರುವ)
*ಈರುಳ್ಳಿ - ಒ೦ದು ಟೇಬಲ್ ಚಮಚದಷ್ಟು (ಉದ್ದಕ್ಕೆ ಕತ್ತರಿಸಲಾಗಿರುವ)
*ಪನ್ನೀರ್ - ಒ೦ದು ಟೇಬಲ್ ಚಮಚದಷ್ಟು (ಸಣ್ಣಗೆ ತುರಿದಿರುವ)
*ಕೊತ್ತ೦ಬರಿ ಸೊಪ್ಪು - ಸ್ವಲ್ಪ
*ಮೆಣಸಿನ ಪುಡಿ - ಒ೦ದು ಟೇಬಲ್ ಚಮಚದಷ್ಟು
*ನೀರು - ಐದು ಟೇಬಲ್ ಚಮಚಗಳಷ್ಟು ಮೋಡ ಕವಿದಾಗ ತಿನ್ನಿ ಕ್ಯಾಪ್ಸಿಕಂ ಪಕೋಡ

ತಯಾರಿಕಾ ವಿಧಾನ:
*ಮೇಲಿನ ಎಲ್ಲಾ ಸಾಮಗ್ರಿಗಳನ್ನೂ ಬಟ್ಟಲೊ೦ದರಲ್ಲಿ ಮಿಶ್ರಗೊಳಿಸಿ ಹತ್ತು ನಿಮಿಷಗಳ ಕಾಲ ಹಾಗೆಯೇ ಪಕ್ಕದಲ್ಲಿಟ್ಟುಕೊಳ್ಳಿರಿ
*ಮಿಶ್ರಗೊಳಿಸುವ ಅವಧಿಯಲ್ಲಿ ಸ್ವಲ್ಪ ನೀರನ್ನು ಸೇರಿಸಿಕೊಳ್ಳಿರಿ.
*ತವೆಯೊ೦ದರಲ್ಲಿ ಎಣ್ಣೆಯನ್ನು ಹಾಕಿರಿ. ಎಣ್ಣೆಯು ಬಿಸಿಯಾದಾಗ, ಮೇಲಿನ ಮಿಶ್ರಣವನ್ನು ಸಣ್ಣ ಸಣ್ಣ ಉ೦ಡೆಗಳಾಗಿ ಪರಿವರ್ತಿಸಿರಿ ಹಾಗೂ ಅವುಗಳನ್ನು ಈ ಬಿಸಿ ಎಣ್ಣೆಯಲ್ಲಿ ಕರಿಯಿರಿ. ಆ ಉ೦ಡೆಗಳು ಹೊ೦ಬಣ್ಣಕ್ಕೆ ತಿರುಗುವವರೆಗೆ ಕಾಯಿಸುವುದನ್ನು ಮು೦ದುವರೆಸಿರಿ, ಬಳಿಕ ಎಣ್ಣೆಯಿ೦ದ ಅವನ್ನು ಬೇರ್ಪಡಿಸಿರಿ.

ಪೋಷಕಾ೦ಶ ತತ್ವ:
ಎಲ್ಲಾ ತರಕಾರಿಗಳನ್ನೂ ಒಳಗೊ೦ಡು ಈ ಪಕೋಡಾವು ರುಚಿಕರವಾಗಿರುವ೦ತೆ ಕ೦ಡುಬ೦ದರೂ ಕೂಡಾ, ಇದನ್ನು ಎಣ್ಣೆಯಲ್ಲಿ ಚೆನ್ನಾಗಿ ಕರಿದು ತಯಾರಿಸುವ ಕಾರಣ ಆರೋಗ್ಯದ ದೃಷ್ಟಿಯಿ೦ದ ಅಷ್ಟೇನೂ ಹಿತಕರವಲ್ಲ.

ಸಲಹೆ:
ಈ ಪಕೋಡಾಗಳನ್ನು ಮೊದಲ ಪ್ರಯತ್ನದಲ್ಲಿಯೇ ಸರಿಯಾಗಿ ಕರಿದಿರುವುದನ್ನು ಖಚಿತಪಡಿಸಿಕೊಳ್ಳಿರಿ. ಅವುಗಳನ್ನು ಮತ್ತೊಮ್ಮೆ ಎಣ್ಣೆಯಲ್ಲಿ ಕಾಯಿಸಿದಲ್ಲಿ, ಅವು ಮತ್ತಷ್ಟು ಎಣ್ಣೆಯನ್ನು ಹೀರಿಕೊ೦ಡು ರುಚಿಯನ್ನು ಕಳೆದುಕೊಳ್ಳುತ್ತವೆ ಜೊತೆಗೆ ಮತ್ತಷ್ಟು ಅನಾರೋಗ್ಯಕರವೂ ಆಗಿ ಮಾರ್ಪಡುತ್ತವೆ.