ಪಿಜ್ಜಾ ಬೇಸಿಗೆ ಮೈದಾ ಬದಲು ಗೋಧಿ-ಅಕ್ಕಿಹಿಟ್ಟು

ಹೊರಗಡೆ ದೊರೆಯುವ ಪಿಜ್ಜಾದಲ್ಲಿ ಕ್ಯಾಲೋರಿ ಹೆಚ್ಚಾಗಿರುವುದರಿಂದ ಹೆಚ್ಚು ತಿಂದರೆ ಆರೋಗ್ಯಕ್ಕೆ ಒಳ್ಳೆಯದಲ್ಲ. ಆದರೆ ಕಡಿಮೆ ಕ್ಯಾಲೋರಿಯಲ್ಲಿ ಆರೋಗ್ಯಕರ ಪಿಜ್ಜಾ ಮಾಡಿ ಮನೆಯಲ್ಲಿಯೆ ಸೇವಿಸಬಹುದಾಗಿದ್ದು, ಇಲ್ಲಿದೆ ನೋಡಿ ಚೀಸ್ ಫ್ರೀ ಪಿಜ್ಜಾ ರೆಸಿಪಿ.

ಚೀಸ್ ಫ್ರೀ ಪಿಜ್ಜಾ ತಯಾರಿಸುವಾಗ ಮೈದಾ ಬದಲು ಗೋಧಿ ಅಥವಾ ಅಕ್ಕಿಹಿಟ್ಟಿನಿಂದ ಪಿಜ್ಜಾ ಬೇಸ್ ತಯಾರಿಸುವುದು ಆರೋಗ್ಯದ ದೃಷ್ಟಿಯಿಂದ ಒಳ್ಳೆಯದು.

ಬೇಕಾಗುವ ಸಾಮಾಗ್ರಿಗಳು:
* 1 ಪಿಜ್ಜಾ ಬೇಸ್
* 1/2 ಕಪ್ ಟೊಮೆಟೊ ಸಾಸ್
* 1/2 ಕಪ್ ಕತ್ತರಿಸಿದ ಈರುಳ್ಳಿ
* 1/2 ಕಪ್ ಜೋಳ ( ಸ್ವಲ್ಪ ಬೆಣ್ಣೆ ಹಾಕಿ ಬೇಯಿಸಿದ ಜೋಳ)
* ಕತ್ತರಿಸಿದ ತುಳಸಿ
* 1/2 ಕಪ್ ದೊಡ್ಡ ಮೆಣಸಿನ ಕಾಯಿ
* ಸ್ವಲ್ಪ ಕರಿಮೆಣಸಿನ ಪುಡಿ

ತಯಾರಿಸುವ ವಿಧಾನ:

1. ಪಿಜ್ಜಾ ಬೇಸ್ ನಲ್ಲಿ ಸಾಸ್ ಮತ್ತು ಕತ್ತರಿಸಿದ ತುಳಸಿ ಎಲೆ ಮತ್ತು ತರಕಾರಿಗಳನ್ನು ಅದರ ಮೇಲೆ ಉದುರಿಸಬೇಕು.

2. ಈಗ ಪಿಜ್ಜಾ ಬೇಸ್ ಮೈಕ್ರೋವೇವ್ ನಲ್ಲಿಟ್ಟು 3-4 ನಿಮಿಷ ಬೇಯಿಸಿದರೆ ಪಿಜ್ಜಾ ರೆಡಿ.

ಪಿಜ್ಜಾ ತಯಾರಿಸುವಾಗ ತರಕಾರಿ ಬದಲು ಕತ್ತರಿಸಿ ಜೇನಿನಲ್ಲಿ ಅದ್ದಿದ ಆಪಲ್, ಬಾಳೆಹಣ್ಣು, ಅನನಾಸ್ ಹಾಕಿ ಮಾಡಿದರೂ ರುಚಿಕರವಾದ ಫ್ರೂಟ್ ಪಿಜ್ಜಾ ರೆಡಿ.