ವ್ರತದ ಉಪವಾಸ ಮಾಡುವವರು ಸವಿಯಬಹುದು ಈ ಬಾಳೆಕಾಯಿ ಸ್ನ್ಯಾಕ್ಸ್

ನೀವು ಬಾಳೆಕಾಯಿಯಿಂದ ಆರೋಗ್ಯಕರ ಹಾಗೂ ರುಚಿಕರವಾದ ಸ್ನ್ಯಾಕ್ಸ್ ಮಾಡಬಹುದು, ಇದನ್ನು ನೀವು ವ್ರತ ಸಮಯದಲ್ಲಿ ಕೂಡ ಮಾಡಿ ಸೇವಿಸಬಹುದು. ಇದರ ರುಚಿ ತುಂಬಾ ಚೆನ್ನಾಗಿರಲಿದೆ, ಅಲ್ಲದೆ ವ್ರತದ ಸಮಯದಲ್ಲಿ ಈ ಬಗೆಯ ಸ್ನ್ಯಾಕ್ಸ್ ಹಸಿವು ನಿಯಂತ್ರಿಸಲು ಸಹಾಯ ಮಾಡುತ್ತದೆ. ಈಗ ನವರಾತ್ರಿ ವ್ರತ. ಏಕಾದಶಿ ವ್ರತ, ವಾರದ ವ್ರತ ಮಾಡುವಾಗಲೂ ಇದನ್ನು ಸವಿಯಬಹುದು. ವ್ರತದ ಸಮಯದಲ್ಲಿ ಈ ಸ್ನ್ಯಾಕ್ಸ್ ಮಾಡಿದರೆ ಹಾಗೆಯೇ ಸವಿಯರಿ, ಇಲ್ಲದಿದ್ದರೆ ಮಯೋನೈಸ್‌ ಜೊತೆ ಡಿಪ್‌ ಮಾಡಿ ಸೇವಿಸಬಹುದು.

ಬಾಳೆಕಾಯಿ ಸ್ನ್ಯಾಕ್ಸ್ ಮಾಡುವುದು ಹೇಗೆ ಎಂದು ನೋಡೋಣ:

ಬೇಕಾಗುವ ಸಾಮಗ್ರಿ
ಬಾಳೆಕಾಯಿ 2
ಎಣ್ಣೆ 2 ಚಮಚ
ರೋಸ್ಟ್‌ ಮಾಡಿದ ಬಾದಾಮಿ 5-6
ಸ್ವಲ್ಪ ಕೊತ್ತಂಬರಿ ಸೊಪ್ಪು
ಜೀರಿಗೆ ಪುಡಿ 1 ಚಮಚ
ಸ್ವಲ್ಪ ಆಮ್‌ಚೂರ್ ಅಥವಾ ನಿಂಬೆರಸ
ಹಸಿ ಮೆಣಸು 2-3
ಬೇಯಿಸಿದ ಆಲೂಗಡ್ಡೆ 2
ಕಲ್ಲುಪ್ಪು

ಮಾಡುವ ವಿಧಾನ
ಬಾಳೆಕಾಯಿ ಎರಡು ಭಾಗ ಮಾಡಿ, ಆಲೂಗಡ್ಡೆ ಕೂಡ ಹಾಕಿ ಬೇಯಿಸಿ. ಎರಡು ವಿಶಲ್ ಬರುವರೆಗೆ ಬೇಯಿಸಿದರೆ ಸಾಕು.

ಆಲೂಗಡ್ಡೆಯ ಸಿಪ್ಪೆ ಸುಲಿಯಿರಿ
ಅದರಂತೆ ಬಾಳೆಕಾಯಿ ಸಿಪ್ಪೆ ಸುಲಿಯಿರಿ
ಬಳಿಕ ಆಲೂಗಡ್ಡೆ ಮತ್ತು ಬಾಳೆಕಾಯಿ ತುರಿಯಿರಿ

ಅದಕ್ಕೆ ಬಾದಾಮಿ ಪುಡಿ, ಹಸಿ ಮೆಣಸಿನ ಕಾಯಿ, ಕಲ್ಲುಪ್ಪು, ಜೀರಿಗೆ ಪುಡಿ, ನಿಂಬೆರಸ ಅಥವಾ ಆಮ್‌ಚೂರ್, ಕೊತ್ತಂಬರಿ ಸೊಪ್ಪು ಹಾಕಿ ಮಿಕ್ಸ್ ಮಾಡಿ.

ನಂತರ ಅದರಿಂದ ಚಿಕ್ಕ-ಚಿಕ್ಕ ಉಂಡೆ ಕಟ್ಟಿ
ನಂತರ ಅದರಿಂದ ರೋಲ್‌ ರೀತಿ ಮಾಡಿ
ತವಾಗೆ ಎಣ್ಣೆ ಹಾಕಿ ಬಿಸಿ ಮಾಡಿ ಅದರಲ್ಲಿ ರೋಲ್‌ ಹಾಕಿ ರೋಸ್ಟ್‌ ಮಾಡಿ.
ನಂತರ ಪ್ಲೇಟ್‌ಗೆ ಹಾಕಿ ಟೊಮೆಟೊ ಸಾಸ್‌, ಮಯೋನೈಸ್‌ ಅಥವಾ ಚಟ್ನಿ ಜೊತೆ ಸರ್ವ್‌ ಮಾಡಿ.

ಸಲಹೆ
ನೀವು ಈ ಸ್ನ್ಯಾಕ್ಸ್ ತಯಾರಿಸಲು ಸಾರು ಬಾಳೆಕಾಯಿ ಬಳಸಿ
ಬಾಳೆಕಾಯಿ ತುಂಬಾ ಬಲಿತಿರಬಾರದು, ಮೀಡಿಯಂವಾಗಿರಬೇಕು, ತುಂಬಾ ಎಳೆಬಾಳೆಕಾಯಿ ಕೂಡ ಅಷ್ಟೊಂದು ರುಚಿಸಲ್ಲ.
ಇದನ್ನು ತವಾ ಫ್ರೈ ಮಾಡಿ ತೆಗೆಯಬಹುದು.
ಎಣ್ಣೆಯಲ್ಲಿ ಡೀಪ್‌ ಫ್ರೈ ಮಾಡುವುದಾದರೆ ಕಡ್ಲೆಹಿಟ್ಟಿನಲ್ಲಿ ಅದ್ದಿ ನಂತರ ಹಾಕಿ.