ಹೊಸ ವರ್ಷದ ಪಾರ್ಟಿಗಿರಲಿ ಮಶ್ರೂಮ್ ಕಬಾಬ್

Snacks

oi-Sumalatha

By Sumalatha

Published: Saturday, December 31, 2011, 14:57 [IST]

ಹೊಸ ವರ್ಷಕ್ಕೆ ನಿಮ್ಮ ಮನೆಯಲ್ಲಿ ಸ್ಪೆಷಲ್ ಏನಾದರೂ ಮಾಡಬೇಕು ಎಂದು ಯೋಚಿಸುತ್ತಿದ್ದೀರಾ? ಹಾಗಾದರೆ ಇಲ್ಲೊಂದು ಸ್ಪೆಷಲ್ ಅಡುಗೆಯಿದೆ. ಸಸ್ಯಾಹಾರಿಗಳಿಗಂತೂ ಇದು ಸಖತ್ ಇಷ್ಟವಾಗುತ್ತೆ. ವೆಜಿಟೆಬಲ್ ಕಬಾಬನ್ನು ಈ ಹೊಸವರ್ಷದ ಪಾರ್ಟಿಯಲ್ಲಿ ಮಾಡಿ ಸವಿಯಿರಿ.

ವೆಜಿಟೆಬಲ್ ಕಬಾಬ್ ಗೆ ಬೇಕಾಗುವ ಪದಾರ್ಥ:

* 200 ಗ್ರಾಂ ಅಣಬೆ
* 1 ಚಮಚ ಜೀರಿಗೆ
* 2 ಹಸಿರು ಮೆಣಸಿನಕಾಯಿ
* 1 ಈರುಳ್ಳಿ
* 25 ಗ್ರಾಂ ಚೀಸ್
* 25 ಗ್ರಾಂ ಮೊಸರು
* 10 ಗ್ರಾಂ ಕೆನೆ
* ಉಪ್ಪು
* ಎಳ್ಳೆಣ್ಣೆ, ಸಾಸಿವೆ ಎಣ್ಣೆ
* ಪುದೀನಾ
* ಗರಂ ಮಸಾಲಾ
* ಕಡಲೆ ಹಿಟ್ಟು

ವೆಜೆಟಬಲ್ ಕಬಾಬ್ ಮಾಡುವ ವಿಧಾನ:

* ಅಣಬೆಯ ದಂಟನ್ನು ಬಿಡಿಸಿಕೊಂಡು ಅದನ್ನು ಚಿಕ್ಕದಾಗಿ ಕತ್ತರಿಸಿಕೊಳ್ಳಬೇಕು.

* ಪುದೀನಾ, ಈರುಳ್ಳಿ, ಬೆಳ್ಳುಳ್ಳಿ, ಹಸಿರು ಮೆಣಸಿನಕಾಯಿ, ಜೀರಿಗೆಯೊಂದಿಗೆ ಈ ಅಣಬೆ ದಂಟನ್ನು ಹುರಿದುಕೊಳ್ಳಬೇಕು.

* ಇದನ್ನು ಚೀಸ್ ಜೊತೆ ಬೆರೆಸಿ ಮಿಶ್ರಣವನ್ನು ದುಂಡಗಿನ ಅಣಬೆಯೊಳಗೆ ತುಂಬಿಸಬೇಕು.

* ಒಂದು ಬಟ್ಟಲಿನಲ್ಲಿ ಹಸಿರು ಮೆಣಸಿನಕಾಯಿ ಪೇಸ್ಟ್, ಮೊಸರು, ಕೆನೆ, ಉಪ್ಪು, ಎಳ್ಳೆಣ್ಣೆ, ಸಾಸಿವೆ ಎಣ್ಣೆ, ಪುದೀನಾ, ಗರಂ ಮಸಾಲೆ ಮತ್ತು ಕಡಲೆ ಹಿಟ್ಟನ್ನು ಕಲೆಸಿಕೊಂಡು ಅದರಲ್ಲಿ ಅಣಬೆಯನ್ನು ಅದ್ದಬೇಕು.

* ಈಗ ಹಿಟ್ಟಿನಲ್ಲಿ ಅದ್ದಿದ ಅಣಬೆಗಳನ್ನು ಓವೆನ್ ನಲ್ಲಿ 180 ಡಿಗ್ರಿ ಉಷ್ಣತೆ 8-10 ನಿಮಿಷ ಬೇಯಿಸಬೇಕು. ಆಗ ವೆಜಿಟೆಬಲ್ ಕಬಾಬ್ ತಿನ್ನಲು ರೆಡಿಯಾಗಿರುತ್ತೆ. ಇದನ್ನು ನಿಮಗಿಷ್ಟದ ಸಾಸ್ ಜೊತೆ ತಿನ್ನಬಹುದು.