ಸ್ವಾದಿಷ್ಟಕರ ಬಾದಾಮಿ ಜೇನಿನ ಹಾಲು

Drinks

oi-Reena

By Hema S

Published: Wednesday, May 2, 2012, 16:42 [IST]

ಬಾದಾಮಿ ಮತ್ತು ಹಾಲು ಮಿಶ್ರ ಮಾಡಿ ಕುಡಿಯುವುದು ಸಾಮಾನ್ಯ. ಆದರೆ ಅದಕ್ಕೆ ಜೇನು ಸೇರಿಸಿ ತಯಾರಿಸುವ ಜ್ಯೂಸ್ ರುಚಿ ಅನೇಕರಿಗೆ ಗೊತ್ತಿರುವುದಿಲ್ಲ. ರುಚಿಕರವಾದ ಈ ಜ್ಯೂಸ್ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
*1/4 ಕಪ್ ಬಾದಾಮಿ
* 2 ಕಪ್ ಹಾಲು
* 1/2 ಚಮಚ ಏಲಕ್ಕಿ
* 3 ಚಮಚ ಜೇನು

ತಯಾರಿಸುವ ವಿಧಾನ:

1. ಬಾದಾಮಿ ಮತ್ತು 2/3ರಷ್ಟು ಹಾಲು ಅನ್ನುಮಿಕ್ಸಿಯಲ್ಲಿ ಹಾಕಿ ಚೆನ್ನಾಗಿ ಅರೆಯಬೇಕು.

2. ಅದನ್ನು ಒಂದು ಪಾತ್ರೆಗೆ ಹಾಕಿ ಅದಕ್ಕೆ ಉಳಿದ ಹಾಲು ಸೇರಿಸಬೇಕು.

3. ಈಗ ಬಾದಾಮಿ ಮಿಶ್ರಿತ ಹಾಲಿರುವ ಪಾತ್ರೆಯನ್ನು ಸಾಧಾರಣ ಉರಿಯಲ್ಲಿ ಇಟ್ಟು, ಅದನ್ನು ಸೌಟ್‌ನಿಂದ ತಿರುಗಿಸುತ್ತಾ ಕುದಿಸಬೇಕು. ನಂತರ ಅದನ್ನು ಉರಿಯಿಂದ ತೆಗೆದು ಏಲಕ್ಕಿ ಅದಕ್ಕೆ ಏಲಕ್ಕಿ ಸೇರಿಸಬೇಕು.

4. ಮತ್ತೆ ಬಾದಾಮಿ ಮಿಶ್ರಿತ ಹಾಲನ್ನು ಉರಿಯಲ್ಲಿ ಇಟ್ಟು ಕುದಿಸಬೇಕು.

5. ನಂತರ ಉರಿಯಿಂದ ತೆಗೆದು ಜೇನನ್ನು ಸೇರಿಸಿ ಮತ್ತೆ ಉರಿಯಲ್ಲಿಟ್ಟು ಸ್ವಲ್ಪ ಬಿಸಿಮಾಡಬೇಕು.

6. ಈಗ ಈ ಮಿಶ್ರಣವನ್ನುಪಾತ್ರೆಯಿಂದ ಮತ್ತೊಂದು ಪಾತ್ರೆಗೆ ಸುರಿಯುವುದು, ಮತ್ತೆ ಕಾಯಿಸಿದ ಪಾತ್ರೆಗೆ ಸುರಿಯುವುದು, ಈ ರೀತಿ 2 ಬಾರಿ ಮಾಡಬೇಕು.

7. ನಂತರ ಬಿಸಿಬಿಸಿಯಾದ ಬಾದಾಮಿ ಜೀನಿನ ಹಾಲನ್ನು ಕುಡಿದು ನೋಡಿ. ಅದರ ರುಚಿ ಮನಸ್ಸಿಗೆ ಸಂತೋಷವನ್ನು ಕೊಡುತ್ತದೆ, ಆರೋಗ್ಯಕ್ಕೂ ಒಳ್ಳೆಯದು.