ಈ ಮಳೆಯಲಿ ಗೋಬಿ ಭರ್ ಜೊತೆಗಿರಲಿ

Snacks

oi-Sumalatha N

By Sumalatha N

Published: Saturday, September 3, 2011, 12:57 [IST]

ಯಾವಾಗ್ಲೂ ಗೋಬಿ ಮಂಚೂರಿಯನ್ ತಿಂದು ಬೋರ್ ಹೊಡೆದಿದ್ರೆ ಮಂಚೂರಿಯನ್ ನಲ್ಲೇ ಇನ್ನೊಂದು ವಿಧವಾದ ಮತ್ತು ಹೆಚ್ಚು ರುಚಿಯಾದ ಈ ಗೋಬಿ ಭರ್ ತಯಾರಿಸಿ ತಿನ್ನಬಹುದು. ಇವತ್ತು ನಿಮಗೆ ಗೋಬಿ ಭರ್ ಮಾಡುವುದು ಹೇಗೆ ಎಂದು ತಿಳಿಸಿಕೊಡುತ್ತೇವೆ. ಅದನ್ನು ಮಾಡಿ ನೀವೂ ಕೂಡ ಈ ಮಳೆಯಲ್ಲಿ ಬಿಸಿಯಾದ ಗೋಬಿ ಭರ್ ರುಚಿ ಸವಿಯಬಹುದು.

ಗೋಬಿ ಭರ್ ರೆಸಿಪಿಗೆ ಏನೇನು ಬೇಕು?
* 1 ಬಿಡಿಸಿದ ಹೂ ಕೋಸು
* 1 ಚಮಚ ಶುಂಠಿ ಪೇಸ್ಟ್
* 1 ಚಮಚ ಜೀರಿಗೆ
* ಉಪ್ಪು, ಅರಿಶಿನ, ಜೀರಿಗೆ ಪುಡಿ, ಗರಂ ಮಸಾಲೆ ಸ್ವಲ್ಪ
* ಒಂದು ಕಪ್ ಕತ್ತರಿಸಿದ ಕೊತ್ತಂಬರಿ ಸೊಪ್ಪು
* ಎಣ್ಣೆ

ಗೋಬಿ ಭರ್ ಮಾಡೋದು ಹೇಗೆ?
ಒಂದು ಬಾಣಲೆಯಲ್ಲಿ ಎಣ್ಣೆ ಹಾಕಿ ಬಿಸಿ ಮಾಡಬೇಕು. ಬಿಸಿಯಾದ ಎಣ್ಣೆಗೆ ಜೀರಿಗೆ ಹಾಕಿ ಹುರಿದು ನಂತರ ಬಿಡಿಸಿಟ್ಟ ಹೂಕೋಸು, ಶುಂಠಿ ಪೇಸ್ಟ್ ಬೆರೆಸಬೇಕು. ಇದಾದ ಮೇಲೆ ಅರಿಶಿನ, ಜೀರಿಗೆ ಪುಡಿ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಸ್ವಲ್ಪ ಗರಂ ಮಸಾಲ ಬೆರೆಸಬೇಕು.

ಈ ಮಿಶ್ರಣವನ್ನು ಅರ್ಧ ಗಂಟೆ ಬೇಯಿಸಿದ ನಂತರ ಇದಕ್ಕೆ ಕೊತ್ತಂಬರಿ ಸೊಪ್ಪನ್ನು ಮೇಲೆ ಉದುರಿಸಿ ಅಲಂಕರಿಸಬೇಕು. ಈಗ ಗೋಬಿ ಭರ್ ತಿನ್ನಲು ತಯಾರಾಗಿದೆ. ಈ ಮಳೆಯಲ್ಲಿ ಗೋಬಿ ಭರ್ ನಿಮ್ಮ ಜೊತೆಯಲ್ಲಿದ್ದರೆ ಅದರ ಮಜವೇ ಬೇರೆ.