ರೋಟಿಯ ಸಂಗಾತಿ, ಮಾವಿನಕಾಯಿ ದಾಲ್

*ಮನಸ್ವಿನಿ, ನಾರಾವಿ

ಬೇಕಾದ ಸಾಮಾಗ್ರಿಗಳು:
*ಹುಳಿಯಾಗಿರುವ ಮಾವಿನಕಾಯಿ : ಸಣ್ಣಗಾತ್ರದ್ದು ಎರಡು
* ಮೆಣಸಿನಪುಡಿ : 1 ಟೀ ಚಮಚ
* ಸಾಸಿವೆ : 1/2 ಟೀ ಚಮಚ
* ಜೀರಿಗೆ : 1/2 ಟೀ ಚಮಚ
* ತೊಗರಿಬೇಳೆ: 1 ಕಪ್
* ಉದ್ದಿನಬೇಳೆ : 1/4 ಟೀ ಚಮಚ
* ಕರಿಬೇವಿನ ಸೊಪ್ಪು ಸ್ವಲ್ಪ
* 1 ಚಿಟಿಕೆ ಇಂಗು
* 1 ಚಿಟಿಕೆ ಅರಿಶಿನ ಪುಡಿ
* 1ಈರುಳ್ಳಿ
* ರುಚಿಗೆ ತಕ್ಕಷ್ಟು ಉಪ್ಪು

ಮಾಡುವ ರೀತಿ:
*ಮಾವಿನಕಾಯಿ ಸಿಪ್ಪೆ ತೆಗೆದು ಸಣ್ಣ್ಣ ಹೋಳುಗಳನ್ನಾಗಿ ಕತ್ತರಿಸಿ, ಈ ರುಳ್ಳಿಯನ್ನು ಸಣ್ಣಗೆ ಹೆಚ್ಚಿಕೊಳ್ಳಿ. ತೊಗರಿಬೇಳೆಯನ್ನು ಬೇಯಿಸಿಕೊಳ್ಳಿ.
*ಸಾಸಿವೆ, ಜೀರಿಗೆ, ಉದ್ದಿನಬೇಳೆ, ಅರಿಶಿನಪುಡಿ, ಇಂಗು ಹಾಗೂ ಕರಿಬೇವಿನ ಸೊಪ್ಪನ್ನು ಬಾಣಲೆಗೆ ಹಾಕಿ ಹುರಿಯರಿ. ಉರಿ ಸಣ್ಣಗಿರಲಿ.
*ಬಾಣಲೆಗೆ ಮಾವಿನಕಾಯಿ ಹೋಳುಗಳನ್ನು ಮತ್ತು ಈರುಳ್ಳಿಯನ್ನು ಹಾಕಿ. ಒಂದು ಲೋಟ ನೀರು(ಅಗತ್ಯಕ್ಕೆ ತಕ್ಕಷ್ಟು) ಹಾಕಿ ಬೇಯಿಸಿ.
* ಹೋಳುಗಳು ಬೆಂದ ಮೇಲೆ, ಬೇಳೆ ಮತ್ತು ಮೆಣಸಿನಪುಡಿ ಹಾಕಿ ಸ್ವಲ್ಪ ಉರಿ ಹೆಚ್ಚಿಸಿ ಚೆನ್ನಾಗಿ ಕುದಿಸಿ.ಬಿಸಿ ಇರುವಾಗಲೇ ತಿನ್ನಲು ಉಪಯೋಗಿಸಿ