ತೆಳ್ಳಗಿನ ಮೈಕಟ್ಟಿಗೆ ಜೋಳದ ಸಲಾಡ್ ರೆಸಿಪಿ

Snacks

oi-Reena

By Hema S

Published: Thursday, January 12, 2012, 13:37 [IST]

ಸಲಾಡ್ ದೇಹದ ಆರೋಗ್ಯಕ್ಕೆ ಉತ್ತಮವಾದ ಆಹಾರವಾಗಿದ್ದು ಇದನ್ನು ವಿವಿಧ ರುಚಿಯಲ್ಲಿ ತಯಾರಿಸಬಹುದು. ಅದರಲ್ಲೂ ವೆಜಿಟೇಬಲ್ ಸಲಾಡ್ ನಲ್ಲಿ ಒಂದೇ ರೀತಿಯ ಸಲಾಡ್ ತಿಂದು ಬೇಜಾರಾಗಿದ್ದರೆ ಬಟಾಣಿ ಮತ್ತು ಜೋಳದಿಂದ ಹೊಸ ರುಚಿಯ ಸಲಾಡ್ ಮಾಡಬಹುದಾಗಿದೆ. ಈ ಸಲಾಡ್ ಮಾಡುವ ವಿಧಾನ ತುಂಬಾ ಸರಳವಾಗಿದ್ದು ಮಾಡುವುದು ಹೇಗೆ ಎಂದು ತಿಳಿಯಲು ಮುಂದೆ ಓದಿ.

ಬೇಕಾಗುವ ಸಾಮಾಗ್ರಿಗಳು:
* ಒಂದು ಕಪ್ ಬೇಯಿಸಿದ ಬಟಾಣಿ
* ಒಂದು ಕಪ್ ಬೇಯಿಸಿದ ಜೋಳ
* ಕತ್ತರಿಸಿದ ಈರುಳ್ಳಿ 1
* ಕತ್ತರಿಸಿದ ಟೊಮೆಟೊ 1
* ನಿಂಬೆರಸ
* ಕರಿಮೆಣಸಿನ ಪುಡಿ
* ಉಪ್ಪು
* ಚೀಸ್

ಮಾಡುವ ವಿಧಾನ:

1. ಒಂದು ಬಟ್ಟಲಿನಲ್ಲಿ ಬೇಯಿಸಿದ ಬಟಾಣಿ ಮತ್ತು ಜೋಳ ಹಾಕಿ ಮಿಶ್ರ ಮಾಡಬೇಕು. ಅದಕ್ಕೆ ಕತ್ತರಿಸಿದ ಟೊಮೆಟೊ. ಈರುಳ್ಳಿ, ಸ್ವಲ್ಪ ಕರಿಮೆಣಸಿನ ಪುಡಿ ಹಾಕಿ ಬೆರೆಸಬೇಕು.

2. ಈ ಮಿಶ್ರಣಕ್ಕೆ ಸ್ವಲ್ಪ ನಿಂಬೆರಸ ಹಾಕಿ, ರುಚಿಗೆ ತಕ್ಕ ಉಪ್ಪು, ಕತ್ತರಿಸಿದ ಚೀಸ್ ಸೇರಿಸಿದರೆ ಸಲಾಡ್ ರೆಡಿ.

ರುಚಿಕರವಾದ ಈ ಸಲಾಡ್ ಸಾಯಂಕಾಲ ಕುರುಕಲು ತಿಂಡಿಯ ಬದಲು ತಿಂದರೆ ಆರೋಗ್ಯಕ್ಕೆ ಒಳ್ಳೆಯದು. ಅಲ್ಲದೆ ಸಲಾಡ್ ದೇಹದ ತೂಕ ಹೆಚ್ಚು ಮಾಡುವುದಿಲ್ಲವಾದರಿಂದ ಆಕರ್ಷಕ ಮೈಕಟ್ಟು ಮತ್ತು ಹೊಳೆಯುವ ತ್ವಚೆಯನ್ನು ಪಡೆಯಬಹುದು.