ಚುಮುಗುಟ್ಟುವ ಚಳಿಯಲಿ ಜೀರಿಗೆ ರಸಂ ಜೊತೆಯಲಿ

ಜೀರಿಗೆ ರಸವನ್ನು ಅತಿ ಸುಲಭವಾಗಿ ಹೇಗೆ ಮಾಡಬಹುದು ಎಂಬುದನ್ನು ಇಲ್ಲಿ ತಿಳಿದುಕೊಳ್ಳಿ.

ಬೇಕಾಗುವ ಪದಾರ್ಥಗಳು:
* 1 1\2 ಚಮಚ ಜೀರಿಗೆ
* 3 ಕಪ್ ನೀರು
* ಒಂದು ಚಮಚ ಬೆಲ್ಲ
* 1 ಚಮಚ ಮೆಣಸು
* 1\4 ಕಪ್ ಕೊತ್ತಂಬರಿ ಕತ್ತರಿಸಿದ ಸೊಪ್ಪು
* 2 ಕೆಂಪು ಮೆಣಸಿನ ಕಾಯಿ
* 1 ಚಮಚ ಸಾಸಿವೆ
* ಎಣ್ಣೆ, ಉಪ್ಪು

ಜೀರಿಗೆ ರಸಂ ತಯಾರಿಸುವ ವಿಧಾನ: ಒಂದು ಪಾತ್ರೆಗೆ ಎಣ್ಣೆ ಹಾಕಿಕೊಂಡು ಅದು ಕಾದ ನಂತರ ಅದಕ್ಕೆ ಸಾಸಿವೆ, ಜೀರಿಗೆ, ಕೆಂಪು ಮೆಣಸಿನ ಕಾಯಿ, ಕರಿ ಮೆಣಸು ಇವೆಲ್ಲವನ್ನೂ ಹಾಕಿಕೊಂಡು ಚೆನ್ನಾಗಿ ಹುರಿದುಕೊಳ್ಳಬೇಕು. ನಂತರ ಅದಕ್ಕೆ ಮೂರು ಕಪ್ ನೀರು ಬೆರೆಸಿ ಚೆನ್ನಾಗಿ ಕುದಿಸಬೇಕು.

ರುಚಿಗೆ ತಕ್ಕಂತೆ ಉಪ್ಪು ಮತ್ತು ಬೆಲ್ಲವನ್ನು ಹಾಕಿ ಕತ್ತರಿಸಿಕೊಂಡಿದ್ದ ಕೊತ್ತಂಬರಿ ಸೊಪ್ಪನ್ನು ಹಾಕಬೇಕು. ಈಗ ಜೀರಿಗೆ ರಸಂ ಕುಡಿಯಲು ತಯಾರಾಗಿದೆ. ಇದನ್ನು ಚಳಿಯಲ್ಲಿ ಹಾಗೆಯೇ ಕುಡಿಯಬಹುದು ಅಥವಾ ಅನ್ನದೊಂದಿಗೆ ಬಳಸಬಹುದು. ಜೊತೆಗೆ ತುಪ್ಪ ಸೇರಿದರೆ ಇನ್ನೂ ರುಚಿ.