ಚಪಾತಿ ಜೊತೆ ಮಾಡಿ ಬಿಸಿ ಬಿಸಿ ಆಲೂ ಬಟಾಣಿ ಕರಿ

Palya

oi-Sumalatha

By Sumalatha

Published: Wednesday, November 23, 2011, 14:08 [IST]

ಪರೋಟ, ಚಪಾತಿ, ದೋಸೆಗೆ ಹೇಳಿ ಮಾಡಿಸಿದಂತಿರುವ ಈ ಆಲೂ ಬಟಾಣಿ ಕರಿಯನ್ನು ನೀವೇಕೆ ಒಮ್ಮೆ ಮಾಡಿ ಟೇಸ್ಟ್ ನೋಡಬಾರದು? ತಿನ್ನೋದಕ್ಕೆ ಬಲು ರುಚಿಯಾಗಿರುವ ಈ ಆಲೂ ಬಟಾಣಿ ಕರಿ ಮತ್ತೆ ಮತ್ತೆ ತಿನ್ನಬೇಕೆನಿಸುವುದು ಗ್ಯಾರಂಟಿ. ಹಾಗಿದ್ದರೆ ಇಂದೇ ಟ್ರೈ ಮಾಡಿ ನೋಡಿ. ಆಲೂ ಬಟಾಣಿ ಕರಿ ಮಾಡುವ ವಿಧಾನವನ್ನು ಇಲ್ಲಿ ತಿಳಿದುಕೊಳ್ಳಿ.

ಬೇಕಾಗುವ ಸಾಮಗ್ರಿಗಳು;
* ಬಟಾಣಿ
* ಕತ್ತರಿಸಿದ ಆಲೂಗೆಡ್ಡೆ
* ಕತ್ತರಿಸಿದ ಈರುಳ್ಳಿ
* 1 ಹಸಿರು ಮೆಣಸಿನಕಾಯಿ
* ಖಾರದಪುಡಿ, ಧನಿಯ ಪುಡಿ, ಜೀರಿಗೆಪುಡಿ, ಗರಂಮಸಾಲಾ
* ಕೊತ್ತಂಬರಿಸೊಪ್ಪು, ಎಣ್ಣೆ, ಜೀರಿಗೆ, ಕರಿಬೇವು
* ರುಚಿಗೆ ತಕ್ಕಷ್ಟು ಉಪ್ಪು

ಆಲೂ ಬಟಾಣಿ ಕರಿ ತಯಾರಿಸುವ ವಿಧಾನ:
* ಪಾತ್ರೆಗೆ ಎಣ್ಣೆ ಹಾಕಿ ಅದು ಕಾಯುತ್ತಿದ್ದಂತೆ ಅದಕ್ಕೆ ಜೀರಿಗೆ ಹಾಕಿ ಹುರಿಯಬೇಕು. ನಂತರ ಕರಿಬೇವು, ಹಸಿಮೆಣಸಿನಕಾಯಿ ಮತ್ತು ಈರುಳ್ಳಿ ಹಾಕಿ ತಿರುಗಿಸಬೇಕು.

* 2 ನಿಮಿಷದ ನಂತರ ಆಲೂಗೆಡ್ಡೆ ಹಾಕಿ ಸ್ವಲ್ಪ ಸಮಯದ ನಂತರ ಬಟಾಣಿ ಕಾಳುಗಳನ್ನು ಹಾಕಿ ಅರಿಶಿನ ಮತ್ತು ಉಪ್ಪನ್ನು ಬೆರೆಸಿ ಚೆನ್ನಾಗಿ ತಿರುಗಿಸಬೇಕು.

* ಐದಾರು ನಿಮಿಷ ಈ ಮಿಶ್ರಣವನ್ನು ಹುರಿದು ಅದಕ್ಕೆ ಖಾರದಪುಡಿ, ಧನಿಯ ಮತ್ತು ಜೀರಿಗೆಪುಡಿ ಹಾಕಿ ಬೇಯಿಸಬೇಕು. ಸ್ವಲ್ಪವೇ ನೀರನ್ನು ಹಾಕಿ, ಬಟಾಣಿ ಮತ್ತು ಆಲೂಗೆಡ್ಡೆಯ ಬೇಯುವವರೆಗೆ ಬೇಯಿಸಿ, ಕೊನೆಯಲ್ಲಿ ಕೊತ್ತುಂಬರಿಸೊಪ್ಪು ಮತ್ತು ಗರಂಮಸಾಲ ಬೆರೆಸಿ.
(ಸೂಚನೆ: ಹಸಿಬಟಾಣಿ ಉಪಯೋಗಿಸುವವರು ನೇರವಾಗಿ ಒಗ್ಗರಣೆಗೆ ಸೇರಿಸಿ, ಒಣಗಿದ ಬಟಾಣಿ ಉಪಯೋಗಿಸುವವರು 4-5 ಗಂಟೆ ನೆನೆಸಿಡಬೇಕು) (ಕೃಪೆ: ಅಡಿಗೆ ರೆಸಿಪೀಸ್)