ಖಾರ ಚಟ್ನಿ ಜೊತೆ ಪನ್ನಿರ್ ಬ್ರೆಡ್ ಉಂಡೆ ತಿನ್ನಿ

Snacks

oi-Reena

By Hema S

Published: Tuesday, January 31, 2012, 11:26 [IST]

ಸ್ಟಾರ್ ಹೋಟೆಲ್ ಗಳಲ್ಲಿ ಅನೇಕ ಸ್ಪೆಷಲ್ ಅಡುಗೆಗಳಲ್ಲಿ ಪನ್ನೀರ್ ಖಾದ್ಯ ಕೂಡ ಪ್ರಸಿದ್ಧಿ. ಪನ್ನೀರ್ ದೋಸೆ, ಪನ್ನೀರ್ ಫ್ರೈ, ಪನ್ನೀರ್ ಪೆಪ್ಪರ್ ಫ್ರೈ ಹೀಗೆ ಅನೇಕ ರುಚಿಕರವಾದ ಖಾದ್ಯಗಳು ಬಾಯಲ್ಲಿ ನೀರೋರಿಸುತ್ತವೆ. ಪನ್ನೀರ್ ಬಲಸಿ ಅನೇಕ ರುಚಿಕರ ತಿಂಡಿಗಳನ್ನು ಮಾಡಬಹುದಾಗಿದ್ದು ಇವತ್ತು ಪನ್ನೀರ್ ಬ್ರೆಡ್ ಉಂಡೆ ರೆಸಿಪಿ ಬಗ್ಗೆ ತಿಳಿಯೋಣ.

ಬೇಕಾಗುವ ಸಮಾಗ್ರಿಗಳು:
* ತುರಿದ ಪನ್ನೀರ್ 1 ಕಪ್
* ಜೋಳದ ಪುಡಿ 1 ಚಮಚ
* ಬ್ರೆಡ್
* ನೀರು 1 ಕಪ್
* 4 ಹಸಿಮೆಣಸು( ಕತ್ತರಿಸಿದ್ದು)
* 1/2 ಚಮಚ ಶುಂಠಿ ಪೇಸ್ಟ್
* 1/2 ಚಮಚ ಬೆಳ್ಳುಳ್ಳಿ ಪೇಸ್ಟ್
* ಉಪ್ಪು ರುಚಿಗೆ ತಕ್ಕಷ್ಟು
* ಎಣ್ಣೆ

ತಯಾರಿಸುವ ವಿಧಾನ:

1. ಬ್ರೆಡ್ ಚೂರುಗಳನ್ನು ನೀರಿನಲ್ಲಿ ನೆನೆಸಿದಾಗ ಬ್ರೆಡ್ ಹೀರಿಕೊಳ್ಳುವ ಅಧಿಕ ನೀರನ್ನು ಹಿಂಡಿ, ಬ್ರೆಡ್ ಗಳನ್ನು ಪುಡಿ-ಪುಡಿ ಮಾಡಬೇಕು.

2. ಎಣ್ಣೆ ಬಿಟ್ಟು ಉಳಿದ ಸಾಮಾಗ್ರಿಗಳನ್ನು ಮಿಶ್ರ ಮಾಡಬೇಕು. ಈಗ ಬ್ರೆಡ್ ಚೂರುಗಳನ್ನು ಈ ಮಿಶ್ರಣದೊಂದಿಗೆ ಸೇರಿಸಿ ಮಿಶ್ರಣ ಸ್ವಲ್ಪ ಗಟ್ಟಿ ಇರುವಂತೆ ಮಿಶ್ರ ಮಾಡಬೇಕು.

3. ನಂತರ ಮಿಶ್ರಣವನ್ನು ಉಂಡೆ ಕಟ್ಟಬೇಕು.

4. ಉಂಡೆಯನ್ನು ಎಣ್ಣೆಯಲ್ಲಿ ಹಾಕಿ ಕಂದು ಬಣ್ಣ ಬರುವವರೆಗೆ ಕರಿದರೆ ಪನ್ನೀರ್ ಬ್ರೆಡ್ ಉಂಡೆ ರೆಡಿ.

ಈ ಉಂಡೆಯನ್ನು ಖಾರ ಚಟ್ನಿ ಜೊತೆ ಸೇರಿಸಿ ಸೇವಿಸಲು ರುಚಿಕರವಾಗಿರುತ್ತದೆ.