ದಕ್ಷಿಣ ಭಾರತದ ಸ್ಪೆಷಲ್ ಅನ್ನದ ಉಂಡೆ ರೆಸಿಪಿ

Snacks

oi-Reena

By Hema S

Published: Wednesday, January 25, 2012, 17:02 [IST]

ಅಕ್ಕಿಯಿಂದ ತಯಾರಿಸುವ ಆಹಾರ ದಕ್ಕಿಣ ಭಾರತಿಯರಿಗೆ ಅಚ್ಚುಮೆಚ್ಚು. ಅಕ್ಕಿಯಿಂದ ಕಡಬು, ರೊಟ್ಟಿ, ಹೀಗೆ ಅನೇಕ ರುಚಿಕರವಾದ ಆಹಾರದ ರುಚಿ ನೋಡಿರುವಿರಿ. ಅದರಲ್ಲಿ ಅಕ್ಕಿ ಉಂಡೆ ಕೂಡ ಪ್ರಸಿದ್ಧಿ. ಹೊಸ ರುಚಿಯ ಅನ್ನದ ಉಂಡೆ ರೆಸಿಪಿ ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 2 ಕಪ್ ಅಕ್ಕಿ
* 1 ಮೊಟ್ಟೆ
* 2 ಕಪ್ ಚೀಸ್
* 2 ಕಪ್ ಬ್ರೆಡ್ ನ ಚೂರು
* 1/2 ಕಪ್ ಅಜಮೋದ ಅಥವಾ ಪುದೀನಾ (ಕತ್ತರಿಸಿದ್ದು)
* ಎಣ್ಣೆ
* ರುಚಿಗೆ ತಕ್ಕ ಉಪ್ಪು

ತಯಾರಿಸುವ ವಿಧಾನ:

1. ಕುಕ್ಕರ್ ನಲ್ಲಿ ಅಕ್ಕಿಯನ್ನು 10 ನಿಮಿಷ ಬೇಯಿಸಬೇಕು.

2. ಅನ್ನ ಬಿಸಿಯಾಗಿರುವಾಗಲೇ ಮೊಟ್ಟೆ, ಚೀಸ್, ಬ್ರೆಡ್ ಚೂರು, ಕತ್ತರಿಸಿದ ಪುದೀನಾ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಮಿಶ್ರ ಮಾಡಬೇಕು.

3. ನಂತರ ಆ ಮಿಶ್ರಣವನ್ನು ಉಂಡೆ ಮಾಡಿ ಅದನ್ನು ಎಣ್ಣೆಯಲ್ಲಿ ಹಾಕಿ ಅದು ಕಂದು ಬಣ್ಣಕ್ಕೆ ಬರುವಾಗ ತೆಗೆಯಬೇಕು.

ಈಗ ರುಚಿಕರವಾದ ಅನ್ನದ ಉಂಡೆ ಸಾಯಂಕಾಲದ ಟೀ ಜೊತೆ ತಿನ್ನಲು ರೆಡಿ.