ಕ್ಯಾರೆಟ್ ಹಲ್ವಾ ಮಾಡುವುದು ತುಂಬಾ ಸುಲಭ ನೋಡಿ

Recipes

oi-Reena TK

Posted By: Reena TK

Updated: Monday, September 21, 2020, 10:18 [IST]

ಕ್ಯಾರೆಟ್ ಹಲ್ವಾ ಮಕ್ಕಳಿಂದ ಹಿಡಿದು ದೊಡ್ಡವರವರೆಗೆ ಇಷ್ಟಪಟ್ಟು ತಿನ್ನುವ ಒಂದು ಸಿಹಿ ತಿನಿಸು ಆಗಿದೆ. ಇನ್ನು ಇದರಲ್ಲಿ ಹಾಲು, ತುಪ್ಪ, ನಟ್ಸ್ ಬಳಸುವುದರಿಂದ ಇವು ರುಚಿಯ ಜೊತೆಗೆ ದೇಹಕ್ಕೆ ಬೇಕಾದ ಪೋಷಕಾಂಶ ನೀಡುತ್ತದೆ. ಈ ಕ್ಯಾರೆಟ್ ಹಲ್ವಾವನ್ನು ಸುಲಭದಲ್ಲಿ ಮಾಡಬಹುದಾಗಿದೆ.

ಕ್ಯಾರೆಟ್ ತ್ವಚೆಗೆ ಹಾಗೂ ಕಣ್ಣಿಗೆ ತುಂಬಾನೇ ಒಳ್ಳೆಯದು. ಇದರಲ್ಲಿರುವ ನಾರಿನಂಶ ಜೀರ್ಣಕ್ರಿಯೆಗೂ ಸಹಕಾರಿ. ಸಿಹಿ ತಿನ್ನಬೇಕೆಂದು ಅನಿಸುವಾಗ ಈ ರೀತಿಯ ವಸ್ತುಗಳನ್ನು ಸುಲಭದಲ್ಲಿ ಮಾಡಿ ಸವಿಯಬಹುದಾಗಿದೆ ನೋಡಿ. ಇಲ್ಲಿ ನಾವು ಕ್ಯಾರೆಟ್ ಹಲ್ವಾ ಮಾಡುವುದು ಹೇಗೆ ಎಂಬ ರೆಸಿಪಿ ನೀಡಿದ್ದೇವೆ ನೋಡಿ:

ಮಾಡುವ ವಿಧಾನ
* ಕ್ಯಾರೆಟ್‌ ಅನ್ನು ತುರಿಯಿರಿ.
* ಈಗಕ್ಯಾರೆಟ್‌ ಅನ್ನು ಚಿಕ್ಕ ಕುಕ್ಕರ್‌ಗೆ ಹಾಕಿ ಬೇಯಲು ತಕ್ಕ ಹಾಲು ಸೇರಿಸಿ 2-3 ವಿಶಲ್‌ ಬರುವವರೆಗೆ ಬೇಯಿಸಿ.
* ಈಗ ಪ್ಯಾನ್‌ಗೆ ತುಪ್ಪ ಹಾಕಿ (ತುಪ್ಪ ಸ್ವಲ್ಪ ಅಧಿಕವಿದ್ದರೆ ರುಚಿ ಇನ್ನಷ್ಟು ಚೆನ್ನಾಗಿರುತ್ತದೆ)

* ತುಪ್ಪ ಬಿಸಿಯಾದಾಗ ನಟ್ಸ್ ಹಾಗೂ ದ್ರಾಕ್ಷಿ ಹಾಕಿ ಸ್ವಲ್ಪ ಹುರಿಯಿರಿ.
* ನಂತರ ಬೇಯಿಸಿದ ಕ್ಯಾರೆಟ್ ಹಾಕಿ, ಸಕ್ಕರೆ ಸೇರಿಸಿ ಸೌಟ್‌ನಿಂದ ಆಡಿಸುತ್ತಾ ಬೇಯಿಸಿ.
* ಹಾಲಿನಂಶ ಇಂಗಿ ಕ್ಯಾರೆಟ್ ಸ್ವಲ್ಪ ಡ್ರೈ ರೀತಿಯಾಗುವವರೆಗೆ ಸೌಟ್‌ನಿಂದ ಆಡಿಸುತ್ತಾ ಬೇಯಿಸಿ.

* ಕ್ಯಾರೆಟ್‌ನಲ್ಲಿ ಹಾಲಿನಂಶ ಆವಿಯಾದ ಮೇಲೆ ಉರಿಯಿಂದ ಇಳಿಸಿದರೆ ಸವಿಯಲು ರುಚಿಕರವಾದ ಕ್ಯಾರೆಟ್ ಹಲ್ವಾ ರೆಡಿ.