ಪಾಕಶಾಲೆ : ರುಚಿಕರ ಚೈನೀಸ್ ಫ್ರೈಡ್ ರೈಸ್

ಸಾಮಾನ್ಯವಾಗಿ ಮನೆಯಲ್ಲಿ ಅನ್ನ ಮಿಕ್ಕಿದ್ದರೆ ಅರ್ಜೆಂಟಾಗಿ ಪುಳಿಯೋಗರೆ ಮಾಡುತ್ತೇವೆ. ಅದಕ್ಕಿಂತಲೂ ಸುಲಭವಾಗಿ ಚೈನೀಸ್ ಫ್ರೈಡ್ ರೈಸನ್ನು ಮಾಡಿಕೊಳ್ಳಬಹುದು. ಇಲ್ಲಿ ಹೆಸರಷ್ಟೇ ವಿದೇಶಿ, ಇಲ್ಲಿ ಬಳಸಿರುವ ತರಕಾರಿ ಹಾಗೂ ಪದಾರ್ಥಗಳೆಲ್ಲಾ ಸ್ವದೇಶಿ. ಆದಕಾರಣ, ಹೆಸರು ಚೈನೀಸ್ ಆದರೇನು ಇಂಡಿಯನ್ ಆದರೇನು ಒಟ್ಟಿನಲ್ಲಿ ಸ್ವಾಧಿಷ್ಟವಾಗಿದ್ದರೆ ಅಷ್ಟೇ ಸಾಕು.

*ಶ್ರೀರಕ್ಷಾ, ಬೆಂಗಳೂರು

ಬೇಕಾದ ಪದಾರ್ಥಗಳು

ಬಾಸ್ಮತಿ ಅಕ್ಕಿ: 1 ಲೋಟ
ಹುಳ್ಳಿ ಹೂವ: 1 ಕಟ್ಟು
ಕ್ಯಾರೆಟ್: 1 ರಿಂದ 2
ಹುರಳಿಕಾಯಿ: 10 ರಿಂದ 12
ಹೂಕೋಸು: ' (ಸಣ್ಣಗಾತ್ರ)
ಕೋಸು: 150 ಗ್ರಾಂ
ದಪ್ಪ ಮೆಣಸಿನಕಾಯಿ: 1
ಬಟಾಣಿ: ' ಲೋಟ
ಅಜಿನಮೋಟೊ: ' ಚಮಚ
ಉಪ್ಪು: ರುಚಿಗೆ ತಕ್ಕಷ್ಟು
ಕರಾಮಲ್ ಸೇರಿಸಿದ ಸಕ್ಕರೆ ಪಾಕ: 1 ಚಮಚ
ಸೋಯ ಸಾಸ್: 2 ಅಥವಾ 3 ಚಮಚ
ಎಣ್ಣೆ: 3ರಿಂದ 4 ಚಮಚ

(ಸೂಚನೆ: ಈ ಕೆಳಗಿನ ಸಾಮಗ್ರಿಗಳನ್ನು ಬೆರಸಿ 2 ರಿಂದ 3 ಗಂಟೆಗಳ ಕಾಲ ಇಡಬೇಕು)

ವಿನೆಗರ್ ಮೆಣಸಿನಕಾಯಿ-ಉಪ್ಪ್ಪು ಇರುವ ಹಸಿರು ಮೆಣಸಿನಕಾಯಿ: 4 ದುಂಡು ತುಂಡುಗಳಾಗಿ ಕತ್ತರಿಸಿಕೊಳ್ಳಬೇಕು.
ಸಾದಾ ವಿನೆಗರ್: ' ಲೋಟ
ಉಪ್ಪು: 1 ಚಮಚ
ಸೊಯಾಸಾಸ್: 1 ಚಮಚ

ಮಾಡುವ ವಿಧಾನ:

ಮೊದಲು ಅಕ್ಕಿಯನ್ನು (ಸಾಧಾರಣ ಅಕ್ಕಿಯಾದರೂ ಅಡ್ಡಿಯಿಲ್ಲ) ಉಪ್ಪು ಮತ್ತು ಒಂದು ಚಮಚ ಎಣ್ಣೆ ಸೇರಿಸಿದ 2 ಲೋಟ ನೀರಿನಲ್ಲಿ ಮುಕ್ಕಾಲು ಬೇಯಿಸಿದ ನಂತರ ಬಸಿದುಕೊಳ್ಳಿ. ಅಗಲವಾದ ತಟ್ಟೆಯಲ್ಲಿ ಅನ್ನ ಹಾಕಿ ಹುಡುಹುಡಿಯಾಗಲು ತಣ್ಣಗಾಗುವವರೆಗೂ ಬಿಡಿ.

ನಂತರ ತರಕಾರಿಯನ್ನು ಸಣ್ಣಗೆ ಕತ್ತರಿಸಿಕೊಳ್ಳಿ. ಒಂದಿಂಚು ತುಂಡುಗಳಾಗಿ ಹುಳ್ಳಿ ಹೂವ ಹೆಚ್ಚಿಕೊಳ್ಳಿ. ಅಗಲವಾದ ಪಾತ್ರೆಯಲ್ಲಿ ಈರುಳ್ಳಿ, ಕ್ಯಾರೆಟ್, ದಪ್ಪ ಮೆಣಸಿನಕಾಯಿ, ಹುರುಳಿಕಾಯಿ, ಕೋಸು ಮತ್ತು ಹುಳ್ಳಿ ಹೂವನ್ನು ಒಂದರ ನಂತರ ಒಂದನ್ನು ಬಿಸಿ ಮಾಡಿದ ಎಣ್ಣೆಯಲ್ಲಿ ಹುರಿಯಿರಿ. ಬಟಾಣಿಯನ್ನು ಪ್ರತ್ಯೇಕವಾಗಿ ಬೇಯಿಸಿ ಇದಕ್ಕೆ ಸೇರಿಸಿರಿ. ತರಕಾರಿಯನ್ನು ಹುರಿಯುವಾಗ ಅರ್ಧದಷ್ಟು ಅಜಿ-ನ-ಮೊಟೊ ಸೇರಿಸಿ. ಹೆಚ್ಚಿನ ಉರಿಯಲ್ಲಿ ಕೆಲ ಸಮಯ ಹುರಿಯಿರಿ. ತರಕಾರಿಗಳು ಬೆಂದ ನಂತರ, ಬೇಯಿಸಿದ ಅನ್ನ, ಉಪ್ಪು, ಮೆಣಸು ಮತ್ತು ಕ್ಯಾರಮಲ್ ಸಕ್ಕರೆ ಬೆರಸಿ.

ಅನಂತರ ಸೋಯಾ ಸಾಸನ್ನು ಉದುರಿಸಿ. ಹೆಚ್ಚಿನ ಉರಿಯಲ್ಲಿ ಅನ್ನವನ್ನು ಚೆನ್ನಾಗಿ ಹುರಿಯಿರಿ. ಮಿನೆಗರ್ ಮೆಣಸಿನಕಾಯಿಯೊಂದಿಗೆ ಬಿಸಿಬಿಸಿಯಾಗಿ ಬಡಿಸಿರಿ.