ವಾತ ಪಿತ್ತ ಕಫ ಕ್ಲೇಷ ನಾಶಿನಿ, ಶುಂಠಿ ಕಷಾಯ

Drinks

oi-Staff

By Super

Updated: Thursday, March 14, 2013, 17:19 [IST]

ವಾತ ಪಿತ್ತ ಕಫ ಶೀತ ಹೊಟ್ಟೆ ತೊಳೆಸುವುದು ಇತ್ಯಾದಿ ಬಾಧೆ ಹೆಚ್ಚಿನವರಿಗಿದೆ. ಇದಕ್ಕೆಲ್ಲ ಮದ್ದು ಮಾಡಿದರೂ ಪ್ರಯೋಜನ ಶೂನ್ಯ. ಮನೆಯಲ್ಲಿರುವ ಶುಂಠಿಯನ್ನು ಮರೆತರೆ ಹೀಗೆ ಆಗುತ್ತದೆ. ಶುಂಠಿ ಒಂದು ಸಂಬಾರ ಪದಾರ್ಥ ಮಾತ್ರವಲ್ಲ. ಔಷಧಿಗಳ ಗಣಿ. ಶುಂಠಿ ಕಷಾಯವೆಂದರೆ ವಾತ ಪಿತ್ತ ಕಫ ಕ್ಲೇಷ ಸಂಹಾರಿನಿ. ಶುಂಠಿ ಕಷಾಯ ಮಾಡೋದು ಸುಲಭ.

ಶುಂಠಿ ಕಷಾಯಕ್ಕೆ ಬೇಕಾದ ವಸ್ತುಗಳು
* 2 ಟಿಸ್ಪೂನ್ ಶುಂಠಿ ಪೇಸ್ಟ್
* 1 ಟೀ ಸ್ಪೂನ್ ಹುಣಸೆ ರಸ
* ಒಂದು ಚಮಚ ಜೀರಿಗೆ
* ಕೊತ್ತಂಬರಿ ಎಲೆ ತುಂಡುಗಳು ಅರ್ಧ ಚಮಚ
* ಬೆಲ್ಲ ಒಂದು ಚಮಚ
* ರುಚಿಗೆ ತಕ್ಕಷ್ಟು ಉಪ್ಪು
* ಒಂದು ಕೆಂಪು ಮೆಣಸು
* ಅರ್ಧ ಚಮಚ ಸಾಸಿವೆ
* ಒಂದು ಟೀಸ್ಪೂನ್ ಎಣ್ಣೆ

ಕಷಾಯ ಮಾಡೋದು ಹೀಗೆ
* ಪಾತ್ರೆಯಲ್ಲಿ ಎಣ್ಣೆ ಬಿಸಿಮಾಡಿ. ಅದಕ್ಕೆ ಜೀರಿಗೆ, ಸಾಸಿವೆ, ಶುಂಠಿ ಪೇಸ್ಟ್, ಕೊತ್ತಂಬರಿ ಎಲೆ, ಒಣ ಮೆನಸು ಹಾಕಿ ಕೆಲವು ನಿಮಿಷ ಫ್ರೈಮಾಡಿರಿ

* ನಂತರ 2-3 ಕಪ್ ನೀರು ಹಾಕಿ, ಹುಣಸಿ ರಸ, ಬೆಲ್ಲ, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಕೊಂಚ ಕಾಲ ಕುದಿಯಲು ಬಿಡಿ. ರುಚಿಕರವಾದ ಶುಂಠಿ ಕಷಾಯ ರೆಡಿ.

;