ಮೇಲೋಗರ: ಸಬ್ಬಕ್ಕಿ ಆಲೂ ಹಪ್ಪಳ

ಊಟಕ್ಕೆ ಉಪ್ಪಿನಕಾಯಿ ಎಷ್ಟು ಮುಖ್ಯವೋ ಹಪ್ಪಳವೂ ಅಷ್ಟೇ ಮುಖ್ಯ. ಕುರುಕುರು ಸಪ್ಪಳ ಮಾಡುತ್ತಾ ಹಪ್ಪಳದೊಂದಿಗೆ ಒಂದಷ್ಟು ಹೆಚ್ಚಿಗೇ ಊಟವನ್ನು ಹೊಟ್ಟೆಗೆ ಇಳಿಸಬಹುದು. ಎಷ್ಟು ವೈವಿಧ್ಯವಾದ ಉಪ್ಪಿನಕಾಯಿಗಳಿವೆಯೋ ತರಹೇವಾರಿ ಹಪ್ಪಳಗಳಿಗೂ ಬರವಿಲ್ಲ. ನಾನಾ ತರದ ತಿಂಡಿಗಳಿಗೆ ಸಬ್ಬಕ್ಕಿ ಬಳಕೆಯಾಗುತ್ತಿದೆ. ಇಲ್ಲಿ ಸಬ್ಬಕ್ಕಿ ಮತ್ತು ಆಲೂಗಡ್ಡೆಯನ್ನು ಉಪಯೋಗಿಸಿ ಹಪ್ಪಳ ಮಾಡುವುದು ಹೇಗೆ ಎನ್ನುವುದನ್ನು ಸರಳವಾಗಿ ತಿಳಿಸಿದ್ದಾರೆ ಬೆಂಗಳೂರಿನ ಮಾಲಾ.

ಬೇಕಾಗುವ ಪಡಿ ಪದಾರ್ಥಗಳು

ಬೇಯಿಸಿದ ಆಲೂಗಡ್ಡೆ: 2
ಸಬ್ಬಕ್ಕಿ ಹಿಟ್ಟು: 1 ಕಪ್
ರುಚಿಗೆ ತಕ್ಕಷ್ಟು ಉಪ್ಪು, ಖಾರ ಒಂಚೂರು ಇಂಗು.

ಮಾಡುವ ವಿಧಾನ

ಎಲ್ಲ ಪದಾರ್ಥಗಳನ್ನೂ ಅಗಲವಾದ ಪಾತ್ರೆಯಲ್ಲಿ ಹಾಕಿ ಚೆನ್ನಾಗಿ ನಾದಿ ಚಪಾತಿ ಹಿಟ್ಟಿನ ಹದಕ್ಕೆ ಕಲೆಸಿಕೊಳ್ಳಬೇಕು. ಸಣ್ಣಸಣ್ಣ ಉಂಡೆಗಳಾಗಿ ಮಾಡಿಕೊಂಡು ಚಪಾತಿ ಮಣೆಯ ಮೇಲೆ ಸಣ್ಣ ಚಪಾತಿಗಳನ್ನು ಲಟ್ಟಣಿಸಿಕೊಳ್ಳಿ. ಇವನ್ನು ಬಿಸಿಲಿನಲ್ಲಿ ಒಣಗಿಸಬೇಕು. ಎಣ್ಣೆಯಲ್ಲಿ ಕರಿದರೆ ಗರಿಗರಿಯಾದ ಸಬ್ಬಕ್ಕಿ ಆಲೂ ಹಪ್ಪಳವನ್ನು ಸಪ್ಪಳ ಮಾಡುತ್ತಾ ತಿನ್ನಬಹುದು.

ಸಬ್ಬಕ್ಕಿಯಿಂದ ತಯಾರಿಸಿದ ಇನ್ನೆರಡು ತಿಂಡಿಗಳು