ಬೋಂಡಾ ಅಲ್ಲ, ಬಜ್ಜಿ ಅಲ್ಲ, ಆಲೂ ಪಕೋಡ ಇದು

Snacks

oi-Sumalatha

By Sumalatha

Published: Monday, December 26, 2011, 10:40 [IST]

ಈ ಚುಮು ಚುಮು ಚಳಿಯಲ್ಲಿ ಸಂಜೆ ಏನಾದರೂ ಬಿಸಿ ಬಿಸಿಯಾಗಿ ತಿನ್ನಬೇಕೆನಿಸಿದಾಗ ಮೊದಲು ನೆನಪಾಗುವುದು ಬೋಂಡಾ ಬಜ್ಜಿ. ಆದರೆ ಯಾವಾಗಲೂ ಬೋಂಡಾ ಬಜ್ಜಿ ತಿನ್ನೋದಕ್ಕೆ ಬೇಜಾರಾದರೆ ಇಲ್ಲಿದೆ ನಿಮಗೊಂದು ಹೊಸ ಆಯ್ಕೆ. ಈ ಗರಿ ಗರಿ ಆಲೂ ಪಕೋಡಾ ರುಚಿ ಒಮ್ಮೆ ನೋಡಿದರೆ ಸಾಕು ಮತ್ತೆ ಮತ್ತೆ ತಿನ್ನುತ್ತಲೇ ಇರಬೇಕೆನಿಸುವುದು ಗ್ಯಾರಂಟಿ.

ಆಲೂ ಪಕೋಡಾಗೆ ಬೇಕಾಗುವ ಪದಾರ್ಥ:
* 2-3 ಆಲೂಗಡ್ಡೆ
* 75-100 ಗ್ರಾಂ ಕಡಲೆ ಹಿಟ್ಟು
* ನೀರು
* 1/2 ಚಮಚ ಜೀರಿಗೆ
* 1/2 ಚಮಚ ಓಂ ಕಾಳು
* 1/2 ಚಮಚ ಕೆಂಪು ಮೆಣಸಿನಕಾಯಿ ಪುಡಿ
* ಉಪ್ಪು

ಆಲೂ ಪಕೋಡಾ ತಯಾರಿಸುವುದು ಹೇಗೆ?
* ಆಲೂಗಡ್ಡೆಯನ್ನು ತೆಳುವಾಗಿ ವೃತ್ತಾಕಾರವಾಗಿ ಕತ್ತರಿಸಿಕೊಳ್ಳಬೇಕು. ನೀರಿನಲ್ಲಿ ಕಡಲೆ ಹಿಟ್ಟನ್ನು ಸ್ವಲ್ಪ ತೆಳುವಾಗಿ ಕಲೆಸಿಕೊಳ್ಳಬೇಕು.
* ಈಗ ಜೀರಿಗೆ, ಸೋಂಪು, ಕೆಂಪು ಮೆಣಸಿನ ಪುಡಿ, ಉಪ್ಪನ್ನು ಬೆರೆಸಿ ಚೆನ್ನಾಗಿ ಕಲೆಸಬೇಕು. ಈ ಮಿಶ್ರಣಕ್ಕೆ ಆಲೂಗಡ್ಡೆ ಚೂರುಗಳನ್ನು ಹಾಕಬೇಕು.
* ಬಾಣಲೆಯಲ್ಲಿ ಎಣ್ಣೆ ಕಾಯಿಸಿ ಕಡಲೆ ಹಿಟ್ಟಿನಲ್ಲಿ ಅದ್ದಿದ ಆಲೂಗಡ್ಡೆ ಚೂರುಗಳನ್ನು ಒಂದೊಂದಾಗಿ ಎಣ್ಣೆಗೆ ಹಾಕಬೇಕು. ಅದು ಹಳದಿ ಬಣ್ಣಕ್ಕೆ ತಿರುಗುತ್ತಿದ್ದಂತೆ ತೆಗೆದು ಪೇಪರ್ ಮೇಲೆ ಎಣ್ಣೆ ಹೀರಿಕೊಳ್ಳಲು ಬಿಡಬೇಕು. ಈಗ ಬಿಸಿ ಬಿಸಿ ಆಲೂಗಡ್ಡೆ ಪಕೋಡಾ ತಿನ್ನಲು ರೆಡಿ.

ಈ ದಿನದ ಸಂಜೆಯೇ ಟೀ ಜೊತೆಗೆ ಈ ಆಲೂ ಪಕೋಡಾ ಮಾಡಿ ರುಚಿ ನೋಡಿ.