ಪನ್ನೀರ್ ಬಟಾಣಿ ಕಾಂಬಿನೇಶನ್ ರುಚಿ ವಾವ್!

Palya

oi-Reena

By Hema S

Published: Friday, October 7, 2011, 10:53 [IST]

ಪನ್ನೀರ್ ನಿಂದ ವಿಧವಿಧದ ತಿನಿಸುಗಳನ್ನು ಮಾಡಬಹುದು. ಅದೇ ಪನ್ನೀರ್ ಅನ್ನು ಬಟಾಣಿಯೊಂದಿಗೆ ಹಾಕಿ ಮಾಡಿದರೆ ರುಚಿಕರವಾದ ಪನ್ನೀರ್ ಸಬ್ಜಿ ರೆಡಿ. ಇದನ್ನು ಮಾಡವುದು ಸಹ ಅಷ್ಟೆ ಸುಲಭವಾಗಿದೆ.

ಬೇಕಾಗುವ ಸಾಮಾಗ್ರಿಗಳು:

1. ಪನ್ನೀರ್ 500 ಗ್ರಾಂ
2. ಈರುಳ್ಳಿ 1 (ಕತ್ತರಿಸಿದ್ದು)
3.ಕತ್ತರಿಸಿದ ಟೊಮೆಟೋ 2
4.ಶುಂಠಿ ಮತ್ತು ಹಸಿಮೆಣಸಿನ ಪೇಸ್ಟ್
5. ಅರಿಸಿನ, ಕೊತ್ತಂಬರಿ ಹಾಗೂ ಮೆಣಸಿನ ಪುಡಿ
6. ಮೆಂತೆ
7. ಗರಂ ಮಸಾಲ
8. ಜೀರಿಗೆ
9.ಮಲಾಯಿ

ಮಾಡುವ ವಿಧಾನ:

1. ಒಂದು ಬಾಣಲೆಗೆ ಎಣ್ಣೆ ಹಾಕಿ ಅದಕ್ಕೆ ಪನ್ನೀರ್ ಹಾಕಿ ಹುರಿಯಿರಿ, ಪನ್ನೀರ್ ಹಳದಿ ಬಣ್ಣಕ್ಕೆ ಬರುವಾಗ ಅದನ್ನು ತೆಗೆದು ಪನ್ನೀರ್ ಅನ್ನು ಟಿಶ್ಯು ಪೇಪರ್ ನಲ್ಲಿ ಇಡಿ . ಟಿಶ್ಯು ಅಧಿಕ ಎಣ್ಣೆಯನ್ನು ಹೀರಿಕೊಳ್ಳುತ್ತದೆ.

2. ಬಾಣಲೆಗೆ ಎಣ್ಣೆಯನ್ನು 3-4 ಚಮಚ ಹಾಕಿ ಅದು ಬಿಸಿಯಾದಾಗ ಜೀರಿಗೆ ಹಾಕಿ ನಂತರ ಕತ್ತರಿಸಿದ ಈರುಳ್ಳಿ ಹಾಕಿ ಹುರಿಯಿರಿ, ಸ್ವಲ್ಪ ಕ್ಷಣದ ಬಳಿಕ ಶುಂಠಿ ಮತ್ತು ಹಸಿಮೆಣಸಿನ ಪೇಸ್ಟ್ ಹಾಕಿ.

3. ಅದಕ್ಕೆ ರುಚಿಗೆ ತಕ್ಕ ಉಪ್ಪು ಮತ್ತು ಸ್ವಲ್ಪ ಅರಿಸಿನ ಪುಡಿ ಹಾಕಿ.

4.ಈಗ ಕತ್ತರಿಸಿದ ಟೊಮೆಟೋ ಹಾಕಿ ಅದಕ್ಕೆ ಮೆಣಸಿನ ಪುಡಿ, ಮೆಂತೆ, ಗರಂ ಮಸಾಲ ಹಾಕಿ ಬೆರೆಸಿ ಸ್ವಲ್ಪ ನೀರು ಹಾಕಿ ಅದಕ್ಕೆ ಬೇಯಿಸಿದ ಬಟಾಣಿ ಹಾಕಿ 3-4ನಿಮಿಷ ಬೇಯಿಸಿ.

5.ಆ ಮಿಶ್ರಣಕ್ಕೆ ಪನ್ನೀರ್ ಹಾಕಿ, ಮಲಾಯಿಯನ್ನು ಸೇರಿಸಿ ಗಟ್ಟಿ ರಸವಾಗುವರೆಗೆ ಬೇಯಿಸಿ.

ರೆಡಿಯಾದ ಪನ್ನೀರ್ ಅನ್ನು ರೊಟ್ಟಿ ಅಥವಾ ಚಪಾತಿಯೊಂದಿಗೆ ತಿನ್ನಲು ರುಚಿಕರವಾಗಿರುತ್ತದೆ.