ಎಳ್ಳು ಬೆಲ್ಲ ಮನೆಯಲ್ಲಿ ಮಾಡಿದರೆ ಮಾತ್ರ ಸಂಕ್ರಾಂತಿಗೆ ವಿಶೇಷ ಕಳೆ ಅಲ್ವಾ?

ವರ್ಷದ ಮೊದಲ ಹಬ್ಬ ಸಂಕ್ರಾಂತಿ ಬಂದೇ ಬಿಡ್ತು. ಹಬ್ಬದ ತಯಾರಿಗಳು ಹೀಗಾಗಲೇ ಶುರುವಾಗಿರುತ್ತದೆ. ಸಂಕ್ರಾಂತಿ ಎಂದ ತಕ್ಷಣ ನೆನಪಿಗೆ ಬರುವುದು ಎಳ್ಳು-ಬೆಲ್ಲ. ಮನೆಯಲ್ಲಿ ಎಳ್ಳು ಬೆಲ್ಲ ತಯಾರಿಸಿ ಅದನ್ನು ಮನೆ ಮಂದಿಗೆ ಹಾಗೂ ಅಕ್ಕ-ಪಕ್ಕದ ಮನೆಯವರಿಗೆ ಹಂಚುವ ಪದ್ಧತಿ ಇದೆ. ಎಳ್ಳು ಬೆಲ್ಲ ಜೊತೆ ಸಕ್ಕರೆ ಅಚ್ಚುಗಳು ಹಾಗೂ ಕಬ್ಬು ಇಟ್ಟು ಹಂಚಿ ಬಂದರೆ ಮಾತ್ರ ಸಂಕ್ರಾಂತಿ ಹಬ್ಬಕ್ಕೊಂದು ಕಳೆ ಬರುವುದು.

ಎಳ್ಳು-ಬೆಲ್ಲ ಮಾರುಕಟ್ಟೆಯಲ್ಲಿ ಸಿಗುವುದಾದರೂ ಮನೆಯಲ್ಲಿಯೇ ಮಾಡಿ, ಹಂಚುವ ಖುಷಿಯೇ ಬೇರೆ ಅಲ್ವಾ? ಸಣ್ಣ-ಸಣ್ಣ ಚೂರುಗಳಾಗಿ ಮಾಡಿದ ಬೆಲ್ಲ, ಒಣ ಕೊಬ್ಬರಿ, ಹುರಿಗಡಲೆ, ಸಿಪ್ಪೆ ತೆಗೆದ ಕಡಲೇಕಾಯಿ ಬೀಜ, ಹುರಿದ ಬಿಳಿ ಎಳ್ಳನ್ನುಸೇರಿಸಿ ಎಳ್ಳು-ಬೆಲ್ಲವನ್ನು ತಯಾರಿಸಲಾಗುವುದು.

ಸಂಕ್ರಾಂತಿ ಹಬ್ಬ ಚಳಿಗಾಲದಲ್ಲಿ ಬರುತ್ತದೆ. ಚಳಿಗೆ ಎಳ್ಳು ಬೆಲ್ಲ ತುಂಬಾ ಒಳ್ಳೆಯದು. ಇದನ್ನು ಮಾಡಿಟ್ಟರೆ ತುಂಬಾ ಸಮಯದವರಿಗೂ ಸವಿಯಬಹುದು. ಇಲ್ಲಿ ಸಂಕ್ರಾಂತಿ ಹಬ್ಬಕ್ಕೆ ಎಳ್ಳು ಬೆಲ್ಲ ಮಾಡಿ ಎಲ್ಲರಿಗೆ ಶುಭ ಹಾರೈಸಲು ರೆಸಿಪಿ ನೀಡಿದ್ದೇವೆ ನೋಡಿ.

Ellu Bella Recipe, ಎಳ್ಳು ಬೆಲ್ಲ ರೆಸಿಪಿ

Ellu Bella Recipe, ಎಳ್ಳು ಬೆಲ್ಲ ರೆಸಿಪಿ

Prep Time

1 Hours0 Mins

Cook Time

30M

Total Time

1 Hours30 Mins

Recipe By: Reena TK

Recipe Type: Sweet

Serves: 20

Ingredients

• ಬೇಕಾಗುವ ಸಾಮಗ್ರಿ

  * ಬಿಳಿ ಎಳ್ಳು ಒಂದು ಕಪ್

  * ಬೆಲ್ಲ ಒಂದು ಕಪ್

  * ಒಣ ಕೊಬ್ಬರಿ ಒಂದು ಕಪ್

  * ಹುರಿಗಡಲೆ ಒಂದು ಕಪ್

  * ಬತಾಸು

  * ಜೀರಿಗೆ ಪೆಪ್ಪರ್‌ಮಿಂಟ್‌

How to Prepare

• ಮಾಡುವ ವಿಧಾನ:

  * ಮೊದಲಿಗೆ ಬೆಲ್ಲ ಮತ್ತು ಒಣಕೊಬ್ಬರಿಯನ್ನು ಚಿಕ್ಕ-ಚಿಕ್ಕ ಚೂರುಗಳಾಗಿ ಕತ್ತರಿಸಿ.

