ಒಬ್ಬಟ್ಟು ಸಾರು ರೆಸಿಪಿ Happy VML

Rasam

oi-Reena

By Hema S

Updated: Thursday, July 26, 2012, 17:55 [IST]

ವರಮಹಾಲಕ್ಷ್ಮಿ ಹಬ್ಬಕ್ಕೆ ತಯಾರಿಸುವ ವಿಶೇಷ ಅಡುಗೆಗಳಲ್ಲಿ ಒಬ್ಬಟ್ಟು ಸಾರು ಕೂಡ ಒಂದು. ಒಬ್ಬಟ್ಟು ಸಾರು ತಿನ್ನಲು ತುಂಬಾ ರುಚಿಕರವಾಗಿದ್ದು, ಇದನ್ನು ತಯಾರಿಸುವ ವಿಧಾನ ಸುಲಭವಲ್ಲದಿದ್ದರೂ ಅಷ್ಟೇನೂ ಕಷ್ಟಕರವಲ್ಲ. ಒಬ್ಬಟ್ಟು ಸಾರನ್ನು ರುಚಿಕರವಾಗಿ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ. Happy VML ( ವರಮಹಾಲಕ್ಷ್ಮೀ)

ಬೇಕಾಗುವ ಸಾಮಾಗ್ರಿಗಳು:

* ಒಂದು ಇಂಚಿನ ಚಕ್ಕೆ
* ಸ್ವಲ್ಪ ಕರಿಬೇವಿನ ಎಲೆ
* ಹಸಿಮೆಣಸಿನ ಕಾಯಿ 4
* ಬೆಲ್ಲ ಅರ್ಧ ಚಮಚ
* ಗಟ್ಟಿಯಾದ ಹುಣಸೆ ರಸ ಒಂದು ಚಮಚದಷ್ಟು
* ತುರಿದ ತೆಂಗಿನ ಕಾಯಿ 1 ಚಮಚ (ಒಣ ಕೊಬ್ಬರಿ ಬೇಕಾದರೂ ಬಳಸಬಹುದು)
* ಕೊತ್ತಂಬರಿ ಪುಡಿ 1/2 ಚಮಚ
* ರುಚಿಗೆ ತಕ್ಕ ಉಪ್ಪು
* ಎಣ್ಣೆ 2 ಚಮಚ
* ಕೊತ್ತಂಬರಿ ಸೊಪ್ಪು ಸ್ವಲ್ಪ
* ಹೂರಣ 3 ಚಮಚ
( ಒಂದು ಕಪ್ ಕಡಲೆ ಬೇಳೆ ಬೇಯಿಸಿ, ಮತ್ತೊಂದು ಪಾತ್ರೆಯಲ್ಲಿ ಒಂದು ಕಪ್ ಬೆಲ್ಲವನ್ನು ನೀರು ಹಾಕದೆ ಕರಗಿಸಿ. ಕರಗಿದ ಬೆಲ್ಲದ ಪಾಕಕ್ಕೆ ಬೇಯಿಸಿದ ಕಡಲೆಬೇಳೆಯನ್ನು ಹಾಕಿ ಮಿಶ್ರಮಾಡಿ. ಮಿಶ್ರಣ ತುಂಬಾ ಗಟ್ಟಿಯಾಗಿರಲಿ, ನೀರಾದರೆ ಈ ಮಿಶ್ರಣವನ್ನು ಸ್ವಲ್ಪ ಕುದಿಸಿ, ಕುದಿಸಿದ ಮಿಶ್ರಣವನ್ನು ಆರಲು ಬಿಡಿ, ಆರಿದ ಮಿಶ್ರಣವನ್ನು ನುಣ್ಣಗೆ ರುಬ್ಬಿ. ಈ ರೀತಿ ಮಾಡಿದರೆ ಹೂರಣ ರೆಡಿ. 3 ಚಮಚ ಹೂರಣವನ್ನು ಸಾರಿಗೆ ತೆಗೆದಿಟ್ಟು ಉಳಿದ ಮಿಶ್ರಣದಿಂದ ಒಬ್ಬಟ್ಟು ತಯಾರಿಸಿಕೊಳ್ಳಿ).

ತಯಾರಿಸುವ ವಿಧಾನ:

1. ಎಣ್ಣೆಯನ್ನು ಬಿಸಿ ಮಾಡಿ ಅದಕ್ಕೆ ಚಕ್ಕೆ, ಕರಿಬೇವು, ಹಸಿಮೆಣಸಿನ ಕಾಯಿ ಹುರಿಯಬೇಕು.
2. ನಂತರ ಕತ್ತರಿಸಿದ ತುರಿದ ತೆಂಗಿನಕಾಯಿ ಹಾಕಿ ಕಂದು ಬಣ್ಣ ಬರುವವರೆಗೆ ಹುರಿಯಬೇಕು.
3. ನಂತರ ಈ ಮಿಶ್ರಣವನ್ನು ಅರಿಯಬೇಕು.
4. ನಂತರ ಇದನ್ನು ಒಂದು ಪಾತ್ರೆಯಲ್ಲಿ ಹಾಕಿ ಸ್ವಲ್ಪ ನೀರು ಸೇರಿಸಿ ಕುದಿಸಬೇಕು. ನಂತರ ಬೆಲ್ಲ, ಹುಣಸೆ ಹಣ್ಣಿನ ರಸ, ರುಚಿಗೆ ತಕ್ಕ ಉಪ್ಪು ಕೊತ್ತಂಬರಿ ಪುಡಿ ಮತ್ತು ಹೂರಣ ಹಾಕಿ ಚೆನ್ನಾಗಿ ಕುದಿಸಬೇಕು.
5. ನಂತರ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಹಾಕಿದರೆ ವರಮಹಾಲಕ್ಷ್ಮಿ ಹಬ್ಬಕ್ಕೆ ಒಬ್ಬಟ್ಟು ಸಾರು ರೆಡಿ.

ವಿಸೂ : ಈರುಳ್ಳಿ ಬೆಳ್ಳುಳ್ಳಿ ಹಾಕಿಯೂ ಮಾಡಬಹುದು. ಆದರೆ ಅದು ನಿಮ್ಮಿಷ್ಟ.