ಚಿಕನ್ ಕಬಾಬ್ ಅಲ್ಲ, ಇದು ತರಕಾರಿ ಕೆಬಾಬ್

Snacks

oi-Reena

By Hema S

Published: Tuesday, February 7, 2012, 10:58 [IST]

ವೆಜಿಟೇಬಲ್ ಕೆಬಾಬ್ ಪೌಷ್ಟಿಕಾಂಶವಿರುವ ತರಕಾರಿಗಳನ್ನು ಹಾಕಿ ತಯಾರಿಸುವ ತಿಂಡಿಯಾಗಿದೆ. ಈ ತಿಂಡಿ ಆರೋಗ್ಯಕ್ಕೂ ಒಳ್ಳೆಯದು. ಈ ಕೆಬಾಬ್ ಖಾರವಾಗಿದ್ದು ತಿನ್ನಲು ತುಂಬಾ ರುಚಿಕರವಾಗಿರುತ್ತದೆ. ಈ ಕೆಬಾಬ್ ಮಾಡಲು ಸುಲಭವಾಗಿದ್ದು ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 3-4 ಆಲೂಗೆಡ್ಡೆ ( ಬೇಯಿಸಿ ಸಿಪ್ಪೆ ಸುಲಿದಿದ್ದು)
* ಬೇಯಿಸಿದ ಬಟಾಣಿ 1 ಕಪ್
* 1/2 ಕಪ್ ಈರುಳ್ಳಿ ( ಕತ್ತರಿಸಿದ್ದು)
* 100 ಗ್ರಾಂನಷ್ಟು ಪಾಲಾಕ್ ಸೊಪ್ಪು
* 2-3 ಹಸಿಮೆಣಸು (ಕತ್ತರಿಸಿದ್ದು)
* ಕತ್ತರಿಸಿದ ಕೊತ್ತಂಬರಿ ಸೊಪ್ಪು (ಸ್ವಲ್ಪ)
* 1 ಚಮಚ ಶುಂಠಿ ರಸ
* 1/2 ಚಮಚ ಮಾವಿನ ಹಣ್ಣಿನ ಪುಡಿ
* 1 ಚಮಚ ಗರಂ ಮಸಲ ಅಥವಾ ಕೆಂಪು ಮೆಣಸಿನ ಪುಡಿ
* ಉಪ್ಪು ರುಚಿಗೆ ತಕ್ಕಷ್ಟು
* 2 ಚಮಚ ಜೋಳದ ಪುಡಿ
* ಎಣ್ಣೆ

ತಯಾರಿಸುವ ವಿಧಾನ:

1. ಎಣ್ಣೆಯನ್ನು ಬಿಟ್ಟು ಉಳಿದೆಲ್ಲಾ ಸಾಮಾಗ್ರಿಗಳನ್ನು ಸ್ವಲ್ಪ ನೀರು ಹಾಕಿ ಉಂಡೆ ಕಟ್ಟಲು ಆಗುವ ಹಾಗೆ ಮಿಶ್ರ ಮಾಡಬೇಕು.

2. ನಂತರ ಆ ಮಿಶ್ರಣದಿಂದ ಉಂಡೆಗಳನ್ನು ತಯಾರಿಸಿ.

3. ಎಣ್ಣೆಯನ್ನು ಬಾಣಲೆಗೆ ಹಾಕಿ ಕುದಿಸಬೇಕು.

4. ಉಂಡೆಗಳನ್ನು ಸ್ವಲ್ಪ ತಟ್ಟಿ ಚಪ್ಪಟೆ ಮಾಡಿ ಕಾದ ಎಣ್ಣೆಯಲ್ಲಿ ಹಾಕಬೇಕು.

5. ತಿಂಡಿಯು ಕಂದು ಬಣ್ಣ ಬರುವಾಗ ತೆಗೆದರೆ ವೆಜಿಟೇಬಲ್ ಕೆಬಾಬ್ ರೆಡಿ.