Just In
Don't Miss
- Technology HMD ಪಲ್ಸ್ ಸರಣಿ ಅಡಿಯಲ್ಲಿ 3 ಹೊಸ ಸ್ಮಾರ್ಟ್ಫೋನ್ ಲಾಂಚ್! ಫೀಚರ್ಸ್ ಏನಿವೆ?
- News Tamannaah Bhatia: ಮಿಲ್ಕಿ ಬ್ಯೂಟಿ ತಮನ್ನಾಗೆ ಮುಂಬೈ ಸೈಬರ್ ಪೊಲೀಸರಿಂದ ಸಮನ್ಸ್.!-ಕಾರಣ ಏನು?
- Automobiles ವಿಮಾನದಂತಹ ಸೌಲಭ್ಯ ಹೊಂದಿರುವ ವಂದೇ ಭಾರತ್ ಸರಣಿ ರೈಲುಗಳು ಶೀಘ್ರ ಬರಲಿವೆ.. ಆರಾಮದಾಯಕ ಪ್ರಯಾಣ!
- Finance April 25 Gold Rate: ಇಂದಿನ ಚಿನ್ನದ ಬೆಲೆ, ಬೆಂಗಳೂರಿನಲ್ಲಿ ದರ ಎಷ್ಟಿದೆ ತಿಳಿಯಿರಿ
- Sports 2009ರ ಐಪಿಎಲ್ ಫೈನಲ್ನಲ್ಲಿ ಆರ್ಸಿಬಿ ಸೋಲಲು ಕಾರಣ ತಿಳಿಸಿದ ಅನಿಲ್ ಕುಂಬ್ಳೆ
- Movies 'ಯುವ ರಣಧೀರ ಕಂಠೀರವ' ಸಿನಿಮಾ ನಿಂತಿದ್ದೇಕೆ? ಕಥೆಗಾರ ಭಗೀರಥ ಏನಂದ್ರು?
- Education ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು
- Travel Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ದಿಢೀರ್ ರೆಡಿ ಮಾಡಬಹುದು ಆಟಿ ಕಾಲದ ಉಪ್ಪಡ್ ಪಚ್ಚಿರ್ ರೆಸಿಪಿ
ಮಲೆನಾಡು ಹಾಗೂ ಕರಾವಳಿ ಪ್ರದೇಶಗಳಲ್ಲಿ ಹಲಸಿನ ಹಣ್ಣನ್ನು ಮಳೆಗಾಲದ ಬಳಕೆಗಾಗಿ ಉಪ್ಪಿನಲ್ಲಿ ಹಾಕಿಡುವ ವಾಡಿಕೆಯಿದೆ. ಆಷಾಢದ ಜಡಿ ಮಳೆಗೆ ಬೇರಾವುದೇ ತರಕಾರಿ ಸಿಗೋದಿಲ್ಲ, ಮಳೆಗಾಲದಲ್ಲಿ ಕೆಲಸಕಾರ್ಯವಿರದೇ ಇರೋದ್ರಿಂದ ಹಲಸಿನಕಾಯಿ, ಹೆಬ್ಬೆಲಸು, ಮಾವಿನಕಾಯಿ, ಕಳಿಲೆ ಇಂತಹ ಹಲವಾರು ಪದಾರ್ಥಗಳನ್ನು ಮಳೆಗಾಲದ ಕಷ್ಟದ ದಿನಗಳಿಗಾಗಿ ಸಂಗ್ರಹ ಮಾಡಲಾಗುತ್ತಿತ್ತು.
ಉಪ್ಪಿನಲ್ಲಿ ಹಾಕಿಟ್ಟ ಈ ಹಲಸಿನಕಾಯಿಯನ್ನು ಮಲೆಗಾಲದಲ್ಲಿ ವಿವಿಧ ಭಕ್ಷ್ಯಗಳ ತಯಾರಿಕೆಗಾಗಿ ಬಳಕೆ ಮಾಡಲಾಗುತ್ತದೆ. ಅವುಗಳಲ್ಲಿ ಒಂದು ಉಪ್ಪಡ್ ಪಚ್ಚಿರ್(ತುಳುವಿನಲ್ಲಿ). ಉಪ್ಪಿರುವ ಹಲಸಿನಕಾಯಿಯ ತೊಲೆಯ ಪಲ್ಯ. ಇದು ಬಿಸಿಬಿಸಿ ಗಂಜಿ ಜೊತೆ ಸವಿಯಲು ಹೇಳಿಮಾಡಿಸಿದ ರೆಸಿಪಿ. ಇದನ್ನು ಮಾಡುವುದು ಹೇಗೆ ಬನ್ನಿ ನೋಡೋಣ.
