ಬೂದುಗುಂಬಳಕಾಯಿ ಬಿಸಿ ಬಿಸಿ ಸೂಪ್ ತೂಕ ಇಳಿಸುತ್ತೆ

Rasam

oi-Sumalatha

By Sumalatha

Published: Wednesday, September 21, 2011, 15:26 [IST]

ನೀವು ನಿಮ್ಮ ತೂಕ ಇಳಿಸಿಕೊಳ್ಳಬೇಕು ಎಂದು ಯೋಚಿಸುತ್ತಿದ್ದರೆ, ಅದಕ್ಕೆ ಸೂಕ್ತ ಸಸ್ಯಾಹಾರಿ ಮಾರ್ಗ ಇಲ್ಲಿದೆ. ಈ ದಿನದ ಸ್ಪೆಷಲ್ ಬೂದುಗುಂಬಳಕಾಯಿ ಸೂಪ್ ದೇಹದ ತೂಕ ಇಳಿಸಲು ಸಹಾಯ ಮಾಡುವುದಲ್ಲದೆ ಮಧುಮೇಹಿಗಳಿಗೂ ಒಳ್ಳೆ ಮದ್ದು. ಬೂದುಗುಂಬಳಕಾಯಿ ಸೂಪನ್ನು ಹೇಗೆ ತಯಾರಿಸುವುದು ಎಂದು ಇಲ್ಲಿ ತಿಳಿದುಕೊಳ್ಳಿ.

ಬೇಕಾಗುವ ಪದಾರ್ಥ:
* 1 ಕಪ್ ಕತ್ತರಿಸಿದ ಬೂದುಗುಂಬಳಕಾಯಿ
* 1/2 ಕಪ್ ಕತ್ತರಿಸಿದ ಎಲೆಕೋಸು
* 1 ಚಮಚ ಜೋಳದ ಹಿಟ್ಟು
* ಸ್ವಲ್ಪ ಚಕ್ಕೆ ಪುಡಿ, 1/2 ಚಮಚ ಮೆಣಸಿನ ಪುಡಿ
* 1/4 ಕಪ್ ತಾಜಾ ಕ್ರೀಂ (ಬೇಕಿದ್ದರೆ ಬಳಸಬಹುದು)
* ಉಪ್ಪು

ಬೂದುಗುಂಬಳಕಾಯಿ ಸೂಪ್ ತಯಾರಿಸುವ ವಿಧಾನ:
* 2 1/2 ಕಪ್ ನೀರಿನಲ್ಲಿ ಕತ್ತರಿಸಿದ ಬೂದುಗುಂಬಳಕಾಯಿ ಮತ್ತು ಎಲೆಕೋಸನ್ನು ಹಾಕಿ ಕುಕ್ಕರ್ ನಲ್ಲಿ ಬೇಯಿಸಬೇಕು.
* ಬೆಂದ ತರಕಾರಿಗಳನ್ನು ಚೆನ್ನಾಗಿ ಮಸೆದು, ಒಲೆಯ ಮೇಲೆ ಸಣ್ಣ ಉರಿಯಲ್ಲಿ ಬೇಯಲು ಇಡಬೇಕು.
* ಇದಕ್ಕೆ ಚೆಕ್ಕೆ ಪುಡಿ, ಮೆಣಸಿನ ಪುಡಿ, ಕ್ರೀಂ, ಜೋಳದ ಹಿಟ್ಟು ಮತ್ತು ಉಪ್ಪನ್ನು ಹಾಕಿ 2 ನಿಮಿಷ ಚೆನ್ನಾಗಿ ತಿರುಗಿಸಬೇಕು.
* ಈಗ ಬಿಸಿ ಬಿಸಿಯಾದ ಬೂದುಗುಂಬಳಕಾಯಿ ಸೂಪ್ ರೆಡಿಯಾಗಿದೆ.