ಮಕ್ಕಳನ್ನು ಮೋಡಿ ಮಾಡಲು ಸ್ಟ್ರಾಬರಿ ಐಸ್ ಕ್ಯಾಂಡಿ

Drinks

oi-Reena

By Hema S

Published: Saturday, April 28, 2012, 13:24 [IST]

ಸಿಹಿಯಾದ ಐಸ್ ಕ್ಯಾಂಡಿ ತಿನ್ನುವುದಕ್ಕಿಂತ ಸ್ವಲ್ಪ ಹುಳಿ ಮತ್ತು ಸಿಹಿ ಮಿಶ್ರಿತ ಕ್ಯಾಂಡಿಗಳೆಂದರೆ ಮಕ್ಕಳು ತುಂಬಾನೆ ಇಷ್ಟು ಪಟ್ಟು ತಿನ್ನುತ್ತಾರೆ. ಆದ್ದರಿಂದಲೆ ಮ್ಯಾಂಗೊ ಮತ್ತು ಸ್ಟ್ರಾಬರಿ ಕ್ಯಾಂಡಿಗಳನ್ನು ಮಕ್ಕಳು ಹೆಚ್ಚು ಇಷ್ಟಪಡುತ್ತಾರೆ. ಸ್ಟ್ರಾಬರಿ ಕ್ಯಾಂಡಿಯ ರುಚಿಕ್ಕಿಂತ ಅದರ ಆಕರ್ಷಕವಾದ ಬಣ್ಣ ನೋಡಿದರೆ ಮಕ್ಕಳಿಗೆ ತಿನ್ನಲು ತುಂಬಾ ಇಷ್ಟವಾಗುತ್ತದೆ. ಮಕ್ಕಳನ್ನು ಮೋಡಿ ಮಾಡುವ ರುಚಿ ಮತ್ತು ಆಕರ್ಷಕವಾದ ಕ್ಯಾಂಡಿಯನ್ನು ಮನೆಯಲ್ಲಿಯೆ ತಯಾರಿಸಬಹುದಾಗಿದೆ. ಈ ಕ್ಯಾಂಡಿ ಮಾಡುವ ರೆಸಿಪಿ ನೋಡಿ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:

* 2 ಕಪ್ ಸ್ಟ್ರಾಬರಿ
* 1/2 ಭಾಗ ನಿಂಬೆ ಹಣ್ಣು
* 4-5 ಚಮಚ ಸಕ್ಕರೆ
* 1 ಕಪ್ ನೀರು
* ಐಸ್ ಕ್ಯಾಂಡಿ ಮಾಡುವ ಮೌಲ್ಡ್ಸ್
* ಕಡ್ಡಿಗಳು

ತಯಾರಿಸುವ ವಿಧಾನ:

1. ಸ್ಟ್ರಾಬರಿಯನ್ನು ಚೆನ್ನಾಗಿ ತೊಳೆದು ನೀರು ಹಾಕಿ ಮಿಕ್ಸಿಯಲ್ಲಿ ಆಡಿಸಬೇಕು. ನಂತರ ರಸವನ್ನು ಸೋಸಿ ಒಂದು ಬಟ್ಟಲಿನಲ್ಲಿ ಹಾಕಿಡಬೇಕು.

2. ಈಗ ಸ್ಟ್ರಾಬರಿ ರಸಕ್ಕೆ ಸಕ್ಕರೆ ಮತ್ತು ನಿಂಬೆ ರಸ ಹಾಕಿ ಚೆನ್ನಾಗಿ ಮಿಶ್ರಮಾಡಬೇಕು.

3. ಈಗ ಈ ರಸವನ್ನು ಐಸ್ ಕ್ಯಾಂಡಿ ಮೌಲ್ಡ್ಸ್ ಅಥವಾ ಗ್ಲಾಸ್‌ಗೆ ಹಾಕಿ ಗ್ಲಾಸ್‌ಗಿಂತ ಸ್ವಲ್ಪ ಉದ್ದದ ಕಡ್ಡಿ ಹಾಕಿ ಒಂದು ರಾತ್ರಿ ಫ್ರಿಜ್‌ನಲ್ಲಿ ಇಡಬೇಕು.

4. ನಂತರ ಕ್ಯಾಂಡಿ ಮೌಲ್ಡ್ಸ್ ತೆಗೆದು ಅದನ್ನು ಸ್ವಲ್ಪ ಹೊತ್ತು ತಣ್ಣೀರಿನಲ್ಲಿ ಹಾಕಿ, ನಂತರ ಅದರಿಂದ ಸ್ಟ್ರಾಬರಿ ಕ್ಯಾಂಡಿ ತೆಗೆದು ಮಕ್ಕಳಿಗೆ ಕೊಡಿ.

ಶಾಲಾ ರಜೆ ಸಮಯದಲ್ಲಿ ಮಕ್ಕಳ ಗಲಾಟೆ ನಿಯಂತ್ರಿಸುವಷ್ಟರಲ್ಲಿ ಅಮ್ಮಂದಿರಿಗೆ ಸಾಕಾಗಿ ಹೋಗುತ್ತದೆ. ಗಲಾಟೆ ಮಾಡದಿದ್ದರೆ ತಿಂಡಿ ಮಾಡಿ ಕೊಡುತ್ತೇನೆ, ಐಸ್ ಕ್ಯಾಂಡಿ ತೆಗೆಸಿಕೊಡುತ್ತೇನೆ ಎಂದು ಆಸೆ ತೋರಿಸುವುದು ಸಾಮಾನ್ಯ. ಈ ಐಸ್ ಕ್ಯಾಂಡಿ ಸುಲಭವಾಗಿ ಮಾಡಬಹುದಾಗಿದ್ದು ಮಕ್ಕಳ ಗಲಾಟೆ ಕಡಿಮೆ ಮಾಡಲು ಈ ಕ್ಯಾಂಡಿಯನ್ನು ಅಸ್ತ್ರವಾಗಿ ಬಳಸಬಹುದಲ್ಲವೆ, ಏನಂತೀರಾ?