ಸಾಯಂಕಾಲದ ಬಾಯಿ ರುಚಿಗೆ ಈ ಎಗ್ ಮಸಾಲ

ಆದರೆ ಮೊಟ್ಟೆ ಬಳಸಿ ಇನ್ನೂ ಅನೇಕ ತಿಂಡಿ ಮಾಡಬಹುದು. ಅದರಲ್ಲಿ ಎಗ್ ಮಸಾಲ ಕೂಡ ಒಂದು. ಈ ಎಗ್ ಮಸಾಲ ಸಾಯಂಕಾಲದ ತಿಂಡಿಗೆ ಇದ್ದರೆ ರುಚಿಯೊಂದಿಗೆ ಆರೋಗ್ಯವನ್ನೂ ನೀಡುತ್ತದೆ. ಎಗ್ ಮಸಾಲವನ್ನು ಅಡುಗೆ ಬರದಿದ್ದವರೂ ಮಾಡಿ ರುಚಿ ನೋಡುವಷ್ಟು ಸರಳವಾಗಿದೆ.

ಬೇಕಾಗುವ ಸಾಮಾಗ್ರಿಗಳು:

1. ಬೇಯಿಸಿದ ಮೊಟ್ಟೆ 4-5
2. ಚಿಕ್ಕದಾಗಿ ಕತ್ತರಿಸಿದ ಈರುಳ್ಳಿ
3. 1/2 ಕಪ್ ಮಯೊನೈಸ್
4. 1/4 ಚಮಚ ಕೆಂಪು ಮೆಣಸಿನ ಪುಡಿ
5. 1 ಚಮಚ ಕರಿಮೆಣಸಿನ ಪುಡಿ

ಮಾಡುವ ವಿಧಾನ:

1. ಬೇಯಿಸಿದ ಮೊಟ್ಟೆಯನ್ನು ಎರಡು ಭಾಗ ಮಾಡಿ ಚಮಚದಿಂದ ಅದರ ಹಳದಿ ಭಾಗವನ್ನು ತೆಗೆಯಬೇಕು.

2. ಹಳದಿಯನ್ನು ಒಂದು ಬಟ್ಟಲಿನಲ್ಲಿ ಹಾಕಿ ಚಮಚದಿಂದ ಪುಡಿ ಮಾಡಿ ಇದಕ್ಕೆ ಈರುಳ್ಳಿ, ಕೆಂಪು ಮೆಣಸಿನ ಪುಡಿ, ಮಯೊನೈಸ್ ಮತ್ತು ರುಚಿಗೆ ತಕ್ಕಷ್ಟು ಉಪ್ಪು ಬೆರೆಸಬೇಕು.

3. ಈ ಮಿಶ್ರಣವನ್ನು ಮೊಟ್ಟೆಯಲ್ಲಿ ತುಂಬಿಸಿ ಅದರ ಮೇಲೆ ಕರಿಮೆಣಸಿನ ಪುಡಿ ಉದುರಿಸಿದರೆ ರುಚಿಯಾದ ಎಗ್ ಮಸಾಲ ತಿನ್ನಲು ರೆಡಿ.