ವಾವ್! ಐಸ್ ಕ್ರೀಮ್ ಹಾಕಿದ ಕೋಲ್ಡ್ ಕಾಫಿ

Drinks

oi-Reena

By Hema S

Published: Saturday, May 12, 2012, 9:44 [IST]

ಸ್ನೇಹಿತರ ಜೊತೆ ಸೇರಿ ಐಸ್ ಕ್ರೀಮ್ ಹಾಕಿದ ಕೋಲ್ಡ್ ಕಾಫಿಯನ್ನು ರುಚಿ ಹೀರುವುದು ತುಂಬಾ ಮಜಾವಾಗಿರುತ್ತದೆ. ಅದೇ ಸ್ನೇಹಿತರು ಮನೆಗೆ ಬಂದಾಗ ಎಲ್ಲರೂ ಸೇರಿ ಕೋಲ್ಡ್ ಕಾಫಿ ಕುಡಿದರೆ ತುಂಬಾ ಮಜಾವಾಗಿರುತ್ತದೆ ಅಲ್ವಾ? ಆದರೆ ಅಷ್ಟೇ ರುಚಿಕರವಾದ ಕೋಲ್ಡ್ ಕಾಫಿ ತಯಾರಿಸುವುದು ನನ್ನಿಂದ ಸಾಧ್ಯವೆ ಎಂಬ ಸಂಶಯ ಬೇಡ. ಏಕೆಂದರೆ ಇದನ್ನು ತಯಾರಿಸುವ ವಿಧಾನ ಸುಲಭವಾಗಿದ್ದು ಮಾಡುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* ಒಂದು ಗ್ಲಾಸ್ ಕಾಯಿಸಿದ ಹಾಲು
* ಒಂದೂವರೆ ಚಮಚ ಕಾಫಿ ಪುಡಿ
* 4 ಚಮಚ ಸಕ್ಕರೆ
* 1 ಸ್ಕೂಪ್ ವೆನಿಲ್ಲಾ ಐಸ್ ಕ್ರೀಮ್
* ಐಸ್ ಕ್ಯೂಬ್
* ಬಾದಾಮಿ ಅಥವಾ ಗೋಡಂಬಿ

ಐಸ್ ಕ್ರೀಮ್ ಹಾಕಿದ ಕೋಲ್ಡ್ ಕಾಫಿ ತಯಾರಿಸುವ ವಿಧಾನ :

1. ಕಾಯಿಸಿ ತಣ್ಣಗಾದ ಹಾಲಿಗೆ ಕಾಫಿ ಮತ್ತು ಸಕ್ಕರೆ ಹಾಕಿ ಚೆನ್ನಾಗಿ ಮಿಶ್ರ ಮಾಡಬೇಕು.

2. ಇದನ್ನು ಐಸ್ ಕ್ಯೂಬ್ ಇರುವ ಗ್ಲಾಸಿಗೆ ಸುರಿಯಬೇಕು.

3. ನಂತರ ಕಾಫಿಯನ್ನು ಒಂದು ಲೋಟದಿಂದ ಮತ್ತೊಂದು ಲೋಟಕ್ಕೆ ಸ್ವಲ್ಪ ಹೊತ್ತು ಆಡಿಸಬೇಕು. ನಂತರ ವೆನಿಲ್ಲಾ ಐಸ್ ಕ್ರೀಮ್ ಸ್ಕೂಪ್ ಹಾಕಬೇಕು, ಅದಕ್ಕೆ ಪುಡಿ ಮಾಡಿದ ಬಾದಾಮಿ ಅಥವಾ ಗೋಡಂಬಿ ಹಾಕಿದರೆ ರುಚಿಯಾದ ಕೋಲ್ಡ್ ಕಾಫಿ ರೆಡಿ.