ಖರ್ಚಿಲ್ಲದೆ ಮಾಡಬಹುದು ಬಟಾಣಿ ಕಚೋರಿ

ಬಟಾಣಿ ಕಚೋರಿಗೆ ಬೇಕಾಗುವ ಪದಾರ್ಥ:

* 250 ಗ್ರಾಂ ಬಟಾಣಿ
* 1 ಚಮಚ ಶುಂಠಿ ಪೇಸ್ಟ್
* 3-4 ಚಿಟಿಕೆ ಇಂಗು
* 1 ಚಮಚ ಜೀರಿಗೆ ಪುಡಿ
* 1 ಚಮಚ ಕೆಂಪು ಮೆಣಸಿನಕಾಯಿ ಪುಡಿ
* 1 ಚಮಚ ಸಕ್ಕರೆ
* 3 ಕಪ್ ಅಕ್ಕಿ ಹಿಟ್ಟು
* ಎಣ್ಣೆ, 1 ಚಮಚ ತುಪ್ಪ
* ರುಚಿಗೆ ತಕ್ಕಷ್ಟು ಉಪ್ಪು

ಬಟಾಣಿ ಕಚೋರಿ ತಯಾರಿಸುವುದು ಹೇಗೆ?

ಸ್ಟೆಪ್ 1: ಬಟಾಣಿಯನ್ನು ಬೇಯಿಸಿ ನೀರಿನಿಂದ ಪ್ರತ್ಯೇಕಗೊಳಿಸಲು ಬಸಿಯಬೇಕು. 10 ನಿಮಿಷ ತಣ್ಣಗಾಗಲು ಬಿಡಬೇಕು. ತುಪ್ಪ ಮತ್ತು ನೀರಿನ ಸಹಾಯದಿಂದ ಹಿಟ್ಟನ್ನು ಸ್ವಲ್ಪ ಗಟ್ಟಿಯಾಗಿ ಕಲೆಸಿಕೊಳ್ಳಬೇಕು. ತುಪ್ಪವನ್ನು ಹಾಕುವುದರಿಂದ ಕಚೋರಿ ತಿನ್ನಲು ಗರಿ ಗರಿಯಾಗುತ್ತದೆ.

ಸ್ಟೆಪ್ 2: ಬಟಾಣಿಯನ್ನು ತರಿತರಿಯಾದ ಪೇಸ್ಟ್ ನಂತೆ ರುಬ್ಬಿಕೊಳ್ಳಬೇಕು. ಬಾಣಲೆಗೆ 1 ಚಮಚ ಎಣ್ಣೆ ಹಾಕಿ ಕಾದ ನಂತರ ಶುಂಠಿ ಪೇಸ್ಟ್ ಮತ್ತು ಇಂಗು ಹಾಕಿ ಹುರಿಯಬೇಕು. ಬಟಾಣಿ ಪೇಸ್ಟ್ ಬೆರೆಸಿ ನಿರಂತರವಾಗಿ ತಿರುಗಿಸಬೇಕು.

ಸ್ಟೆಪ್ 3: ಸ್ವಲ್ಪ ಸಕ್ಕರೆ ಮತ್ತು ಉಪ್ಪಿನೊಂದಿಗೆ ಜೀರಿಗೆ, ಕೆಂಪು ಮೆಣಸಿನ ಪುಡಿಯನ್ನು ಹಾಕಿ 6-8 ನಿಮಿಷ ತಿರುಗಿಸುತ್ತಲೇ ಇರಬೇಕು. ಇದು ಹಸಿರು ಬಣ್ಣಕ್ಕೆ ತಿರುಗಿ ಒಣಗಿದಂತಾಗುತ್ತದೆ.

ಸ್ಟೆಪ್ 4: ಹುರಿದ ಈ ಮಿಶ್ರಣವನ್ನು ಸ್ವಲ್ಪ ತಣ್ಣಗಾಗಲು ಬಿಟ್ಟು ಬಾಣಲೆಯಲ್ಲಿ ಅರ್ಧದಷ್ಟು ಎಣ್ಣೆ ಹಾಕಿ ಸಣ್ಣನೆ ಉರಿಯಲ್ಲಿಡಬೇಕು. ಕಚೋರಿ ಮಾಡಲು ಎಣ್ಣೆ ಹೆಚ್ಚು ಕಾದಿರಬೇಕು.

ಸ್ಟೆಪ್ 5: ಹಿಟ್ಟಿನಿಂದ ಸಣ್ಣ ಸಣ್ಣ ಉಂಡೆ ಮಾಡಿಕೊಂಡು ಅದರಲ್ಲಿ ತೂತು ಮಾಡಿ ಮಿಶ್ರಣವನ್ನು ತುಂಬಬೇಕು. ಬೆರಳುಗಳ ಸಹಾಯದಿಂದ ಅದು ಒಡೆಯದಂತೆ ಸರಿಯಾಗಿ ಮುಚ್ಚಬೇಕು.
ಸ್ಟೆಪ್ 6: ಕಾದ ಎಣ್ಣೆಗೆ ಹಿಟ್ಟನ್ನು ಹಾಕಿ ಬೇಯಿಸಿದರೆ ಸ್ವಾದಿಷ್ಟ ಬಟಾಣಿ ಕಚೋರಿ ತಿನ್ನಲು ರೆಡಿಯಾಗಿರುತ್ತೆ.