ಪಾಲಕ್‌ ವಡಾ

ನಿಮಗೆ ಗರಿಗರಿಯಾದ ವಡಾ ಬೇಕೆನಿಸಿದರೆ, ಸ್ಲೈಸ್‌ಗಳನ್ನು ಬಂಗಾರದ ಬಣ್ಣ ಬರುವವರೆಗೆ ಎಣ್ಣೆಯಲ್ಲಿ ಕರಿದುಕೊಳ್ಳಿ. ಮನೆ ಮಂದಿಗೆಲ್ಲ ಹೊಸ ರುಚಿ ನೀಡುವುದರಲ್ಲಿ ಸಂಶಯವೇ ಇಲ್ಲ.

• ಊರ್ಮಿಳಾ

ಬೇಕಾಗುವ ಸಾಮಗ್ರಿಗಳು :

4 ಕಪ್‌ ಪಾಲಕ್‌ ಸೊಪ್ಪು
4 ಟೇಬಲ್‌ ಸ್ಪೂನ್‌ ಗೋಧಿ ಹಿಟ್ಟು
2 ಟೇಬಲ್‌ ಸ್ಪೂನ್‌ ಕಡಲೇಬೇಳೆ ಹಿಟ್ಟು
2 ಟೇಬಲ್‌ ಸ್ಪೂನ್‌ ರವೆ
2 ಟೀ ಸ್ಪೂನ್‌ ಕತ್ತರಿಸಿದ ಶುಂಠಿ
2 ಟೀ ಸ್ಪೂನ್‌ ಕತ್ತರಿಸಿದ ಬೆಳ್ಳುಳ್ಳಿ
1 ಟೇಬಲ್‌ ಸ್ಪೂನ್‌ ಜೀರಿಗೆ
4 ಕತ್ತರಿಸಿದ ಹಸಿಮೆಣಸಿನಕಾಯಿ
2 ಟೇಬಲ್‌ ಸ್ಪೂನ್‌ ಕೊತ್ತಂಬರಿ ಸೊಪ್ಪು
1 ಟೇಬಲ್‌ ಸ್ಪೂನ್‌ ನಿಂಬೆಹಣ್ಣಿನ ರಸ
1 ಟೇಬಲ್‌ ಸ್ಪೂನ್‌ ತಾಜಾ ಕೆನೆ
2 ಟೇಬಲ್‌ ಸ್ಪೂನ್‌ ಅಡುಗೆ ಎಣ್ಣೆ
ಅರ್ಧ ಟೀ ಸ್ಪೂನ್‌ ಅಡುಗೆ ಸೋಡಾ
ಅರ್ಧ ಟೀ ಸ್ಪೂನ್‌ ಅರಿಶಿನಪುಡಿ
ರುಚಿಗೆ ತಕ್ಕಷ್ಟು ಉಪ್ಪು ಹಾಗೂ ಮೆಣಸು

ಮಾಡುವ ವಿಧಾನ :

ಎಲ್ಲ ಪದಾರ್ಥಗಳನ್ನು ಒಂದು ಪಾತ್ರೆಯಲ್ಲಿ ಹಾಕಿಕೊಳ್ಳಿ. ನೀರು ಬೆರಸಿಕೊಂಡು ಹದವಾಗಿ ನಾದಿಕೊಳ್ಳಿ. ಆನಂತರ ನಾದಿಕೊಂಡ ಹಿಟ್ಟನ್ನು ತೆಳ್ಳಗೆ ಉದ್ದನೆಯ ರೋಲ್‌ ಮಾಡಿಕೊಳ್ಳಿ. ರೋಲ್‌ಗಳನ್ನು 20 ನಿಮಿಷಗಳ ಕಾಲ ಹಬೆ(ಸ್ಟೀಮ್‌)ಯಲ್ಲಿ ಬೇಯಿಸಿಕೊಳ್ಳಿ. ತಣ್ಣಗಾದನಂತರ ಬ್ರೆಡ್‌ನಂತೆ ತುಂಡು(ಸ್ಲೈಸ್‌)ಗಳಾಗಿ ಕತ್ತರಿಸಿಕೊಳ್ಳಿ. ಈಗ ತಿನ್ನಲು ರೆಡಿ.

ಇನ್ನು ನಿಮಗೆ ಗರಿಗರಿಯಾದ ವಡಾ ಬೇಕೆನಿಸಿದರೆ, ಸ್ಲೈಸ್‌ಗಳನ್ನು ಬಂಗಾರದ ಬಣ್ಣ ಬರುವವರೆಗೆ ಎಣ್ಣೆಯಲ್ಲಿ ಕರಿದುಕೊಳ್ಳಿ. ಮನೆ ಮಂದಿಗೆಲ್ಲ ಹೊಸ ರುಚಿ ನೀಡುವುದರಲ್ಲಿ ಸಂಶಯವೇ ಇಲ್ಲ.