ನಿಂಬೆಯಲ್ಲ, ಇದು ಗುಲಾಬಿ ಶರಬತ್ತು

By Super

Updated: Wednesday, October 7, 2015, 17:37 [IST]

ಬೇಸಿಗೆಯಲ್ಲಿ ನಿಂಬೆ ಶರಬತ್ತು ತಯಾರಿಸಿ ಕುಡಿಯುವುದು ಸಾಮಾನ್ಯ. ಇದಕ್ಕಿಂತ ಹೆಚ್ಚು ರುಚಿಕರ ಮತ್ತು ಆರೋಗ್ಯಕರವಾದ ಪಾನಕ ತಯಾರಿಸ ಬಯಸುವುದಾದರೆ ಗುಲಾಬಿ ಶರಬತ್ತು ತಯಾರಿಸಬಹುದು. ಗುಲಾಬಿ ಸೌಂದರ್ಯವರ್ಧಕ ಮಾತ್ರವಲ್ಲ, ಆರೋಗ್ಯಕ್ಕೂ ತುಂಬಾ ಒಳ್ಳೆಯದು. ಈ ಗುಲಾಬಿ ಪಾನಕ ತಯಾರಿಸುವ ವಿಧಾನ ನೋಡಿ ಇಲ್ಲಿದೆ:

ಬೇಕಾಗುವ ಸಾಮಾಗ್ರಿಗಳು:

* ಗುಲಾಬಿ ಪಕಳೆಗಳು 2 ಕಪ್
* ಸಕ್ಕರೆ 1 ಕಪ್
* ಬಿಸಿನೀರು 1 ಕಪ್
* ಏಲಕ್ಕಿ 1/2 ಚಮಚ
* ನಿಂಬೆ ಹಣ್ಣು 2
* ದಾಳಿಂಬೆ ಜ್ಯೂಸ್ 1 ಕಪ್
* ಐಸ್ ಕ್ಯೂಬ್

ತಯಾರಿಸುವ ವಿಧಾನ:

1. ಗುಲಾಬಿ ಪಕಳೆಗಳನ್ನು ಪೇಸ್ಟ್ ಮಾಡಿ ಒಂದು ಬಟ್ಟಲಿನಲ್ಲಿ ಹಾಕಿ, ಒಂದು ಕಪ್ ಬಿಸಿ ನೀರು ಹಾಕಿ ಏಲಕ್ಕಿ ಪುಡಿಯನ್ನು ಸೇರಿಸಿ ಮಿಶ್ರ ಮಾಡಿ ಬಟ್ಟಲನ್ನು ಮುಚ್ಚಿ ಒಂದು ರಾತ್ರಿ ಇಡಬೇಕು.

2. ಬೆಳಗ್ಗೆ ಈ ದ್ರಾವಣವನ್ನು ಸೋಸಬೇಕು.

3. ಸಕ್ಕರೆಯನ್ನು ಹಾಕಿ ಅದು ಕರಗುವವರೆಗೆ ತಿರುಗಿಸಬೇಕು.

4. ಸಕ್ಕರೆ ಕರಗಿದ ನಂತರ ದಾಳಿಂಬೆ ಮತ್ತು ನಿಂಬೆ ರಸ ಸೇರಿಸಿ ಮಿಶ್ರ ಮಾಡಬೇಕು.
ಈ ಮಿಶ್ರಣವನ್ನು ಫ್ರಿಜ್‌ನಲ್ಲಿ 3-4 ದಿನ ಇಡಬಹುದು.

5. ಈಗ ಈ ಮಿಶ್ರಣವನ್ನು ಗ್ಲಾಸ್‌ನ 1/4 ಭಾಗದಷ್ಟು ಹಾಕಿ , ತಣ್ಣನೆಯ ನೀರು ಸೇರಿಸಿ ಐಸ್ ಕ್ಯೂಬ್ ಹಾಕಿದರೆ ರುಚಿಕರವಾದ ಗುಲಾಬಿ ಶರಬತ್ತು ರೆಡಿ.

ಗುಲಾಬಿ ಮಿಶ್ರಣವನ್ನು ತಣ್ಣನೆಯ ನೀರಿನ ಬದಲು ಹಾಲಿನ ಜೊತೆ ಕುಡಿಯಲು ಕೂಡ ತುಂಬಾ ರುಚಿಕರವಾಗಿರುತ್ತದೆ.