  * ಕಡಲೇಕಾಯಿ ಬೀಜವನ್ನು ಹುರಿದು ಸಿಪ್ಪೆ ತೆಗೆಯಿರಿ.

  * ಬಿಳಿ ಎಳ್ಳನ್ನು ಹದವಾಗಿ ಹುರಿದುಟ್ಟುಕೊಳ್ಳಿ.

  * ಎಳ್ಳು ತಣ್ಣಗಾದ ಮೇಲೆ ಅದಕ್ಕೆ ಬೆಲ್ಲ, ಒಣಕೊಬ್ಬರಿ, ಸಿಪ್ಪೆ ಸುಲಿದ ಕಡಲೇಕಾಯಿ ಬೀಜ, ಹುರಿಗಡಲೆ ಹಾಕಿ ಮಿಶ್ರ ಮಾಡಿ.

  * ನಂತರ ಸಕ್ಕರೆ ಅಚ್ಚು, ಬತಾಸು, ಜೀರಿಗೆ ಪೆಪ್ಪರ್‌ಮಿಂಟ್ ಹಾಕಿ ಅಲಂಕರಿಸಿದರೆ ಸಂಕ್ರಾಂತಿಯ ಎಳ್ಳು-ಬೆಲ್ಲ ರೆಡಿ.

Instructions

• ಸಂಕ್ರಾಂತಿ ಹಬ್ಬ ಚಳಿಗಾಲದಲ್ಲಿ ಬರುತ್ತದೆ. ಚಳಿಗೆ ಎಳ್ಳು ಬೆಲ್ಲ ತುಂಬಾ ಒಳ್ಳೆಯದು. ಇದನ್ನು ಮಾಡಿಟ್ಟರೆ ತುಂಬಾ ಸಮಯದವರಿಗೂ ಸವಿಯಬಹುದು. ಇಲ್ಲಿ ಸಂಕ್ರಾಂತಿ ಹಬ್ಬಕ್ಕೆ ಎಳ್ಳು ಬೆಲ್ಲ ಮಾಡಿ ಸವಿಯಿರಿ.

Nutritional Information

• Serving size - 1 ಕಪ್ g
• Calories - 313 cal
• Fats - 53.97 g
• Proteins - 55.97 g
• Fibre - 28.7 g

ಮಾಡುವ ವಿಧಾನ:
* ಮೊದಲಿಗೆ ಬೆಲ್ಲ ಚಿಕ್ಕ-ಚಿಕ್ಕ ಚೂರುಗಳಾಗಿ ಕತ್ತರಿಸಿ.

ಕೊಬ್ಬರಿಯನ್ನು ಚಿಕ್ಕ ಚಿಕ್ಕ ತುಂಡುಗಳಾಗಿ ಕತ್ತರಿಸಿ

* ಕಡಲೇಕಾಯಿ ಬೀಜವನ್ನು ಹುರಿದು ಸಿಪ್ಪೆ ತೆಗೆಯಿರಿ.

* ಬಿಳಿ ಎಳ್ಳನ್ನು ಹದವಾಗಿ ಹುರಿದುಟ್ಟುಕೊಳ್ಳಿ.

* ಎಳ್ಳು ತಣ್ಣಗಾದ ಮೇಲೆ ಅದಕ್ಕೆ ಬೆಲ್ಲ, ಒಣಕೊಬ್ಬರಿ, ಸಿಪ್ಪೆ ಸುಲಿದ ಕಡಲೇಕಾಯಿ ಬೀಜ, ಹುರಿಗಡಲೆ ಹಾಕಿ ಮಿಶ್ರ ಮಾಡಿ. ನಂತರ ಸಕ್ಕರೆ ಅಚ್ಚು, ಬತಾಸು, ಜೀರಿಗೆ ಪೆಪ್ಪರ್‌ಮಿಂಟ್ ಹಾಕಿ ಅಲಂಕರಿಸಿದರೆ ಸಂಕ್ರಾಂತಿಯ ಎಳ್ಳು-ಬೆಲ್ಲ ರೆಡಿ.

ಕನ್ನಡ ಬೋಲ್ಡ್‌ ಸ್ಕೈ ಓದುಗರಿಗೆ ಸಂಕ್ರಾಂತಿ ಹಬ್ಬದ ಶುಭಾಶಯಗಳು...