ಶೀತ ಓಡಿಸುವ ಮಸಾಲಾ ಟೀ ರೆಡಿ ಮಾಡುವುದು ಹೇಗೆ?

Published: Monday, August 22, 2011, 14:41 [IST]

ಶೀತ, ಕೆಮ್ಮು, ನೆಗಡಿ ಎಲ್ಲ ಕಾಲದಲ್ಲೂ ಒಂದಲ್ಲ ಒಂದು ಕಾರಣಕ್ಕೆ ಕಾಣಿಸಿಕೊಳ್ಳುತ್ತೆ. ಅದರಲ್ಲೂ ಈ ಮಳೆಗಾದಲ್ಲಿ ಇದರ ಹಾವಳಿ ಹೆಚ್ಚು. ಇಂತಹ ಸಮಯದಲ್ಲಿ ಹೆಚ್ಚು ಆಹಾರ ತಿನ್ನೋದಕ್ಕೂ ಸಾಧ್ಯವಿಲ್ಲ. ಹೀಗಿದ್ದ ಪಕ್ಷದಲ್ಲಿ ದ್ರವ ರೂಪದ ಆಹಾರವೇ ಉತ್ತಮ. ಹಾಗಿದ್ದರೆ ಈ ಮಸಾಲ ಟೀ ಮಾಡಿ ಕುಡಿಯಿರಿ.

ಶಕ್ತಿಗೆ, ಆರೋಗ್ಯಕ್ಕೆ ಪೂರಕವಾಗಿರುವ ಈ ಮಸಾಲ ಟೀ ಕುಡಿದರೆ ಶೀತ, ನೆಗಡಿ, ಕೆಮ್ಮು ಹೆಚ್ಚು ಸಮಯ ತೆಗೆದುಕೊಳ್ಳದೇ ವಾಸಿಯಾಗುತ್ತೆ. ಇದನ್ನು ಮಾಡುವುದೂ ಕೂಡ ಅಷ್ಟೇ ಸುಲಭ.

ಮಸಾಲ ಟೀ ಮಾಡಲು ಬೇಕಾಗುವ ಸಾಮಾಗ್ರಿ:
* ತಾಜಾ ಶುಂಠಿ
* ತುಳಸಿ ಎಲೆ
* ಜೇನು
* ಟೀ ಎಲೆ ಅಥವಾ ಟೀ ಪುಡಿ

ಮಸಾಲಾ ಟೀ ಮಾಡುವುದು ಹೇಗೆ?
1. ಕುದಿಯುತ್ತಿರುವ ನೀರಿಗೆ ಜೇನಿನ ಹೊರತಾಗಿ ಮೇಲೆ ತಿಳಿಸಿದ ಎಲ್ಲ ಪದಾರ್ಥಗಳನ್ನು ಹಾಕಬೇಕು. ಮತ್ತೆ ಇನ್ನಷ್ಟು ಕುದಿಯಲು ಬಿಡಬೇಕು.

2. ಈಗ ಇದನ್ನು ಸೋಸಿಕೊಂಡು ಅದಕ್ಕೆ ಬೇಕಾದಷ್ಟು ಜೇನು ಬೆರೆಸಿಕೊಳ್ಳಬೇಕು.

ಈ ಮಸಾಲಾ ಟೀ ಚೈತನ್ಯವನ್ನು ನೀಡುವುದರೊಂದಿಗೆ ಶೀತ, ಕೆಮ್ಮು, ನೆಗಡಿಯನ್ನು ದೂರಮಾಡುತ್ತದೆ. ಈ ಸಮಯದಲ್ಲಿ ದಿನ ಬೆಳಗ್ಗೆ ಮತ್ತು ಸಂಜೆ ಈ ಮಸಾಲಾ ಟೀ ಕುಡಿದು ಶೀತಸಂಬಂಧಿ ಕಾಯಿಲೆಗಳಿಂದ ಮುಕ್ತಿಹೊಂದಬಹುದು.

Comments

English summary

Masala tea for Cough Phlegm | Masala Tea cure Cough | ನೆಗಡಿ ಕೆಮ್ಮಿಗೆ ಮಸಾಲಾ ಟೀ ರೆಸಿಪಿ | ಮಸಾಲಾ ಟೀಯಿಂದ ಶೀತ ಕೆಮ್ಮು ನಿವಾರಣೆ

Common cold is a common problem in all seasons, particularly winter. We have a special tea recipe that will rejuvenate your day by reducing the cough phlegm infection. Take a look at how to go about with the masala Tea recipe.

Story first published: Monday, August 22, 2011, 14:24 [IST]

Other articles published on Aug 22, 2011