ಚಪಾತಿ ಜೊತೆ ಖಾರಾ ಖಾರಾ ಎಗ್ ಫ್ರೈ ಮಸಾಲಾ

ಎಗ್ ಫ್ರೈಗೆ ಬೇಕಾಗುವ ಪದಾರ್ಥ:
* 2-3 ಮೊಟ್ಟೆ (ಬೇಯಿಸಿ ಸಿಪ್ಪೆ ತೆಗೆದಿರಬೇಕು)
* 1 ಈರುಳ್ಳಿ
* 1 ಟೊಮೆಟೊ
* 3/4 ಚಮಚ ಮೆಣಸು ಮತ್ತು ಜೀರಿಗೆ ಪುಡಿ
* ಪುದೀನಾ, ಕರಿಬೇವು
* 1/2 ಚಮಚ ಕೆಂಪು ಮೆಣಸಿನಕಾಯಿ ಪುಡಿ
* ಎಣ್ಣೆ, ಉಪ್ಪು

ಎಗ್ ಫ್ರೈ ಮಾಡುವ ವಿಧಾನ:
* ಮೊದಲು ಬೇಯಿಸಿದ ಮೊಟ್ಟೆಯನ್ನು ಅರ್ಧ ಭಾಗ ಕತ್ತರಿಸಿಕೊಳ್ಳಬೇಕು.

* ಬಾಣಲೆಗೆ ಎಣ್ಣೆ ಹಾಕಿ ಅದರಲ್ಲಿ ಈರುಳ್ಳಿ, ಕರಿಬೇವು, ಪುದೀನಾ, ಜೀರಿಗೆ ಮೆಣಸಿನ ಪುಡಿಯನ್ನು ಹುರಿದುಕೊಳ್ಳಬೇಕು.

* ನಂತರ ಟೊಮೆಟೊ ಪೇಸ್ಟ್, ಕೆಂಪು ಮೆಣಸಿನ ಪುಡಿ ಮತ್ತು ಉಪ್ಪನ್ನು ಬೆರೆಸಿ ತಿರುಗಿಸಬೇಕು.

* ಈಗ ಎರಡು ಭಾಗವಾಗಿ ಕತ್ತರಿಸಿದ ಮೊಟ್ಟೆಯನ್ನು ಈ ಮಿಶ್ರಣದಲ್ಲಿ ಬೆರೆಸಿ ಸಣ್ಣ ಉರಿಯಲ್ಲಿ ಮಸಾಲೆ ಮೊಟ್ಟೆಯೊಂದಿಗೆ ಬೆರೆಯುವವರೆಗೂ ಬೇಯಿಸಬೇಕು. ಈಗ ಎಗ್ ಫ್ರೈ ಮಸಾಲಾ ತಿನ್ನಲು ರೆಡಿಯಾಗಿದೆ.