ರುಚಿಯಾದ ಬಿಸ್ಕೆಟ್ ಮಾಡಲು ಬಲು ಸುಲಭ

Snacks

oi-Reena

By Hema S

Published: Wednesday, February 15, 2012, 12:45 [IST]

ಹಾಲು ಅಥವಾ ಟೀ ಜೊತೆ ಬಿಸ್ಕೆಟ್ ತಿನ್ನಲು ತುಂಬಾ ರುಚಿ. ಮಕ್ಕಳಿಗೆ ಸಾಯಾಂಕಾಲ ಬರುವಾಗ ಹೊಟ್ಟೆ ಹಸಿವಾದರೆ ತಿನ್ನು ಎಂದು ಬಿಸ್ಕೆಟ್ ಪೊಟ್ಟಣವನ್ನು ಕಟ್ಟಿ ಕೊಡುತ್ತೇವೆ. ಹೀಗೆ ಎಲ್ಲರಿಗೆ ಪ್ರಿಯವಾಗಿರುವ ಬಿಸ್ಕೆಟ್ ಅನ್ನು ರುಚಿಕರವಾಗಿ ಮನೆಯಲ್ಲಿಯೆ ತಯಾರಿಸಬಹುದಾಗಿದೆ. ಬಿಸ್ಕೆಟ್ ತಯಾರಿಸುವ ಸರಳ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಮೈದಾ
* 1 ಚಮಚ ಅಡುಗೆ ಸೋಡಾ
* 1/2 ಚಮಚ ಪುಡಿ ಉಪ್ಪು
* 1 ಚಮಚ ಸಕ್ಕರೆ
* 1/2 ಕಪ್ ಬೆಣ್ಣೆ
* 3/4 ಕಪ್ ಹಾಲು

ತಯಾರಿಸುವ ವಿಧಾನ:

1. ಮೈಕ್ರೋವೇವ್ ಅನ್ನು 450 ಡಿಗ್ರಿಗೆ ಬಿಸಿಮಾಡಬೇಕು.
2. ಮೈದಾ ಜೊತೆ ಸಕ್ಕರೆ, ಉಪ್ಪು, ಅಡುಗೆ ಸೋಡಾ ಹಾಕಿ ಸ್ವಲ್ಪ ಮಿಶ್ರ ಮಾಡಬೇಕು.
3. ಈಗ ಹಾಲು ಸೇರಿಸಿ ಹಿಟ್ಟು ಮೃದುವಾಗುವವರಗೆ ಮಿಶ್ರ ಮಾಡಬೇಕು.
4. ಆ ಮಿಶ್ರಣದಿಂದ ಚಿಕ್ಕ ಉಂಡೆಗಳನ್ನು ಮಾಡಿ ಅದನ್ನು ಚಪ್ಪಟೆ ಆಕಾರದಲ್ಲಿ ತಟ್ಟಿ ಕುಕ್ಕೀಸ್ ಕಟ್ಟರ್ ನಿಂದ ಚೌಕಾಕಾರದಲ್ಲಿ ಕತ್ತರಿಸಬೇಕು. ಈ ರೀತಿ ಉಳಿದ ಮಿಶ್ರಣವನ್ನು ಮಾಡಬೇಕು.
5. ಈಗ ಅವುಗಳನ್ನು ಬೇಕಿಂಗ್ ಶೀಟ್ ನಲ್ಲಿಟ್ಟು ಕಂದು ಬಣ್ಣ ಬರುವವರೆಗೆ ( 10 ನಿಮಿಷ ಕಾಲ ) ಬೇಯಿಸಬೇಕು.
6. ನಂತರ ತೆಗೆದರೆ ರುಚಿಕರವಾದ ಬಿಸ್ಕೆಟ್ ರೆಡಿ.