ಅಪ್ಪಟ ಮಂಗಳೂರು ಶೈಲಿಯಲ್ಲಿ ಮೀನಿನ ಸಾರು

ಮಂಗಳೂರು ಮೀನು ಸಾರಿಗೆ ಪ್ರಸಿದ್ಧ. ಇಲ್ಲಿ ಅನೇಕ ರುಚಿಯಲ್ಲಿ ಮೀನು ಸಾರನ್ನು ಮಾಡಲಾಗುವುದು. ಬರೀ ಉಪ್ಪು, ಮೆಣಸು ಹುಳಿ ಹಾಕಿ ತಯಾರಿಸಲಾಗುವುದು, ಹಸಿ ತೆಂಗಿನಕಾಯಿಯನ್ನು ರುಬ್ಬಿ ಹಾಕಿ ಮಾಡುತ್ತಾರೆ, ಮತ್ತೆ ಕೆಲವರು , ಮೊದಲು ತೆಂಗಿನ ತುರಿಯನ್ನು ಹುರಿದು ನಂತರ ರುಬ್ಬಿ ಸಾರು ಮಾಡುತ್ತಾರೆ.

ಇಲ್ಲಿ ನಾವು ಒಂದು ಬಗೆಯ ಮೀನು ಸಾರಿನ ರೆಸಿಪಿ ನೀಡಿದ್ದೇವೆ ನೋಡಿ:

ಬೇಕಾಗುವ ಸಾಮಾಗ್ರಿಗಳು

1/4 ಚಮಚ ಮೆಂತೆ ಮತ್ತು ಸ್ವಲ್ಪ ಅಜ್ವೈನ್
ಶುಚಿ ಮಾಡಿದ ಮೀನು 1 ಕೆಜಿ(ಮೀನು ನಿಮಗೆ ಇಷ್ಟವಾದದು)
6-8 ಎಸಳು ಬೆಳ್ಳುಳ್ಳಿ
1 ಈರುಳ್ಳಿ
1ಚಮಚ ಕೊತ್ತಂಬರಿ ಬೀಜ
1 ಚಮಚ ಜೀರಿಗೆ
ಕಾಲು ಚಮಚ ಅರಿಶಿಣ
6 ಕೆಂಪು ಮೆಣಸು(ನಿಮ್ಮ ಖಾರಕ್ಕೆ ತಕ್ಕಷ್ಟು)
1 ಚಮಚ ಶುಂಠಿ ಮತ್ತು ಬೆಳ್ಳುಳ್ಳಿ ಪೇಸ್ಟ್
ಸ್ವಲ್ಪ ಹುಣಸೆ ಹಣ್ಣಿನ ರಸ
2 ಚಮಚ ಎಣ್ಣೆ
ಕರಿ ಬೇವಿನ ಎಲೆ

ತಯಾರಿಸುವ ವಿಧಾನ:

* ಈಗ ಹಸಿ ತೆಂಗಿನ ತುರಿ, ಅರಿಶಿಣ ಪುಡಿ, ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಒಣ ಮೆಣಸು ಹಾಕಿ ಪೇಸ್ಟ್ ಮಾಡಿ.
* ಹುಣಸೆ ಹಣ್ಣನ್ನು ಬಿಸಿ ನೀರಿನಲ್ಲಿ ನೆನೆಸಿ ಹುಣೆಸೆ ಹಣ್ಣಿನ ರಸ ತಯಾರಿಸಿಡಿ.
* ಒಂದು ಪಾತ್ರೆಯಲ್ಲಿ ಎಣ್ಣೆ ಹಾಕಿ ಅದಕ್ಕೆ ಮೆಂತೆ, ಅಜ್ವೈನ್, ಕತ್ತರಿಸಿ ಬೆಳ್ಳುಳ್ಳಿ, ಕತ್ತರಿಸಿ ಈರುಳ್ಳಿ ಹಾಕಿ ಚೆನ್ನಾಗಿ ಆಡಿಸಿ.
* ಈಗ ಕೊತ್ತಂಬರಿ ಬೀಜ, ಜೀರಿಗೆ , ಕರಿ ಬೇವಿನ ಎಲೆ ಹಾಕಿ 2-3 ನಿಮಿಷ ಹುರಿಯಿರಿ.
* ಈಗ ರುಬ್ಬಿದ ಮಿಶ್ರಣ ಹಾಕಿ 2 ನಿಮಿಷ ಸೌಟ್ ನಿಂದ ಆಡಿಸಿ, ಒಂದು ಕಪ್ ನೀರು ಹಾಕಿ, ರುಚಿಗೆ ತಕ್ಕ ಉಪ್ಪು ಸೇರಿಸಿ ಕುದಿಸಿ.
* ಮಿಶ್ರಣ ಕುದಿ ಬಂದಾಗ ಹುಣಸೆ ಹಣ್ಣಿನ ರಸ ಹಾಕಿ ಹಾಕಿ ಮತ್ತೆ 5 ನಿಮಿಷ ಕುದಿಸಿ.
* ನಂತರ ಮೀನನ್ನು ಹಾಕಿ ಬೇಯಿಸಿದರೆ ಮೀನು ಸಾರು ರೆಡಿ.