ರೊಟ್ಟಿಯೊಂದಿಗೆ ಆಲೂ ಸಬ್ಜಿ ರುಚಿ ನೋಡಿ

ಬೇಕಾಗುವ ಸಾಮಾಗ್ರಿಗಳು:

1. ಚಿಕ್ಕ ಗಾತ್ರದ ಆಲೂಗೆಡ್ಡೆ ಬೇಯಿಸಿ ಚಿಪ್ಪೆ ತೆಗೆದಿದ್ದು 4-6
2. ಜೀರಿಗೆ ಮತ್ತು ಸಾಸಿವೆ
3. ಹಸಿಮೆಣಸು
4. ಕರಿಬೇವು
5. ಕಲ್ಲುಪ್ಪು
6. ಅರಿಸಿನ
7. ಕೊತ್ತಂಬರಿ ಪುಡಿ
8. ಮೆಣಸಿನ ಪುಡಿ
9. ಎಣ್ಣೆ
10. ಕೊತ್ತಂಬರಿ ಸೊಪ್ಪು

ಮಾಡುವ ವಿಧಾನ:

1. ಎಣ್ಣೆಯನ್ನು ಬಾಣಲೆಗೆ ಹಾಕಿ ಕಾಯಿಸಿ ಅದಕ್ಕೆ ಬೇಯಿಸಿದ ಆಲೂಗೆಡ್ಡೆ ಹಾಕಿ ಕಂದು ಬಣ್ಣಕ್ಕೆ ಬರುವವರೆಗೆ ಹುರಿಯಿರಿ.

2.ಒಂದು ಸಣ್ಣ ಪಾತ್ರೆಯಲ್ಲಿ ಅರಿಸಿನ, ಉಪ್ಪು, ಕೊತ್ತಂಬರಿ ಪುಡಿ, ಮೆಣಸಿನ ಪುಡಿ ಹಾಕಿ ಅದಕ್ಕೆ ಸ್ವಲ್ಪ ನೀರು ಹಾಕಿ ಸ್ವಲ್ಪ ದ್ರವ ರೂಪದ ಮಿಶ್ರಣ ತಯಾರಿಸಿ.

3. ಬಾಣಲೆಗೆ ಎಣ್ಣೆ ಹಾಕಿ ಅದು ಬಿಸಿಯಾದಾಗ ಅದಕ್ಕೆ ಕರಿಬೇವು, ಜೀರಿಗೆ, ಸಾಸಿವೆ ಹಾಕಿ ನಂತರ ಸ್ವಲ್ಪ ಮೆಣಸಿನ ಪುಡಿ ಹಾಕಿ. ಬೆರೆಸಿ ಅದರಲ್ಲಿ ಕತ್ತರಿಸಿದ ಹಸಿಮೆಣಸನ್ನು ಹಾಕಿ.

4. ಈಗ ಹುರಿದ ಆಲೂಗೆಡ್ಡೆ ಹಾಕಿ ಚೆನ್ನಾಗಿ ಬೆರೆಸಿ ಅದನ್ನು 1 -2 ನಿಮಿಷಕಾಲ ಬೇಯಲು ಬಿಡಿ, ನಂತರ ಅದಕ್ಕೆ ಕೊತ್ತಂಬರಿ ಸೊಪ್ಪು ಹಾಕಿ.

ಈಗ ರೊಟ್ಟಿ ಅಥವಾ ಚಪಾತಿಯೊಂದಿಗೆ ತಿನ್ನಲು ಆಲೂ ಸಬ್ಜಿ ರೆಡಿಯಾಗಿರುತ್ತದೆ.