Recipe By: Shreeraksha
Recipe Type: Vegetarian
Serves: 3
-
ಉಪ್ಪಡ್ ಪಚ್ಚಿರ್ ಮಾಡಲು ಬೇಕಾಗುವ ಸಾಮಾಗ್ರಿಗಳು:
2 ಕಪ್ ಉಪ್ಪಿನಲ್ಲಿ ಹಾಕಿಟ್ಟ ಹಲಸಿನಕಾಯಿಯ ತುಂಡುಗಳು
3 ಒಣಮೆಣಸು
ಕರಿಬೇವು
2 ಚಮಚ ಸಾಸಿವೆ
5 ಬೆಳ್ಳುಳ್ಳಿ ಎಸಳು
1/2 ಕಪ್ ತುರಿದ ತೆಂಗಿನಕಾಯಿ
ನೆನಸಿದ ಹುಣಿಸೇಹಣ್ಣು ಸ್ವಲ್ಪ
-
ತಯಾರಿಸುವ ವಿಧಾನ:
ಉಪ್ಪಿನಲ್ಲಿ ಹಾಕಿಟ್ಟ ಹಲಸಿನಕಾಯಿಯ ತೊಲೆಯನ್ನು ಒಂದು ಗಂಟೆ ನೀರಿನಲ್ಲಿ ನೆನೆಸಿ ನಂತರ 3 ರಿಂದ 4 ಬಾರಿ ಶುದ್ಧ ನೀರಿನಲ್ಲಿ ತೊಳೆಯಿರಿ.
ಬಾಣಲೆಯಲ್ಲಿ ಎಣ್ಣೆ ಬಿಸಿ ಮಾಡಿ, ಸಾಸಿವೆ, ಕೆಂಪು ಮೆಣಸಿನಕಾಯಿ, ಕರಿಬೇವಿನ ಎಲೆಗಳು ಮತ್ತು ಪುಡಿಮಾಡಿದ ಬೆಳ್ಳುಳ್ಳಿಯನ್ನು ಸೇರಿಸಿ. ಬೆಳ್ಳುಳ್ಳಿಯ ಸುವಾಸನೆ ಬರುವವರೆಗೆ ಫ್ರೈ ಮಾಡಿ.
ಇದಕ್ಕೆ ಹಲಸಿನಕಾಯಿಯ ತುಂಡುಗಳನ್ನು ಸೇರಿಸಿ, ಹಳದಿ ಬಣ್ಣಕ್ಕೆ ತಿರುಗುವವರೆಗೆ ಹುರಿಯಿರಿ.
ನಂತರ ಈ ಮಿಶ್ರಣಕ್ಕೆ ಹುಣಸೆಹಣ್ಣು ಸೇರಿಸಿ, ಬೇಯಲು ಬಿಡಿ.
ಕೊನೆಯದಾಗಿ ತಾಜಾ ತುರಿದ ತೆಂಗಿನಕಾಯಿ ಸೇರಿಸಿ, ಮಿಶ್ರಣ ಮಾಡಿ.
ಗಮನಿಸಿ: ಉಪ್ಪು ಸೇರಿಸಬೇಡಿ. ಏಕೆಂದರೆ ಹಲಸಿನಕಾಯಿಯನ್ನು ಈಗಾಗಲೇ ಉಪ್ಪಿನಲ್ಲಿ ಹಾಕಿಟ್ಟುರುವುದರಿಂದ ಅದು ಸಾಕಷ್ಟು ಉಪ್ಪನ್ನು ಹೀರಿಕೊಂಡಿರುತ್ತದೆ. ಮತ್ತೊಮ್ಮೆ ಉಪ್ಪು ಸೇರಿಸುವ ಅಗತ್ಯವಿಲ್ಲ.
- People - 3
- ಎನರ್ಜಿ - 43 ಕ್ಯಾ
- ಪ್ರೋಟೀನ್ - 1.05ಗ್ರಾ
- ಕಾರ್ಬೋಹೈಡ್ರೇಟ್ - 4.64ಗ್ರಾ