ಮಳೆಗಾಲಕ್ಕೆ ಬಿಸಿ ಬಿಸಿ ದಾಲ್ ಸೂಪ್ ಸ್ಪರ್ಶ

ದಾಲ್ ಸೂಪ್ ತಯಾರಿಸುವ ವಿಧಾನ ಕೂಡ ತುಂಬಾ ಸುಲಭ. ಒಮ್ಮೆ ಈ ಸೂಪ್ ಅನ್ನು ಮಾಡಿ ನೋಡಿ, ಬೇಡ ಅಂದರೂ ನಿಮ್ಮ ನಾಲಗೆ ಮತ್ತದೇ ರುಚಿಯನ್ನ ಬಯಸುತ್ತೆ.

ಬೇಕಾಗುವ ವಸ್ತುಗಳು:
* ಒಂದು ಕಪ್ ಚೆನ್ನಾಗಿ ಬೇಯಿಸಿದ ತೊಗರಿ ಬೇಳೆ
* ಒಂದು ಕಪ್ ಬೇಯಿಸಿದ ಹೀರೇಕಾಯಿ ಮತ್ತು ಸೌತೆಕಾಯಿ
* 2 ಚಮಚ ನಿಂಬೆರಸ
* ಒಂದು ಚಮಚ ಜೀರಿಗೆ
* ಉಪ್ಪು ರುಚಿಗೆ ತಕ್ಕಷ್ಟು
* ಮೆಣಸಿನ ಪುಡಿ ಮತ್ತು ಕತ್ತರಿಸಿದ ಕೊತ್ತಂಬರಿ ಸೊಪ್ಪು

ಹೀಗೆ ತಯಾರಿಸಿ: ಬೇಯಿಸಿದ ಹೀರೇಕಾಯಿ, ಸೌತೇಕಾಯಿಯನ್ನು ಚೆನ್ನಾಗಿ ಮಸೆಯಿರಿ. ಅದಕ್ಕೆ ಚೆನ್ನಾಗಿ ಬೇಯಿಸಿದ ತೊಗರಿ ಬೇಳೆಯನ್ನು ಹಾಕಿ ಒಂದು ಹದಕ್ಕೆ ಮಸೆಯಬೇಕು. ಬೇಕಿದ್ದರೆ ಬಿಸಿ ನೀರನ್ನು ಬೆರೆಸಿಕೊಳ್ಳಬಹುದು. ನಂತರ ಈ ಮಿಶ್ರಣಕ್ಕೆ ನಿಂಬೆರಸ, ಜೀರಿಗೆಯನ್ನು ಬೆರೆಸಿ ಹದವಾಗಿ ಬೇಯಿಸಬೇಕು. ಕೊನೆಗೆ ಮೆಣಸಿನ ಪುಡಿ ಮತ್ತು ಕೊತ್ತಂಬರಿ ಸೊಪ್ಪನ್ನು ಒಗ್ಗರಣೆ ಹಾಕಿ, ರುಚಿಗೆ ತಕ್ಕಷ್ಟು ಉಪ್ಪು ಸೇರಿಸಿದರೆ ಬಿಸಿ ಬಿಸಿ ಬೇಳೆ ಸೂಪ್ ಸವಿಯಲು ಸಿದ್ದ..