ರಂಜಾನ್‌ ಸ್ಪೆಷಲ್: ನಿಮಿಷಾರ್ಧದಲ್ಲಿ ರುಚಿಕಟ್ಟಾದ ಸಲಾಡ್...

ರಂಜಾನ್ ತಿಂಗಳು ನಡೆಯುತ್ತಿದೆ. ರಂಜಾನ್ ಉಪವಾಸ ಮಾಡುತ್ತಿದ್ದಾಗ ಸರಿಯಾದ ಆಹಾರವನ್ನು ಸೇವಿಸುವುದು ತುಂಬಾ ಮುಖ್ಯ. ಈಗ ದಿನಕ್ಕೆ ಎರಡೇ ಹೊತ್ತು ಊಟ ಮಾಡುವ ವ್ರತವಿರುವುದರಿಂದಾಗಿ, ಆರೋಗ್ಯಕರವಾದ ಆಹಾರವನ್ನೆ ಸೇವಿಸುವುದು ತುಂಬಾ ಒಳ್ಳೆಯದು. ಸಾಮಾನ್ಯವಾಗಿ ಈ ಸಮಯದಲ್ಲಿ ಮಾಂಸಾಹಾರಿ ತಿಂಡಿಗಳನ್ನೆ ತಯಾರಿಸಲಾಗುತ್ತದೆ. ಹಾಗಾಗಿ ಆರೋಗ್ಯದ ಕುರಿತಾಗಿ ಕಾಳಜಿ ಹೆಚ್ಚು ವಹಿಸಬೇಕಾಗುತ್ತದೆ.

ರಂಜಾನ್‌ಗಾಗಿಯೇ ಒಂದು ವಿಶೇಷವಾದ ಸಲಾಡ್ ಇದೆ. ಅದು ನಿಮ್ಮನ್ನು ಆರೋಗ್ಯಕರವಾಗಿಯೂ ಮತ್ತು ಸದೃಢವಾಗಿಯೂ ಇರಿಸುತ್ತದೆ. ಯಾವುದು ಅದು ಎಂದಿರಾ, ಅದೇ ರಂಜಾನ್ ವಿಶೇಷ ಸಲಾಡ್! ಆ ಸಲಾಡ್ ಅನ್ನು ನಿಮಿಷಗಳಲ್ಲಿ ತಯಾರಿಸಬಹುದು ಮತ್ತು ಮುಖ್ಯವಾಗಿ ಇದು ಆರೋಗ್ಯವನ್ನು ಹೆಚ್ಚಿಸುತ್ತದೆ. ಈ ಸಲಾಡ್ ಅನ್ನು ಏಕೆ ಸೇವಿಸಬೇಕು ಎಂದರೆ, ಅದರಿಂದ ನಿಮಗೆ ಉತ್ತಮ ಪೋಷಕಾಂಶಗಳು ಮತ್ತು ಆರೋಗ್ಯ ಎರಡೂ ದೊರೆಯುತ್ತದೆ. ಬನ್ನಿ ಇದನ್ನು ತಯಾರಿಸುವ ವಿಧಾನ ಹೇಗೆ ಎಂದು ತಿಳಿದುಕೊಳ್ಳೋಣ. ಸರಳ ಮತ್ತು ಆರೋಗ್ಯಪೂರ್ಣ ಸಲಾಡ್ ರೆಸಿಪಿ

*ಪ್ರಮಾಣ: 4 ಜನರಿಗೆ ಬಡಿಸಬಹುದು
*ತಯಾರಿಸಲು ಬೇಕಾದ ಸಮಯ - 15 ನಿಮಿಷಗಳು
*ಅಡುಗೆ ಮಾಡಲು ಬೇಕಾದ ಸಮಯ - 10 ನಿಮಿಷಗಳು

ಅಗತ್ಯ ಪದಾರ್ಥಗಳು
*ಕ್ಯಾರೆಟ್ - 1/2 ಕಪ್
*ಈರುಳ್ಳಿ ಹೂವು- 1/2 ಕಪ್
*ಟೊಮೆಟೊಗಳು - 1/2 ಕಪ್
*ಸೌತೆಕಾಯಿ - 1/2 ಕಪ್
*ಸ್ವೀಟ್ ಕಾರ್ನ್- 1/2 ಕಪ್
*ಕಿತ್ತಳೆ - 1/2 ಕಪ್
*ಕಲ್ಲಂಗಡಿ - 1/2 ಕಪ್
*ದ್ರಾಕ್ಷಿ - 1/2 ಕಪ್
*ಮಾವಿನ ಹಣ್ಣು - 1/2 ಕಪ್
*ಮೆಣಸು - 1/2 ಟೀಸ್ಪೂನ್
*ಲಿಂಬೆ ರಸ - 1 ಟೀಸ್ಪೂನ್
*ಜೇನು ತುಪ್ಪ - 1/2 ಟೀಸ್ಪೂನ್
*ಉಪ್ಪು ಟೊಮೆಟೋ ಸೌತೆಕಾಯಿ ಸಲಾಡ್‌

ವಿಧಾನ:
*ಒಂದು ಬಟ್ಟಲು, ಸೌತೆಕಾಯಿ, ಕ್ಯಾರೆಟ್, ಈರುಳ್ಳಿ ಹೂವು, ಸ್ವೀಟ್ ಕಾರ್ನ್ ಮತ್ತು ಸ್ವಲ್ಪ ಮೆಣಸನ್ನು ತೆಗೆದುಕೊಳ್ಳಿ.
ಇದನ್ನು ಚೆನ್ನಾಗಿ ಬೆರೆಸಿಕೊಳ್ಳಿ,
*ತದನಂತರ ಇದಕ್ಕೆ ಉಪ್ಪು ಮತ್ತು ಮೆಣಸಿನ ಜೊತೆಗೆ ಉಳಿದ ಹಣ್ಣುಗಳನ್ನು ಬೆರೆಸಿ.ಮತ್ತೆ ಚೆನ್ನಾಗಿ ಮಿಶ್ರಣ ಮಾಡಿ.
*ಇನ್ನು ಲಿಂಬೆ ರಸ ಮತ್ತು ಹಣ್ಣುಗಳನ್ನು ತರಕಾರಿಗಳ ಜೊತೆಗೆ ಬೆರೆಸಿ.
*ಇದರ ಮೇಲೆ ಸ್ವಲ್ಪ ಜೇನು ತುಪ್ಪ ಹಾಕಿ ತಿನ್ನಲು ನೀಡಿ.