ವಾವ್! ಬ್ರೆಡ್ ಬಾಳೆಹಣ್ಣಿನ ಪುಡ್ಡಿಂಗ್

Published: Friday, March 16, 2012, 13:08 [IST]

ಅನೇಕರಿಗೆ ಹೊಸ ರುಚಿ ಅಡುಗೆ ತಯಾರಿಸುವುದರಲ್ಲಿ ತುಂಬಾನೆ ಆಸಕ್ತಿ ಇರುತ್ತದೆ. ಬ್ರೆಡ್ ರೋಸ್ಟ್, ಬ್ರೆಡ್ ಚಾಟ್ಸ್ ಇವೆಲ್ಲಾ ಮಾಡಲು ಹೆಚ್ಚಿನವರಿಗೆ ಗೊತ್ತಿರುತ್ತದೆ. ಆದರೆ ಬ್ರೆಡ್ ಬಾಳೆಹಣ್ಣಿನ ಪುಡ್ಡಿಂಗ್ ಮಾಡುವ ವಿಧಾನ ಮತ್ತು ರುಚಿ ಕೆಲವರಿಗಷ್ಟೆ ಗೊತ್ತು. ಆದ್ದರಿಂದ ಇಲ್ಲಿ ಬ್ರೆಡ್ ಬಾಳೆಹಣ್ಣು ಪುಡ್ಡಿಂಗ್ ರೆಸಿಪಿ ನೀಡಲಾಗಿದೆ. ಇದನ್ನು ಟ್ರೈ ಮಾಡಿದರೆ ರುಚಿಕರವಾದ ಪುಡ್ಡಿಂಗ್ ರುಚಿ ಸವಿಯಬಹುದು.

ಬೇಕಾಗುವ ಸಾಮಾಗ್ರಿಗಳು:

* ಫ್ರೆಂಚ್ ಬ್ರೆಡ್ 1
* ವೆನಿಲ್ಲಾ ರಸ 2 ಚಮಚ
* 4 ಬಾಳೆಹಣ್ಣು
* 4 ಕಪ್ ಹಾಲು
* 3 ಮೊಟ್ಟೆ
* 1 ಕಪ್ ಸಕ್ಕರೆ
* 1 ಕಪ್ ಒಣದ್ರಾಕ್ಷಿ
* 1 ಜಾಯಿಕಾಯಿ
* 1 ಚಮಚೆ ಚಕ್ಕೆ

ತಯಾರಿಸುವ ವಿಧಾನ:

1. ಬ್ರೆಡ್ ಚೂರುಗಳನ್ನು ಚಿಕ್ಕದಾಗಿ ಕತ್ತರಿಸಬೇಕು.
2. ಅದನ್ನು ಸ್ವಲ್ಪ ದೊಡ್ಡ ಬಟ್ಟಲಿನಲ್ಲಿ ಹಾಕಬೇಕು.
3. ಅದರಲ್ಲಿ ಹಾಲು ಹಾಕಿ ಒಂದು ಗಂಟೆ ಇಡಬೇಕು.
4. ಮೈಕ್ರೋವೇವ್ ಅನ್ನು ಮುಂಚಿತವಾಗಿ 325 ಡಿಗ್ರಿಗೆ ಬಿಸಿಮಾಡಬೇಕು.
5. ಈಗ ಬೇಯಿಸುವ ಮಾತ್ರೆಗೆ ಸ್ವಲ್ಪ ಎಣ್ಣೆ ಹಾಕಿ ಸವರಬೇಕು.
6. ಮತ್ತೊಂದು ಬಟ್ಟಲಿನಲ್ಲಿ ಮೊಟ್ಟೆ, ಸಕ್ಕರೆ, ವೆನಿಲ್ಲಾ ರಸ ಮಿಶ್ರ ಮಾಡಬೇಕು.
7. ಈಗ ಈ ಮಿಶ್ರಣವನ್ನು ಬ್ರೆಡ್ ಮಿಶ್ರಣದ ಹೊತೆ ಬೆರೆಸಬೇಕು ಅದಕ್ಕೆ ಹಿಸುಕಿದ ಬಾಳೆಹಣ್ಣು ಮತ್ತು ಒಣದ್ರಾಕ್ಷಿ ಹಾಕಬೇಕು.
8. ಈಗ ಈ ಮಿಶ್ರಣವನ್ನು ಬೇಯಿಸುವ ಪಾತ್ರೆಯಲ್ಲಿ ಹಾಕಿ ಒಂದು ಗಂಟೆ ಬೇಯಿಸಿದರೆ ಬ್ರೆಡ್ ಬಾಳೆಹಣ್ಣು ಪುಡ್ಡಿಂಗ್ ರೆಡಿ.
ರೆಡಿಯಾದ ಪುಡ್ಡಿಂಗ್ ಬಿಸಿ ಸ್ವಲ್ಪ ಆರಿದ ಮೇಲೆ ತಿನ್ನಿ.