ಬೆಳ್ಳುಳ್ಳಿ ಮತ್ತು ಬೆಣ್ಣೆ ಸ್ವಾದದ ಆಲೂಗೆಡ್ಡೆ ಫ್ರೈ

Snacks

oi-Reena

By Hema S

Published: Friday, January 20, 2012, 15:35 [IST]

ಹೊರಗಿನ ಕುರುಕಲು ತಿಂಡಿ ತಿನ್ನುವುದು ಆರೋಗ್ಯಕ್ಕೆ ಒಳ್ಳೆಯದಲ್ಲ. ಆದರೆ ಕುರುಕಲು ತಿಂಡಿಗಳನ್ನು ಅಪರೂಪಕ್ಕೆ ಮನೆಯಲ್ಲಿಯೆ ತಯಾರಿಸಿ ತಿಂದರೆ ಆರೋಗ್ಯ ಮೇಲೆ ಕೆಟ್ಟ ಪರಿಣಾಮ ಬೀರುವುದಿಲ್ಲ. ರಜಾದಿನದಲ್ಲಿ ಟೀ ಜೊತೆ ತಿನ್ನಲು ಕುರುಕಲು ತಿಂಡಿ ಬೇಕೆಂದು ಅನಿಸಿದಾಗ ಆಲೂಗೆಡ್ಡೆಯನ್ನು ಬೆಳ್ಳುಳ್ಳಿ ಜೊತೆ ಸೇರಿಸಿ ತಿಂದರೆ ಬಾಯಿಗೆ ರುಚಿ ಆರೋಗ್ಯಕ್ಕೂ ಒಳ್ಳೆಯದು. ಇದನ್ನು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* 8-9 ಆಲೂಗೆಡ್ಡೆ
* 4-5 ಬೆಳ್ಳುಳ್ಳಿ ( ಪೇಸ್ಟ್ ಮಾಡಿರಬೇಕು)
* ಕರಿಮೆಣಸಿನ ಪುಡಿ 2 ಚಮಚ
* ಉಪ್ಪು
* ವನಸ್ಪತಿ
* 2 ಚಮಚ ಬೆಣ್ಣೆ

ತಯಾರಿಸುವ ವಿಧಾನ:
1. ಆಲೂಗೆಡ್ಡೆಯನ್ನು ಕತ್ತರಿಸಿ ಅದನ್ನು ಉದ್ದವಾಗಿ ಕತ್ತರಿಸಬೇಕು.

2. ಬಾಣಲೆಯಲ್ಲಿ ಎಣ್ಣೆಯನ್ನು ಹಾಕಿ ಆಲೂಗೆಡ್ಡೆಯನ್ನು ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.

3. ಮತ್ತೊಂದು ಬಾಣಲೆಯಲ್ಲಿ ಬೆಣ್ಣೆಯನ್ನು ಹಾಕಿ ಅದಕ್ಕೆ ಬೆಳ್ಳುಳ್ಳಿ ಪೇಸ್ಟ್, ಕರಿಮೆಣಸಿನ ಪುಡಿ ಮತ್ತು ರುಚಿಗೆ ತಕ್ಕ ಉಪ್ಪು ಹಾಕಿ ಅದರಲ್ಲಿ ಹುರಿದ ಆಲೂಗೆಡ್ಡೆ ಹಾಕಿ ಒಂದು ನಿಮಿಷ ಮಿಶ್ರ ಮಾಡಿ ಗ್ಯಾಸ್ ಆಫ್ ಮಾಡಬೇಕು.

ಆಲೂಗೆಡ್ಡೆ ಫ್ರೈ ಸ್ವಲ್ಪ ಬಿಸಿ ಆರಿದ ಮೇಲೆ ಅದನ್ನು ಟೊಮೆಟೊ ಅಥವಾ ಹಸಿ ಮೆಣಸಿನ ಸಾಸ್ ಜೊತೆ ತಿನ್ನಲು ರುಚಿಕರವಾಗಿರುತ್ತದೆ.