ಮಳೆಗಾಲಕ್ಕೆ ಟೇಸ್ಟಿ ಟೊಮೊಟೊ ಸೂಪ್

ಟೊಮೊಟೊ ಸೂಪ್ ಗೆ ಬೇಕಾಗುವ ಪದಾರ್ಥ:
* 5-6 ಟೊಮೊಟೊ
* 2 ಚಮಚ ಕಡಲೆಹಿಟ್ಟು
* 1/2 ಹೋಳು ತುರಿದ ತೆಂಗಿನಕಾಯಿ
* 1 ಚಮಚ ಶುಂಠಿ ಪೇಸ್ಟ್, 1 ಚಮಚ ಬೆಳ್ಳುಳ್ಳಿ
* 1 ಚಮಚ ಜೀರಿಗೆ, 1 ಚಮಚ ಧನಿಯಾ
* 2 ಒಣಗಿದ ಕೆಂಪು ಮೆಣಸಿನ ಕಾಯಿ
* 1 ಚಮಚ ಸಕ್ಕರೆ, 1 ಚಮಚ ತುಪ್ಪ
* ರುಚಿಗೆ ಉಪ್ಪು, ಕೊತ್ತಂಬರಿ ಸೊಪ್ಪು

ಟೊಮೊಟೊ ಸೂಪ್ ಮಾಡುವ ವಿಧಾನ: ಬಾಣಲೆಯಲ್ಲಿ ಧನಿಯಾ, ಜೀರಿಗೆ, ಒಣಗಿದ ಕೆಂಪು ಮೆಣಸಿನಕಾಯಿಯನ್ನು ತುಪ್ಪದಲ್ಲಿ ಚೆನ್ನಾಗಿ ಹುರಿದುಕೊಂಡು ಪುಡಿಮಾಡಿಕೊಳ್ಳಬೇಕು. ನಂತರ ಟೊಮೊಟೊ, ಬೆಳ್ಳುಳ್ಳಿ, ಶುಂಠಿ ಸೇರಿಸಿ ನುಣ್ಣಗೆ ರುಬ್ಬಿಕೊಂಡು ಬಿಸಿ ಮಾಡಲು ಇಡಬೇಕು. ಇದಕ್ಕೆ ತೆಂಗಿನ ತುರಿ, ಕಡಲೆಹಿಟ್ಟಿಗೆ ಬೆರೆಸಿದ ನೀರು, ಪುಡಿಮಾಡಿದ ಮಸಾಲೆ, ಸಕ್ಕರೆ ಮತ್ತು ಉಪ್ಪನ್ನು ಬೆರೆಸಿ ಚೆನ್ನಾಗಿ ಬಿಸಿ ಮಾಡಬೇಕು. ಕೊನೆಗೆ ಹೆಚ್ಚಿದ ಕೊತ್ತಂಬರಿ ಸೊಪ್ಪನ್ನು ಹಾಕಿ ಅಲಂಕರಿಸಬೇಕು.
ಈಗ ಮಳೆಗಾಲದ ವಿಶೇಷ ಟೊಮೊಟೊ ಸೂಪ್ ರೆಡಿಯಾಗಿದೆ. ಬಿಸಿ ಬಿಸಿಯಾಗಿ ಸೂಪ್ ಕುಡಿಯಬಹುದು ಅಥವಾ ಬ್ರೆಡ್ ನೊಂದಿಗೂ ಸೇರಿಸಿ ತಿನ್ನಬಹುದು. ಹೇಗೆ ತಿಂದರೂ ರುಚಿಗೆ ಮಾತ್ರ ಲೋಪವಿಲ್ಲ.