ಆರೋಗ್ಯಕರ ಕುರುಕಲು ತಿಂಡಿ ರೆಸಿಪಿ

Snacks

oi-Reena

By Hema S

Published: Wednesday, March 28, 2012, 15:26 [IST]

ಕುರುಕಲು ತಿಂಡಿ ಇಷ್ಟ ಪಡದವರು ತುಂಬಾ ವಿರಳ. ಅದರಲ್ಲಿ ಮಿಶ್ರ ತರಕಾರಿಗಳಿಂದ ತಯಾರಿಸಿದರೆ ರುಚಿಯ ಜೊತೆಗೆ ಅಧಿಕ ವಿಟಮಿನ್ ಗಳಿರುವುದರಿಂದ ಆರೋಗ್ಯಕ್ಕೆ ಒಳ್ಳೆಯದು. ಈ ಮಿಶ್ರ ವೆಜಿಟೇಬಲ್ ಕುರುಕಲು ತಿಂಡಿ ಸುಲಭವಾಗಿ ಮಾಡಬಹುದಾಗಿದ್ದು, ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಕತ್ತರಿಸಿದ ದೊಡ್ಡಮೆಣಸು, ಆಲೂಗೆಡ್ಡೆ, ಎಲೆಕೋಸು, ಈರುಳ್ಳಿ, ಹಾಗಲಕಾಯಿ, ಹೀರೆ ಕಾಯಿ ಎಲ್ಲಾ ತರಕಾರಿ ಸೇರಿ ಒಂದು ಕಪ್
* 2 ಕಪ್ ಕಡಲೆ ಹಿಟ್ಟು
* 1 ಕಪ್ ಅಕ್ಕಿ ಹಿಟ್ಟು
* 11/2 ಕಪ್ ನೀರು
* ರುಚಿಗ ತಕ್ಕ ಉಪ್ಪು
* 1 ಚಮಚ ಜೀರಿಗೆ
* 1/2 ಚಮಚ ಮೆಣಸಿನ ಪುಡಿ
* ಒಂದು ಚಿಟಿಕೆಯಷ್ಟು ಅಡುಗೆ ಸೋಡಾ
* ಎಣ್ಣೆ

ಮಾಡುವ ವಿಧಾನ:

1. ಕಡಲೆ ಮತ್ತು ಅಕ್ಕಿ ಹಿಟ್ಟಿಗೆ ನೀರು ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು. ಆ ಮಿಶ್ರಣಕ್ಕೆ ಜೀರಿಗೆ, ರುಚಿಗೆ ತಕ್ಕ ಉಪ್ಪು ಮತ್ತು ಚಿಟಿಕೆಯಷ್ಟು ಅಡುಗೆ ಸೋಡಾ ಹಾಕಿ ಚೆನ್ನಾಗಿ ಬೆರೆಸಬೇಕು.

2. ಈಗ ಸ್ವಲ್ಪ ದೊಡ್ಡದಾಗಿ ಕತ್ತರಿಸಿದ ತರಕಾರಿಗಳನ್ನು ಈ ಮಿಶ್ರಣದಲ್ಲಿ ಅದ್ದಿ ಕುದಿಯುತ್ತಿರುವ ಎಣ್ಣೆಗೆ ಹಾಕಬೇಕು.

3. ತಿಂಡಿಗಳು ಕಂದು ಬಣ್ಣಕ್ಕೆ ತಿರುಗಿದಾಗ ತೆಗೆದರೆ ಮಿಶ್ರ ವೆಜಿಟೇಬಲ್ ಕುಕುಕಲು ರೆಡಿ.